نيسان شاص الله يعين

[رجم قرناس]

سلام عليكم ورحمة الله وبركاته اخواني المكشاتيه

مشكلتي بس بسيطة وبنفس الوقت تسطح التسبد وتصدع بالراس

نخش بالموضوع على طول

بعد تدقيق وتمحيص ومقارنة ودوووووووووخة وديون مايعلم فيها الا الله
قررت اشتري شاص نيسان فتك والحمد لله واخذته من المعارض وارد فطيم
وانا ميقن انه مايدخل في ضمان العيسى
الحاصل اخذته من المعرض ميه ميه الساعة 4 عصرا
الساعة 9 مساءا القزاز ماينزل ولا يطلع
وديتة للكهربائي وحكم ان العطل في الازرار
ولا حصلت القطعة
ولا ادري وين احصلها ابي الفايده تكفون :looney:

[عاشق البسمه]

تأكد من الفيوز..والله يعطيك من خيره ويكفيك شره

[sgl2002]

اذا متاكد ان العطل بالازرار ولايدخل الموتر بالضمان

رح بالتشاليح تحصلها كثر الذر

من مديل ٩٨ وفوق يركب


لكن تاكد زين وغريبة ، لان معي ٩٨ ولها الحين ١٥ سنه ماغيرتها ولاتغير ادائها

[شنطة عده]

يمكن العطل كهربائي . الازار ما اعتقد انها خربانه

[مليار]

غريبه والله

اخوي ترا سيارات المعارض فيها فيوزات مايركبونها تاكد من الفيوزات ولا وده لصيانة العيسى وبلغهم ان الموتر جديد توه طالع خلهم يشيكون على فيوزاته هل هي راكبه كلها او لا

[اسدهم]

يالغلا ودة للوكالة وصلحة. اذا الموتر جديد لاحد يتعلم ع موترك واللة حرام زد فلوسك وشتر راحة والموتر غالي مو رخيص

[العابر2222]

يا غالي موترك مشكلته بسيطه

واحد من الشباب شرى جيب نيسان فتك من الخليج قبل كم سنه

واول ما جابه الرياض خذا اسبوع بعدين صار معاد يتحرك القزاز

ووداه الكهربائي وفك ازرار القزاز ونظفها ورجع تمام التمام

والسبب الرطوبه تكون طبقة في الشرايح حقة الازرة

[سفاري 95]

الله يعطيك خيره ويكفيك شره

كان عندي نفس الخراب فكيت الزر نظفته ورجعته والحين زي الحلاوه

والله يوفقنا وياك