قصيدة للشاعر عبدالله الغزي عن الذين يقومون ببيع وشرا الحباري في اماكن تواجدها وعبورها

[الفحل مليون]

عفت الولع وملاعب الطير باللوح ... ولاعاد يطري لي على الصيد طاري
اول وذكر القنص ياخذ عن الروح ... وسج رجلي مع فجوج الصحاري
لاقامت بروق الحيا فالسما تلوح ... ولا ذعذع الشامي ليال الصفاري
نقلت طير(ن) لبرق الريش ذابوح ... وابعدت عن جو المدينه مداري
واليوم ماوالله ورا القنص مصلوح ... من يوم جونا مشترين الحباري
صارت نهابه بين دارق ومشفوح ... وكل(ن) بكثر الصيد روّح يماري
حتى الاثر كنه من الخد ممسوح ... يمضي نهارك ما تلاقي اثاري
وراع الولع قفى من الغبن مجروح ... من قوم بياعه ومن قوم شاري
كنه يمله داخل الروح ساموح ... يكن من تحت الضلوع العباري
من بعد طال الصمت جت ساعة البوح ... العلم مايحمل صبر وانتظاري
الصيد سلمه صار بالغصب منكوح ... بلوه عربان(ن) غريبة طواري
اول ماتنقل طير ماتبعد شبوح ... حمام دار (ن) ماتعرف المساري
واليوم صارت تسهج الدو وتروح ... المال خلاها طويلة اشباري
خلاص عفت القنص ياطير مسموح ... حرام والله مانقلك في يساري

[Hamad18]

صح لسانه وبارك الله فيك امتعتنا
كلام سليم وقضيه مطروحه للنقاش

[نجم المجره]

صارت نهابه بين دارق ومشفوح ... وكل(ن) بكثر الصيد روّح يماري
أنا أقف عند هذا البيت إحترام لك

[قلب ذيب]

عفت الولع وملاعب الطير باللوح ... ولاعاد يطري لي على الصيد طاري
اول وذكر القنص ياخذ عن الروح ... وسج رجلي مع فجوج الصحاري
لاقامت بروق الحيا فالسما تلوح ... ولا ذعذع الشامي ليال الصفاري
نقلت طير(ن) لبرق الريش ذابوح ... وابعدت عن جو المدينه مداري
واليوم ماوالله ورا القنص مصلوح ... من يوم جونا مشترين الحباري
صارت نهابه بين دارق ومشفوح ... وكل(ن) بكثر الصيد روّح يماري
حتى الاثر كنه من الخد ممسوح ... يمضي نهارك ما تلاقي اثاري
وراع الولع قفى من الغبن مجروح ... من قوم بياعه ومن قوم شاري
كنه يمله داخل الروح ساموح ... يكن من تحت الضلوع العباري
من بعد طال الصمت جت ساعة البوح ... العلم مايحمل صبر وانتظاري
الصيد سلمه صار بالغصب منكوح ... بلوه عربان(ن) غريبة طواري
اول ماتنقل طير ماتبعد شبوح ... حمام دار (ن) ماتعرف المساري
واليوم صارت تسهج الدو وتروح ... المال خلاها طويلة اشباري
خلاص عفت القنص ياطير مسموح ... حرام والله مانقلك في يساري
..................
صح لسان الشاعر . اختيار جزل لقصيده معبره بمراره واصفه الحال بشكل صحيح .

[عابر الموج]

هذا ردي على الغزي طبعا بعد قراءت القصيده بمكشات ولا الرجال بسلامته لاعرفه
الطير حبه يافتى عادل الروح = وش عاد لو تشرا الحبارا بمصاري
رزقي على الي اخضر العود بالسوح = ولاهو على عبدا بماله يماري
الله كريم يبدل الوقت بفروح = ويبعد عن المسلم سنين العزاري
مادام من شيد برندات وسطوح = الدائم الله يابعيد المساري
رزقك معلق يافتى الجود بالوح = عند الولي مازعزعته الطواري

الشاعر عابر الموج

[مازن الصعب]

واليوم ماوالله ورا القنص مصلوح ... من يوم جونا مشترين الحباري

الله الله

صح لسان ابو زايد

ويعطيك العافية على النقل ياصاحب الموضوع

[قصاب العلايا]

صح لسانك اشهد انك جبتها علئ الجرح

[ناوي يهاجر]

قصيدة تحكي واااقع مرير لكل صقار

ومعذور من ترك طرد الهوى ...

ومن لم يستطع ترك طرد الهوى نلتمس له العذر لحين ما يأتيه يوم كما اتى من تركه

\

قصيدة جزلة ووصف دقيق

شكراً لك على النقل الموفق

وصح لسان الشاعر

[هم الشمالي]

ﻗﻮﻟﻪ ﺗﻌﺎﻟﻰ : { ﻭﺍﻟﺸﻌﺮﺍﺀ ﻳﺘﺒﻌﻬﻢ ﺍﻟﻐﺎﻭﻭﻥ ﺃﻟﻢ ﺗﺮ ﺃﻧﻬﻢ ﻓﻲ ﻛﻞ ﻭﺍﺩ ﻳﻬﻴﻤﻮﻥ ﻭﺃﻧﻬﻢ ﻳﻘﻮﻟﻮﻥ ﻣﺎ ﻻ‌ ﻳﻔﻌﻠﻮﻥ ﺇﻻ‌ ﺍﻟﺬﻳﻦ ﺁﻣﻨﻮﺍ ﻭﻋﻤﻠﻮﺍ ﺍﻟﺼﺎﻟﺤﺎﺕ ﻭﺫﻛﺮﻭﺍ ﺍﻟﻠﻪ ﻛﺜﻴﺮﺍ ﻭﺍﻧﺘﺼﺮﻭﺍ ﻣﻦ ﺑﻌﺪ ﻣﺎ ﻇﻠﻤﻮﺍ ﻭﺳﻴﻌﻠﻢ ﺍﻟﺬﻳﻦ ﻇﻠﻤﻮﺍ ﺃﻱ ﻣﻨﻘﻠﺐ ﻳﻨﻘﻠﺒﻮﻥ }

انا اقول لشاعر ترى محد درى عنك تحرم نقلت الطير ولا ماتحرمها الناس بتروح وبتقنص وبتستانس وانت خلك في بيتك والبيع والشراء الله الي محلله طبعا وفق الشروط الشرعيه مثلا واحد صاد حباره وصار يملكها يحقله انه يبيعها والي بيقول صارت تجاره بالصيد مدام ان هاتجاره حلال والشرع محللها اقول لحد يحرم مااحل الله وخلو الناس ترزق بالحلال وكل واحد بياخذ رزقه والله موزع الارزاق بين عباده وانا اقول لاتقدمون الهوى على الدين

والله يوفقنىلمى يحب ويرضى

[ذيب خيطان]

لاهنت صح لسانه

[وعيلان]

صح الله لسانك
والشرهه على اللي يدفعون الدراهم خلت عبادة الدرهم يجبون الصحاري بحثن عنها حتى ان اكثرهم ليس صقار
وإنما يريد الدراهم التي ستقدم له .. جنبنا الله وإياك رعاع القوم !

[روق الرياض]

قوله تعالى : { والشعراء يتبعهم الغاوون ألم تر أنهم في كل واد يهيمون وأنهم يقولون ما ﻻ‌ يفعلون إﻻ‌ الذين آمنوا وعملوا الصالحات وذكروا الله كثيرا وانتصروا من بعد ما ظلموا وسيعلم الذين ظلموا أي منقلب ينقلبون }

انا اقول لشاعر ترى محد درى عنك تحرم نقلت الطير ولا ماتحرمها الناس بتروح وبتقنص وبتستانس وانت خلك في بيتك والبيع والشراء الله الي محلله طبعا وفق الشروط الشرعيه مثلا واحد صاد حباره وصار يملكها يحقله انه يبيعها والي بيقول صارت تجاره بالصيد مدام ان هاتجاره حلال والشرع محللها اقول لحد يحرم مااحل الله وخلو الناس ترزق بالحلال وكل واحد بياخذ رزقه والله موزع الارزاق بين عباده وانا اقول لاتقدمون الهوى على الدين

والله يوفقنىلمى يحب ويرضى

الله يجزاك خير
الرجال يقصد الي يبيع الحبار وهو ماطرحها لاشافها دق علي راعي الطير وجاك وسلمه الدراهم
وهذا كلكم عارفينه منتشره في الشرقيه
وعلي كذا حررررررررررم انك تبيع شي ماتملكه والله لايكثر جنسهم امين 🙏

[خلف الفار]

قصيده جزله من شاعر جزل ويشكر الشاعر علي تناول مثل هالمواضيع

[مصخر الوحوش]

صح السان قايلها والله يبلا اللي اللي بلا اهل الولع بها المصيبه اخواني ادعو عليهم البايع والشاري الله يشغلهم بانفسهم الواحد منهم يصيد لغيره وليس لنفسه علشان يقولون فلان صاد هالكثر وعلان اكثر منه حسبي الله ونعم الوكيل

[أبو فيصل]

صح لسان الشاعر
ما يلاّم ولاّ أحد يخلي الولع و الصيد و خوة النشاما في المقناص

[سعيد العقير]

قوله تعالى : { والشعراء يتبعهم الغاوون ألم تر أنهم في كل واد يهيمون وأنهم يقولون ما ﻻ‌ يفعلون إﻻ‌ الذين آمنوا وعملوا الصالحات وذكروا الله كثيرا وانتصروا من بعد ما ظلموا وسيعلم الذين ظلموا أي منقلب ينقلبون }

انا اقول لشاعر ترى محد درى عنك تحرم نقلت الطير ولا ماتحرمها الناس بتروح وبتقنص وبتستانس وانت خلك في بيتك والبيع والشراء الله الي محلله طبعا وفق الشروط الشرعيه مثلا واحد صاد حباره وصار يملكها يحقله انه يبيعها والي بيقول صارت تجاره بالصيد مدام ان هاتجاره حلال والشرع محللها اقول لحد يحرم مااحل الله وخلو الناس ترزق بالحلال وكل واحد بياخذ رزقه والله موزع الارزاق بين عباده وانا اقول لاتقدمون الهوى على الدين

والله يوفقنىلمى يحب ويرضى

اخوي الشمالي
الشاعر في وادي وانت في وادي الله يسلمك
الشاعر يقصد شي خطير جدا وهو بيع جره الحباره قبل صيدها وهذا سوى لنا خلل بالشرقيه بالذات وانتو عارفين ليه طبعا
بيع الحباره وهي مطلوقه حرام شرعا
لان النبي صلى الله عليه وسلم نهى عن بيع الطير في الهواء والسمك في الماء والثمر قبل نضوجه
فهناك اشخاص الله يهديهم يبحثون عن الحباري ليلا ونهارا وعندما يجدونها يتصلون على الشيوخ واصحاب الفلوس ويسلومون عليها بعضها يباع بعشره وثمانيه الاف ريال
وهذا حرام شرعا لانها ما صيدت

فصار الشيخ يقنص بالسنه سبعين حباره والصقار العادي ما يعرف يقنص
اتمنى اني وضحت لك الفكره

[الفحل مليون]

صح لسانه وبارك الله فيك امتعتنا
كلام سليم وقضيه مطروحه للنقاش

صح بدنك وفيك بارك

[الفحل مليون]

واليوم ماوالله ورا القنص مصلوح ... من يوم جونا مشترين الحباري

الله الله

صح لسان ابو زايد

ويعطيك العافية على النقل ياصاحب الموضوع


صح بدنك ؛ والله يعافيك نورت المشاركة بتواجدك