رايكم يصقاقير

[ابو مرزوق1]

السلام عليكم ورحمة الله وبركاته
يشرفني ويسعدني الانضمام معكم واتمنى استفيد من اهل الخبر واول مشاركة لي سؤال واتمنى الافاده
وسؤالي : وش الافضل للامبتدئي في الصقاره ياخذله طير وحش او طير جاهز مع العلم إنه الطير بيكون وكري












.

[عيد ثاني]

ابو مرزوق ..

لاأعتقد بأن الوحش يناسب المبتدئين ..

[عادل العيباني]

وعليكم السلام ورحمة الله وبركاته

حياك الله يابو مرزوق وشرف الله مقدارك من رأيي خذ لك وحش افضل حتى تتعلم الصبر وسعة البال على نقل الطير وتدهيلة وراح تبدا بداية طيبة وبالتوفيق والله يرزقك بالطير الطيب تقبل مروري

[ابو وافي00]

السلام عليكم ورحمة الله وبركاته
أهلاً وسهلاً
أبو مرزوق
نرحب بك في منتدئ مكشات وفي خيمة الصيد بالصقور خاصة ونتمنئ لك الفائده
ونستفيد منك أيضاً
أنا أشوف أن المبتدئ ياخذ طير وحش طبعاً الوكري أفضل للمبتدئ
ليش أفضل الوحش من المدرب
بغض النظر عن نوع الطير
لأنه راح يبدئ معاه من الصفر بداية بتدهيله وانتهاءً بهداده
وهذا له فايده أن المبتدئ يكتسب الخبره أفضل من الطير المدرب الجاهز
راح تقولون مبتدئ كيف ياخذ طير وحش
أقول ماحد طلع من بطن أمه عالم يقرا ويتعلم ويطبق وراح يستفيد




تحياتي:
أبو وافي..

[ابو مرزوق1]

جزاكم الله خير ونصايحكم إن شاء الله احطها امام عيني

[؛ابوطلال؛]

الله يوفقك وكلام الرجال على متمه
وبالتوفيق للجميع

[قلب ذيب]

المبتديء الذي يسأل ويستفسر تجده بعد مده من أكبر الصقاقير
اثمن تواضعك
من الافضل مخاواة الصقاقير معارفك واصدقائك والتعلم منهم واعتقد بانهم سيختارون لك الطير المناسب .

[اللماع]

انا اتفق مع أخوي قلب ذيب

[ذيب خيطان]

الله يحييك يابو مرزوق ياهلابك ويامرحبا انا أشوف أنك تاخذ مدرب أحسن لك وتخاوي الصقاقير حتى تتعلم منهم أكثر

[هم الشمالي]

اذا عندك استعداد انك تكون صقار وتحب هاذي الهوايه فانا اقول الله يوفقك والطير افضل شي انك تاخذ شي مدرب واهم شي يكون الطير راكد افضل لك حتى انك ماتكره الطير من البدايه لان الوحش يبيله تدريب وقت على مايكون جاهز للهدد ومع الوقت راح تتعلم
واي استفسار الاخوان بمنتدى مكشات مايقصرون معاك إن شاء الله

[فاارس]

عليك باللي قالوه لك اخواني ( عادل العيباني + ابو وافي + قلب ذيب ) ولا يهونون الباقين / عطوك العلم اللي ملحته فيه
والله يوفقك ويرزقك بالطيب يالطيب ..

[ابو مرزوق1]

اشكركم على تجاوبكم وكفيتو وماقصرتو

[أبومحمد عنيزة]

إذا أنت فعلاً هاوي وعاشق للطير ستجد أن الصقارة سهلاً جداً مع المراس وسوف تكون هناك مهارات تتعلمها مستقبلاً بحول الله ، ورأيي أنك تاخذ لك طير هادي جداً ويتجاوب معك لأن الطير الهادي يحببك بالصقاره وأما النزر والوحش بيكرهك بالصقاره وبيعذبك شوي

[mr-uae]

ابو مرزوق حياك الله بين اخوانك

ومثل ماقالو لك خاوي أهل الخبره وان شاء الله نشوفك صقار خبير

خذلك وكري يكون الأفضل في البدايه

أتمنى لك كل خير وان شاء الله انك تستفيد من أهل الخبره في مكشات

[شامان 505]

أبومرزوق نصيحة مجرب خذلك وكريه مدربه تطربك لاشقلبت ومع الوقت بتعرف للطيور
ومانصحك بالوحش انتبه لان الوحش غالبا ينكر خصوصا لاصار صاحبه مبتدئ وخل الوحش فالحرار لاأبدعت ذيك الحزه

[تميم2222]

الله يحييك يبو مرزوق وابركها ساعه. وجودك معنا. وابشر نعطيك كل ما يساعدك علئ الصقاره سواء من ادوات او معلومات. ونتمنئ لك التوفيق اولا شف لك الربع اللي تعاونك علئ طيرك وانحش عن مكسره المجاديف. وانصحك بقتناء طير مدهل عشان تعرف خاطر الطيور وطريقه التعامل معها.

[ابو مرزوق1]

بيض الله وجيهكم وكفيتو وفيتو وبنسبه لمخاوات الصقارين زينه بس المشكله ربعي اغلبهم بعيد وبرا الرياض وانا بالرياض وهذا الي كاسرني

[ابو مرزوق1]

يالربع الي يخبرلي وكريه فرخ هاديه بالرياض وسعرها لايتعدا ال 2500

[خيال سهيل]

يالربع الي يخبرلي وكريه فرخ هاديه بالرياض وسعرها لايتعدا ال 2500

هذا الكلام الصح وليت تكون مصقوره وصايده ابرك وابرك
بس لازم تخاوي صقاقير يعلمونك واحرص على الشيبان والمطاوعه تكسب ثنتين
دين وصقاره

[ابو مرزوق1]

شاكر مرورك اخوي خيال سهيل ويالربع لا تنسونا