القير أو المكينة أو العكوس فزعتكم

[النائف]

السلام عليكم ورحمة الله وبركاتة



أخواني محتاج خبراتكم ومساعدتكم ،،،


كتبت عن مشكلة سيارتي سوناتا 2009 حيث أنه ما تستجيب للدعسة وحسب نصائح الأخوان
قمت بفك الثروتل وكان نظيف رجعته مكانه وشبكت البطارية وسبحان الله
طفت لمبة المكينة وصارت السيارة تستجيب للدعسة لكن :(

* الابنص عالي تقريباً واحد ونصف وسيارة واقفه
* بالدعس البنزين اعلى ارتفاع تقريباً يوصل الثلاثة
* عندما يرتفع الابنص فوق 2 ابدأ اسمع صوت قربعه في المكينه أو القير

مشيت بالسيارة الابنص يوصل 2 او 3 لكن السيارة تتحرك ببطئي
جعلت القير على الوضع اليدوي وعشقت الثاني نفس الشي الثالث اسرعت السيارة
لكن مازال العزم ضعيف جداً رغم انه الابنص ويصل 2 و3


أخواني ماهي المشكلة هل المكينة أم القير أم ماذا

صوت القربعه هل من المكينه ام القير ؟
هل ضعف العزم مع الابنص العالي دليل مشكلة في القير ؟


يمكن مشاهدة الاصوات في السيارة

http://www.youtube.com/watch?v=_3D53TAf-GI
http://www.youtube.com/watch?v=Mnw9HDzWebU


كم قيمة مكينة السيارة وكم قيمة القير ؟

[SGL]

وعليكم السلام ورحمة الله وبركاته
أخوي شي طبيعي بعد تنظيف الثروتل ترتفع الدعسة أمشي عليها يومين وترجع طبيعي وإذا مارجعت سوي برمجة ﻷن ثروتل
موترك إكتروني وفي نفس الوقت خبيث يعني لاتكثر المزح معه بعدين يزعل:D أنا شخصيآ كل ماجيت أبي أنظف ثروتل إكتروني أتردد وشعر راسي يوقف أحسه غثيث أما بخصوص الموتر مايمشي أبيك تشيك على الشكمان كامل وبذات دبة البيئه ممكن تكون مسكره وشيك على حساساتها الي راكبه فيها فكها ونظفها بس لاتنسى تفصل إصباع البطرية قبل فك الحساس

[النائف]

وعليكم السلام ورحمة الله وبركاته
أخوي شي طبيعي بعد تنظيف الثروتل ترتفع الدعسة أمشي عليها يومين وترجع طبيعي وإذا مارجعت سوي برمجة ﻷن ثروتل
موترك إكتروني وفي نفس الوقت خبيث يعني لاتكثر المزح معه بعدين يزعل:D أنا شخصيآ كل ماجيت أبي أنظف ثروتل إكتروني أتردد وشعر راسي يوقف أحسه غثيث أما بخصوص الموتر مايمشي أبيك تشيك على الشكمان كامل وبذات دبة البيئه ممكن تكون مسكره وشيك على حساساتها الي راكبه فيها فكها ونظفها بس لاتنسى تفصل إصباع البطرية قبل فك الحساس

مشكور أخوي بالنسبة أرتفاع الدعسة مو مشكلة اذا يومين أو برمجه وتروح لكن كيف امشي فيها
وعزمها ميت مره وغير كذا خايف من صوت قرقرقر أخاف المكينة لا تضرب علي

بالنسبة لشكمان رحت فيها قالي دبة البيئه مفكوكه وما عندك مشكله في شكمان حسب كلامه
وقالي لمبة المكينه الي تظهر بسبب حساس الشكمان لكن هذي ما تسبب لك ضعف العزم

[رفيع المقام]

وعليكم السلام ورحمة الله وبركاته

بالنسبه للثروتل بدي ،.
كيف نظفته ؟

هل قمت بتحريك لسااان الخاانق يدوياً أثناء التنظيف.؟

مشكلة الدعسه الالكترونيه يرتفع صوتها إذا نظفتهتا وحركت اللسان يدويا؟

وبالنسبه لمشكلة العزم شيك عالبووواجي..

[النائف]

وعليكم السلام ورحمة الله وبركاته

بالنسبه للثروتل بدي ،.
كيف نظفته ؟

هل قمت بتحريك لسااان الخاانق يدوياً أثناء التنظيف.؟

مشكلة الدعسه الالكترونيه يرتفع صوتها إذا نظفتهتا وحركت اللسان يدويا؟

وبالنسبه لمشكلة العزم شيك عالبووواجي..

ضغطت الدعسه ما فتح فا حركته بيدي وكان نظيف
البواجي جديده

[النائف]

أعتقد أنه حالياً ما أقدر اسوي شي ولازم اوديها ورشة

إذا فيه ورشة ممتازة خصوصاً في الهونداي في الرياض - الصناعية القديمة بحي العنوز تنصحوني اروح لها

[كاشت بالبر]

كل السيارات الحديثه دعستها إلكترونيه
( السيارات السابقه والقديمه دعستها عاديه )

الدعسه الإلكترونيه يبغالها برمجه بعد التنظيف أو عند تحريك اللسان ... و إذا نظفتها بشكل خاطئ ممكن تخرب الحساسات حقت الثروتل الإلكتروني

الطريقه الصحيحه تاخذ قطعة قماش وترشها ببخاخ تنظيف الكاربريتر ثم تنظف الثروتل بودي من الداخل جهة المكينه ومن الخارج جهة الفلتر

ملاحظه :
أحيانا تشوف لسان الثروتل من الخارج نظيف لكن من الداخل مليان كربون وأوساخ

أنا مره من المرات نظفت الثروتل بودي حق الأكورد بدون ما أفصل البطاريه :D
وفتحت لسان الثروتل بيدي ونظفته بقطعة قماش بللتها بخاخ تنظيف الكاربريتر وطلع أنواع الكربون والأوساخ بقطعة القماش

و يوم شغلت السياره صار الـ RPM يلعب وتدعس من نفسها :eek: ؛ يعني تدعس إلى 3 ثم ينزل إلى 1 وتستمر على هالحال

وضاق صدري خفت أن الثروتل خرب ؛ المهم قررت أني افصل البطاريه واخليها دقائق ثم اشبكها مره ثانيه

وشغلت السياره وثبتّ الدعسه على 3000 RPM لمدة 3 دقائق

ثم خليتها في وضع الخمول Idle بدون دعس وبدون لمس البنزين لمدة 3 دقائق

ثم شغلت المكيف وخليته على ما أظن 3 دقائق

ثم مسكت بها الدائري + مشاوير

وصارت :good2:
وحسيت ان العزم تحسن وقلّت النفضه والإهتزاز اللي تصير بعض الأحيان عند تشغيل المكيف والسياره واقفه بسبب إنخفاض الـ RPM

فيه ناس ينظفون الثروتل بودي بطريقه خاطئه :
والسياره شغالها يخلي احد يدعس وهو يرش بخاخ اسي ديلكو أو أي بخاخ تنظيف الكربريتر ؛ وتروح الأوساخ للسلندر والخ... ( المكينه بشكل عام ) وهذا يضرها ويؤثر عليها .. وتلقى الشكمان يطلع دخان وحالته حاله

الطريقه الصحيحه أنك تفك الثروتل بودي وتنظفه بس أنتبه للحساسات ... أو أنك ما تفك الثروتل وتكتفي بتنظيفه وهو بمكانه ترش قطعة القماش ببخاخ اسي ديلكو أو الخ... وتفتح اللسان وتنظفه وتنظف الثروتل من الداخل

لكن طبعا ضروري ولازم برمجه ( بعد فصل البطاريه وهي طافيه - بعد تنظيف الثروتل بودي ) لأي سياره فيها ثروتل بودي إلكتروني

الزبده إذا مالك بوجع الراس ولا عندك خبره ولا لك خلق تسوي تجارب .... ودها للوكاله وخلهم يبرمجونها و ريح

أما إذا أنت تحب تشتغل بنفسك وتحب تهندس وتضبط سيارتك والخ... ؛ جرب تبرمجها بنفسك

[كاشت بالبر]

مشكور أخوي بالنسبة أرتفاع الدعسة مو مشكلة اذا يومين أو برمجه وتروح لكن كيف امشي فيها
وعزمها ميت مره وغير كذا خايف من صوت قرقرقر أخاف المكينة لا تضرب علي

بالنسبة لشكمان رحت فيها قالي دبة البيئه مفكوكه وما عندك مشكله في شكمان حسب كلامه
وقالي لمبة المكينه الي تظهر بسبب حساس الشكمان لكن هذي ما تسبب لك ضعف العزم

دبة البيئه فيها حساس للشكمان ؛ وحساسات الشكمان مهمه ولها تأثير كبير

والسياره وكمبيوترها .. مصممه على أنها تعمل بدبة تلوث + حساسات شكمان سليمه

http://www.ehow.com/facts_4815064_common-symptoms-bad-oxygen-sensor.html

http://www.oilfiltersonline.com/blog/index.php/2011/01/5-signs-your-o2-is-bad/


اتوقع والله أعلم لو تركب دبة بيئه ( دبة تلوث ) نظيفه من التشليح + حساسات نظيفه من التشليح أو الخ... + برمجة السياره والثروتل

بتنحل مشكلتك أو على الأقل تخف

تفريغ دبة البيئه = غلط ... والصحيح تنظيفها عند الحاجه ببخاخ اسي ديلكو ما أدري بنزين أو الخ... شف الموضوع هذا عن تنظيف دبة التلوث بدون تفريغها
http://www.mekshat.com/vb/showthread.php?t=568548

بس يمكن مكينة سيارتك فيها شيء لأن فيها صوت غريب والله أعلم
Mnw9HDzWebU