سؤال عن ماطور هواء ماركة الجمل بستمين

[صافي النيه]

السلام عليكم ياشباب بسئل احد جرب ماطور هواء ماركة الجمل بستمين وهل هو عملي
لان الانواع كثيره ومختلفه فاللي عنده صورته او صورة كرتونه يحطها جزاه الله خير
علشان اشتري ونا متأكد انه الاصلي وياليت تكون صورة الكرتون علشان اوضح لانه صعب تفتح الكرتون علشان تشوف الماطور فاللي عنده خبره لا يبخل علينا وجزاكم الله خير

[اصيل نجد]

هلا باخوي صافي النيه اولا انصحك بشراء الماطورمن الوكيل نفسه لاان المقلد كثير بالسوق وانتبه فيه ابو جمل جربه واحد من الزملاء ابو بستمين وشكله ضخم ومضخم وتقول يبي ينفخ تريله ويوم خرب فكه حصل مكان البستم الثاني فاضي بدون بستم بس من الخارج ديكور فقط فنصيحه رح للوكيل وخذ الضمان من عنده وفيه انواع كثيره ربي يوفقك

[عساها تساهيل]

مر اقرب محل رحلات وخذ ابو جمل اللي كرتونه ازرق بحاول انزل صورته

[لاتكب البيالة]

ابو جمل بستمين فيه بعض المشاكل وخرابه واجد
الافضل خذ ابو جمل تيربو خابر سعره 450 ونا ابروح للوكيل هاليومين ان بغيت اخذ لك واحد وارسله

[aboabdullah96]

هلا باخوي صافي النيه اولا انصحك بشراء الماطورمن الوكيل نفسه لاان المقلد كثير بالسوق وانتبه فيه ابو جمل جربه واحد من الزملاء ابو بستمين وشكله ضخم ومضخم وتقول يبي ينفخ تريله ويوم خرب فكه حصل مكان البستم الثاني فاضي بدون بستم بس من الخارج ديكور فقط فنصيحه رح للوكيل وخذ الضمان من عنده وفيه انواع كثيره ربي يوفقك




صدقت

اذكر واحد من الشباب عنده يستمين واذا عباء بستم مرتفعه حراره وبستم عادي مافيه حراره


انا عندي ابو جمل بستمين
من 0 الى 30 حدود الدقيقه مشاءالله تبارك الله

[نوخذة الصحراء]

الف شكر للذين ردو وفقكم الله لكل خير واعانكم على امور دينكم ودنياكم
من وكيل الماطور قصدي ايش اسمه ووين محله وجزاكم الله خير

[بدوي نمبر ون]

متابعين للموضوع
ويا اخ لاتكب البياله
بشر كم لقيت سعره

[ابورايف]

حياك الله

أذا أردت الأصلي تجدة لدى الوكيل فالغرابي

وسعرة قرابه 300ريال تنقص قليلاً

لكن الماطور مهم جداً

تقبل مروري وردي

[الرهمي]

وش أسمه الوكيل
ولا العنوان
يعطيكم العافيه

[جور الايام]

اسمة الشراع بالغرابي
وصفة لمن صرت عند الاشارة الي بة الدوريات وصارت الدوريات يسارك رح يسار ثمن تجيك اشارة خذ يمين وتمشي يجيك تقاطع بعد التقاطع تلقاة على يسارك عاد لاتشرة ما اعرف اسم الشارع بس هو بالشارع الي بوة السليماني والعوبثاني

[مريقب العيفار]

كثير تحصل اعلانات ابو جمل لكنه ماهو ابو جمل رغم وجود

صورة الجمل على الماطور فكن على حذر

[aboaljuri]

انا شريته من السنيدي قبل كم سنه وكان جايب الاصلي ومفصله شنطه ... وماشا الله للحين ماشي تمام معي وينفخ اسرع من ابو بستم ... بس عيبه يحتمي بسرعه ... بس رغم كذا نفخت فيه كم سيارة على رغم حرارته وماشي تمام ... وشريته ب ثلاثمية وشوي اذكر

[jjjjjjjjjjjjj]

ابو بستمين مب ابو جمل الاصلي

وكيل ماطور ابوجمل في السعودية هو محل الشراع _الغرابي_ ولا يوجد عنده هذا النوع عنده اربع اشكال كلها بستم

هذا للتوضيح

لكن فيه ناس جربوا البستمين سعره ب100 ريال وماشي معهم ..

[تربة الشمال]

ابو جمل الاصلي وكيله الشراع بالغرابي بس لا تاخذ الابستمين لان البستم واحد ضعيف ويسخن

[_TOYOTA_]

ابو جمل الاصلي عند محلات الشراع

[hamad221]

والله الواحد يحتار


الحين بو بستم واحد افضل ولا ابو 2

[m1m2m3m4m5m6]

خذ نصيحتي كل مواطير الشراع مابين عاديه وسيئه الا واحد وهو الماطور ابو راس واحد ولي قصير ,, اما ابو بستمين والتيربو كلها خلها عنك ,, نصيحه لله

[هاوي]

عند الجمعان في النسيم اصلي ضمان سنة ب 350 بس كفو وتحدد كم الهواء اللي تبي يعبيه ويقفل اوتو

كرتون احمر ياباني وسريع جدا في النفخ

[yes999]

اذا ابو بستمين ب 100 والاصلي ب 400 خذ الى مو اصلي 2 ب 200 يكفوك دهر ولا فيه واحد عيب مصنعي الثاني يجي تمام وتستخدم واحد قطع غيار ..

[hamido]

عند الجمعان في النسيم اصلي ضمان سنة ب 350 بس كفو وتحدد كم الهواء اللي تبي يعبيه ويقفل اوتو

كرتون احمر ياباني وسريع جدا في النفخ
ممكن صور له ووش اسمه وسرعة نفخه كم مقارنه بابو جمل لان ميزة التقفيل حلوه

[هاوي]

http://www.t7mil.com/uploads/t7mil1355086509242.jpghttp://www.t7mil.com/uploads/t7mil1355086509131.jpg

[أبو نادر.]

هذا النوع شفته بس الظاهر انه صيني ماهو ياباني والله اعلم
ماني متاكد

كيف الماطور يسخن مع نفخ هواء الكفر

[الفريح1]

ممتاز ابولي صغير وسعرة قرابة 290 ماركة ابوجمل ووكيله الشراع