فزعتكم الطير يشابط وقت العلف ..

[خالد العطااوي]

سلام عليكم ورحمة اللله وبركاته ..

شلونكم عساكم بخير ..
يالربع عند خويي طير حر راكد ولاعليه خلاف ..
وهادي ..
لكن مشكلته يشابط وقت العلف ..
والطير صنيع ولاهو ضعيف ..
ابي لي حل لاهنتم ..

[قلب ذيب]

لازم يشابط . . لان الطير مازال مستوحش ينقل الطير ولايؤخذ منه العلف وقت العشا وبأذن الله يركد .

[خالد العطااوي]

لازم يشابط . . لان الطير مازال مستوحش ينقل الطير ولايؤخذ منه العلف وقت العشا وبأذن الله يركد .




لابالله ماهوب مستاحش الطير رااااكد مررره ..
ولاعمري خذيت منه علفته بالغصب ..
ياقلب ذيب ..
لو اني امصع علفته منه كان عرفت أن هذا هو السبب ولو أنه ضعيف برضو كان قلت
من الضعف ولو الطير فيه لو واحد بالميه وحاشيه كان بعد قلت منه والله أنه يطرح صيدته
وأني احط كفر الموتر صانتي ولايتحرك ..
وأدعيه بالملواح وأذا عطيته الملواح اروح أجيب وكره من عند الموتر والموتر بعيد مني واجيه وهو يعلف علفته ولايتحرك صانتي
بس أذا قعدت تنتف معه وإلا تعاونه يخليج شو وفجأه ماتدري إلا قاضب يدك هاك القبضه
اللي تدمع عينك منها ههههه
..

[راعي ياقوت]

هذا الطير أستخدم معه طريقتين
الاولى ( ادعه وشقلبه وخله ياكل على التلواح لين يشبع وعقب أنقله بعلفه على يدك وعلفه وصكه بالبرقع لمدة ١٥ الى ٢٠ يوم وان شاءالله يزين )
الثانيه ( ادعه على التلواح خالي وخل العلف في يدك ولا شقلبته وخلصت قبضه التلواح وقرب يدك منه لين ينقز على يدك ويصير مايعلف الا من يدك ولمدة ٢٠ يوم وبأذن الله يزين ) وسلامتك وسلامة الجميع

[أبو فيصل]

هذا الطير أستخدم معه طريقتين
الاولى ( ادعه وشقلبه وخله ياكل على التلواح لين يشبع وعقب أنقله بعلفه على يدك وعلفه وصكه بالبرقع لمدة ١٥ الى ٢٠ يوم وان شاءالله يزين )
الثانيه ( ادعه على التلواح خالي وخل العلف في يدك ولا شقلبته وخلصت قبضه التلواح وقرب يدك منه لين ينقز على يدك ويصير مايعلف الا من يدك ولمدة ٢٠ يوم وبأذن الله يزين ) وسلامتك وسلامة الجميع

عين العقل و الطريقة الأولى أفضل و بعد حاول تسحب الملواح شوي شوي لين يصير عند حظنك و أنت متربع واذا حولك أحد سولف معه و أترك الطير لحاله بدون حركه كثيره أو مسح ظهره أو مد أيدك مرّه مرّه ... و خل الدس وراك لين يشبع ثم تناوش الدس من غير ما يشوف و حط فيه علفه ومده من تحته من صوب وجه الطير و خله ينسر شوي ثم لمنه تناوش الدس وركب أرفعه بشويش و أنت قاضب سبوقه و بعدها نظّف منقاره و خله على يدك شوي لين يتنفض و تطير شياطينه ثم برقعه بركاده كنّه و حش و بشويش حطه على الفراش في السيارة و تأكد ما يحركه شي و الجو ماهو حار عليه واذا تعشى واجد لا تطوّل مدة برقاعه ثم أبلج منه على يدك أو في البيت علشان يصرّف عشاه

[خالد العطااوي]

بيض الله وجيهكم ماقصرتو ..

[كاشت2]

انت خذ في يدك نسرتين او ثلاث واعطه عشاه تحت رجوله وهو ياكل حاول انك تقرب يدك من رجوله شوي بحيث ماتلمسها
واعطه النسور الي في يدك في منسره على طول وكرر الطريقه ثلاث او اربع مرات مع كل عشاء
لان الطير بيكون خايف على عشاه وخصوصا لما تحركه من تحته لذا حاول تقنعه انك تساعده بهذي الطريقه
وان شاء الله تزبط معك وبالنسبه لسبب قيامه بهذي الحركه هو اما انك قد سبق وسحبت عشاه وانه لم يشبع او غيرك فعل اتمنى اكون افدتك واسف على الاطاله

[عابر الموج]

لابالله ماهوب مستاحش الطير رااااكد مررره ..
ولاعمري خذيت منه علفته بالغصب ..
ياقلب ذيب ..
لو اني امصع علفته منه كان عرفت أن هذا هو السبب ولو أنه ضعيف برضو كان قلت
من الضعف ولو الطير فيه لو واحد بالميه وحاشيه كان بعد قلت منه والله أنه يطرح صيدته
وأني احط كفر الموتر صانتي ولايتحرك ..
وأدعيه بالملواح وأذا عطيته الملواح اروح أجيب وكره من عند الموتر والموتر بعيد مني واجيه وهو يعلف علفته ولايتحرك صانتي
بس أذا قعدت تنتف معه وإلا تعاونه يخليج شو وفجأه ماتدري إلا قاضب يدك هاك القبضه
اللي تدمع عينك منها ههههه
..

الطير لك ماهو لخويك حسب اجابتك في
اعتقادي ان طيرك تفريخ والله العالم تقبل تحياتي