المساعد الشخصي الرقمي

مشاهدة النسخة كاملة : لتنشيط الذاكرة وتشغيل الحواس .. ماهو نوع هذه السمكة ؟ (:


بن عاقول c.o
13/10/2006, 06:10 AM
حبيّت أعمل شوية تغيير دام أحنا في هذا الشهر الكريم ومافي بالنا غير متى موعد الفطور والسحور مع الجوع ؟


شنهو نوع هذه السمكة المطبوخة والجاهزة للأكل وعسى ماأكون سبب في إفطار بعض الصيّام قبل موعد الفطور !!:D







http://www.mekshat.com/pix/upload/images21/mk35201_dsc03276.jpg

سوف أجيب لكم عن السؤال بس بعد ماتسيل الرياري ..:D

وسامحونا إذا كانت المشاركة غير مرغوب فيها وأرحب بالتنبيه ;)
سلعاوي 111
13/10/2006, 07:02 AM
هذي الصوره على ماضن انه شعري ولا شرايك
شعور
13/10/2006, 07:55 AM
اما شعري ولا حريد
أبو صندوق
13/10/2006, 02:18 PM
هذي كومة من البهارات عليها طماطم وشطة !!!!!!!!!
النوخذة
13/10/2006, 02:53 PM
والله يا خوي

قلبت الصورة خمسين مرة ولا طلعت بنتيجة

الشكل العام كأنه شعري

لكنها عريضة شوي علشان كذا ممكن تكون شعم كبير

لكن الشعم فمه مايجي زي اللي بالصورة

الفسكر ممكن يصير فمه زي اللي بالصورة

لكن الزعنفة اللي مسفطة حول الذيل ماهي من زعانف الفسكر



أنا أشوف أن أقرب إجابة ممكن تكون الشعري إذا أنت صايدها

وخليني أقول نقرور إذا أنت شاريها



أما إجابة أخونا أبو صندوق الرهيبة فهي أقرب شئ أشوفه بعد الشعري

على فكرة الصورة سببت لي أزمة نفسية

خصوصا أني ماتسحرت



يعطيك العافية
gulfhunter
13/10/2006, 05:02 PM
حياك الله أخوي بن عاقول

والله انك محيرنا انا مع ابو صندوق ... لكن ماتطلع من الشعري, العندق , العريضي, وش بقى !!!!!!

بارك الله فيك
بن حـــمـــد
13/10/2006, 07:04 PM
في الواقع شي يحير


امممممممم بين الشعري والعندق امممممممم اقول شعري :confused:
majdimata
13/10/2006, 09:01 PM
[b]اقول والله اعزمنا على مثل ها الاكلة واقول لك ايش النوع ههههههههههههههههه
بس اكيد شعم ( عريضي )[b]
بن عاقول c.o
13/10/2006, 10:01 PM
ماراح أخليها تطول عليكم لأني كنت أريد واحد يقولها بالفم المليان عـــــــــــــــــــــريــــــــضـــــــــــي

جبتها والله يا majdimata أشهد أنك خبير بالسمك من يوم تنصاد إلين ماتنطرح على الصنية .
وشكري للأعزاء للذي شاركو معنا في هذه الفزورة أخوي سلعاوي 111 ماننحرم من مشورتك
وأخوي أشعور وعسانا دوم على تواصل وأخوي أبو صندوق أشكرك على اللفته القوية (بهارات وشطة وطماط) بس فاتك الفليفلة :) وأخي النوخذه فعلاُ لايق لك الأسم وتحليلك العميق الذي ينّم على مدى معرفتك بالسمك وحيثياته من خلال الوصف الغزير وأخوي gulfhunter مارحت بعيد يعطيك العافية وأخوي مدرب غوص وحظ أوفر الله في الفزورة الجاية . وتحملونا طولنا عليكم .
majdimata
14/10/2006, 04:07 AM
هلا والله اخوي بن عاقول بس ويش الجائزة . نبي ناكل ها الزين . الله معاك يالحبيب .
بن عاقول c.o
14/10/2006, 05:34 PM
حبيبنا majdimata أقول ياهلا ومرحبا بك وبالي شاركو معنا وغلاة أولدي أحمد أني لو أقدر أطول يدك لسحبتك على ذيك السفرة ألي تسرّك وتسر الشباب وعشان أكون عند الكلمة تعال الدمام وهذا أيميلي من الحين ياشباب تمونون كلكم shawaf_mr@hotmail.com (shawaf_mr@hotmail.com)
وموعدنا بالمسابقة الجاية زمرور مقلي هههههههه وشرط بتنسون أني علقّت على أسم السمكة من الحين؟؟ لأن الكل بيتسوق وبينشغل وألا ذاك العيد جاي على الأبواب .. ونقول الله يعودنا عليه بصحة وسلامة
ابوعمار
17/10/2006, 12:10 AM
:j هلا انا اقول هذا قرقفان كبير الله يحيك :good:



:j
بن عاقول c.o
17/10/2006, 01:48 AM
أخوي أبو عمّار يوم أنك رديت على الموظوع أكيد كنت جايع وبقوة وتحتاج لمثل هالسمكة ألي في الصورة لكي تشبعك لكن قول الله يجمعنا على أزين منها ... آمين
وحبيبنا majdimata قال هذا عريضي وأنا منحته الجائزة وإذا تبيها قرقفان يسلم راسك فهي لك ( قرقفان ) ماأردّك .. بس ماتطلع زعلان (:... ألف شكر على الرد