المساعد الشخصي الرقمي

مشاهدة النسخة كاملة : **** السيارة مايبرد مكيفها وهي واقفه ممكن لكن أن يحصل العكس ؟ ****


ريان2002
24/09/2013, 11:58 AM
السلام عليكم ورحمة الله وبركاته
عندي بارك الله فيكم يوكن 2002 سعودي وفي إجازة اليوم الوطني طلعت عليه الديره ولاحظت في رجعتي لمقر عملي إن المكيف ضعف تبريده ( فيه دفع هواء جيد ولكن ماهو بارد كثير )
ويوم وصلت وقفت عند مطعم قريب من البيت آخذ غداء وفي خلال الوقوف رجع تبريده مثل ما اعرفه وهذي ثاني مره يسويها معي
مسافة السفر 240 كيلو وبدأ يضعف بعد مامشيت 180 كيلو تقريباً والسرعه كانت مابين 110 و 130
تتوقعون من أيش المشكله ؟
تميم2222
24/09/2013, 12:07 PM
مادامه رجع. وزان. خلاص. فالامور. طيبه. خله لين يفصل مره. عشان تصيد العله صح. اما. كذا. اعتقد انك بتخسر. علئ غير فايده. وجهه. نظر
cci
24/09/2013, 12:35 PM
السلام عليكم
يالغالي في حال وقوف السيارة في الزحمة ولا يبرد هذا الحساس هوا المسؤل عن المشكلة
http://uploadingit.com/file/gh73rocpualufyxt/Mobile%20Photo%2012%2027%2027.jpgوفي حال كان سليم تنظيف مجرى المكيف عند مختص إذا في الرياض بأرسلك للصلحة عنده الحساس والتنظيف بعد
بن الزايد
24/09/2013, 12:36 PM
عندك كلكش ضعيف او متسخ من زيت
عبقري91
24/09/2013, 01:52 PM
مافيه شي. الجو. برد. وموكيفك مثلج. كان قصرت علا البروده وزودت علا المروحه
ولوك مطفيه كم دقيقه. ومشغله زان.
انا نفسك يوكن ٢٠٠٢. الموكيف ثلج مع الخط. وطولة علا المروحه. وزان الحمدلله
ريان2002
24/09/2013, 04:29 PM
أخوي تميم بارك الله فيك على ماذكرت وأشكرك ووجهة نظرك أحترمها
أخي الكريم cci يبدو إنك فهمتني غلط والسيارة في حال الوقوف تكييفها ممتاز والحمد لله ورسالتك وصلت وكثر الله خيرك
أخوي بن الزايد أشكرك على مداخلتك الطيبه
أخي الكريم عبقري 91 درجة البروده حاطها دائما على 20 ودرجة المروحه بتكون حسب حرارة الجو والسياره من داخل
ولكن لي سفره قريب وابأجرب إن شاء الله أحطها على 22 وإن ثلج حطيته على المروحه شوي وأرجعه على الفريون مع العلم بأن الفلاتر والثلاجه نظيفه
أشكركم جميعاً
كلاش2500
24/09/2013, 07:46 PM
اخ ريان تأكد ان الكمبروسر يفصل...يعنى أثناء تشغيلك للمكيف هل الكمبروسر يفصل ولا شغال على طول...اذا شغال على طول معناه البلف خربان....وللتأكد اثناء عدم التبريد شوف الماصورة حقت المكيف من الكبوت عليها ثلج ولا عادى....اذا ثلج البلف مايفصل الكمبروسر اذا ماعليها ثلج نروح لشى ثانى يمكن يكون هو السبب
وهو اثناء تشغيل المكيف وهو بارد طبعا شوف في موية اسفل السيارة ....اذا في موية وبكثرة معناته تمام اذا موية قليلة او مافى معناه ان فتحة تسريب الماء حق المكيف مسدودة ...وهذى ايضا لها علاقة بالتبريد....حاول تنظفها....وهذى صارت مع واحد معاه يوكون نفس اللى معاك....
بالتوفيق........
ريان2002
25/09/2013, 05:47 AM
اخ ريان تأكد ان الكمبروسر يفصل...يعنى أثناء تشغيلك للمكيف هل الكمبروسر يفصل ولا شغال على طول...اذا شغال على طول معناه البلف خربان....وللتأكد اثناء عدم التبريد شوف الماصورة حقت المكيف من الكبوت عليها ثلج ولا عادى....اذا ثلج البلف مايفصل الكمبروسر اذا ماعليها ثلج نروح لشى ثانى يمكن يكون هو السبب
وهو اثناء تشغيل المكيف وهو بارد طبعا شوف في موية اسفل السيارة ....اذا في موية وبكثرة معناته تمام اذا موية قليلة او مافى معناه ان فتحة تسريب الماء حق المكيف مسدودة ...وهذى ايضا لها علاقة بالتبريد....حاول تنظفها....وهذى صارت مع واحد معاه يوكون نفس اللى معاك....
بالتوفيق........

بارك الله فيك أخي الكريم وجزاك الله خير
الكمبروسر سلمك الله يفصل ويشبك مافيه أي مشكله والبلف اللي تقصده غيرته قبل حوالي سنه لأنه كان خربان وبالنسبة للمويه تحت السياره فموجوده وماصورة التسريب فمالي عليها أي ملاحظه
وبأجرب اللي ذكرته أنا فوق بعد أسبوع إذا سافرت بإذن الله وأرد لكم خبر
MSAN
25/09/2013, 10:15 AM
لاتتعب نفسك كثير ولا تدور واجد.. خذ الزبدة
هذا رد سابق لي في مشكلة مشابهة لمشكلتك:




صارت معي في مكيف شروكي هبل بي.. اذا السيارة واقفة يبرد تماااااااام.. واذا مشيت يفصل الكمبريسر ويصير هواء عادي ماهو بارد...

كل واحد يفتي لي فتوى جديدة... الي يقول غير كمبريسر والي يقول عب موية المساحات والي يقول لي غير البوري :D

في الأخير طلعت مواسير التبريد الي يتحرك فيها الفريون متوسخة ومقفلة الفلتر الداخلي


لازم تنظف مواسير التبريد وتغير الفلتر الداخلي الي داخل مواصير الفريون.. فلتر صغير كأنه (قلم).. وضيفته يفلتر الفريون من الشوائب.. اذا تقفل الفلتر يصير الكمبريسر مايقدر يسحب فريون ويبرده اذا صار دوران المكينة أسرع..



الحل/
تنظيف مواصير الفريون ورديتر المكيف من الداخل مع تغيير الفلتر الصغير.. قيمته تقريبا 12 ريال.. بعد كذا عب زيت وفريون أصلي.. وشغل..



بالتوفيق
MSAN
25/09/2013, 10:17 AM
ملاحظة بسيطة للأخوان الي يقولون احتمال ثلج المكيف..

لو ثلج ماراح يعطي دفع هواء قوي..


بالتوفيق
ريان2002
20/10/2013, 12:27 PM
تحديث
تمت تجربة ماذكره الأخ الكريم عبقري 91 في الأعلى ولم تنحل المشكله
وبعد التدقيق في عمل الكمبروسر وسفري في إجازة الحج أكثر من مره إتضح لي أن الكمبروسر مايفصل وبالتالي فإن حساس الفريون ( ساعة الفريون - حساس الكمبروسر ) طلع عطلان
وتم تغييره وتجربة السيارة في سفرية أمس والحمد لله رجع التكييف مثل أول
والشكر الجزيل لكل من أدلى بمعلومه أو رأي في موضوعي هذا
كلاش2500
20/10/2013, 04:42 PM
الحمدلله ان الامور زانت ....وأنا قايلك تأكد ان الكمبروسر يفصل....ونت رديت انه يفصل ويشبك....علما انه غالبا في مثل هذى المشكلة اللى ذكرتها يكون الكمبروسر مايفصل.......ونشكرك على انك وضعت الحل حتى يستفيد غيرك من الموضوع.....
بالتوفيق.......
ريان2002
20/10/2013, 05:51 PM
الحمدلله ان الامور زانت ....وأنا قايلك تأكد ان الكمبروسر يفصل....ونت رديت انه يفصل ويشبك....علما انه غالبا في مثل هذى المشكلة اللى ذكرتها يكون الكمبروسر مايفصل.......ونشكرك على انك وضعت الحل حتى يستفيد غيرك من الموضوع.....
بالتوفيق.......

ياهلا وغلا بأخي الكريم وبارك الله فيك على متابعتك للموضوع
وكلامك ورأيك على رأسي لكن يمكن إني كنت موسوس وقتها بأن الكمبروسر يفصل ويشبك ويوم دققت لقيته شابك على طول
كلاش2500
20/10/2013, 06:49 PM
يسلم راسك اخى ريان......وكلنا نساعد بعض علشان الكل يستفيد.....