يكفون وش افضل حل لليونة مساعدات ويايات القراند شيروكي

[علي بابااا]

ابي افضل حل لليونة مساعدات ويايات القراند شيروكي

السلام عليكم
اسعد الله جميع اوقاتكم يا اخوان
انا معي قراند شيروكي 2005
بصراحه مساعدات الموتر وياياته لينات بشكل موب طبيعي وهالشي مشكله خاصة بالبر وبالخط بعد خاصة اذا احتاج الواحد للمناوره وهالشي يخلي الموتر خطر جدا
ابي حل تكفوووون
سمعت ان اليايات والمساعدات الاسترالي زينات وممكن ينهن المشكله
بس اخاف اركبهن ويصير مطب الموتر اقشر
ابي افضل حل جزاكم الله خير بحيث انه ينهي المشكله وكيون الموتر مطبه مقبول
تكفون يا اهل الخبره لا تبخلون على اخوكم بالمشوره
الله يجزاكم الجنه ووالديكم

[كلاش2500]

افضل حل لك هو تركب مساعدات تتحكم فيها من ناحية القساوة والليونة....يعنى تحطها على الشى اللى يناسبك...وهذا افضل من انك تشترى مساعد عادى ثم مايعجبك.....في انواع تتحكم فيها من المساعد نفسه وفى انواع يكون لها جهاز عندك داخل الغمارة وهذى اغلى.....مااعرف اسعارها حاليا لكن اسأل عنها راعين المساعدات في نوع اسمه جبرايل....وفى انواع استرالية مااتذكر اساميها.....ابحث في النت يمكن تلاقى طلبك...
بالتوفيق......

[علي بابااا]

جزاك الله خير اخوي كلاش 2500
اول مره اسمع ان فيه مساعدات يمكن التحكم بقساوتها
ياليت الاخوان اللي جربوها يفيدوننا
ما نستغني عن خبراتكم يا اخوان

[قدر مكتوب]

جرب مساعدات رانشو او دبل مساعدات الشيروكي

ادخل على موقع رانشو للمساعدات ودخل موديل موترك وشكلة ويبي يعطيك نوع المساعدات المناسب ويعطيك درجة القاسوة اللي تبيها

وهذا الموقع http://www.gorancho.com/

وعلى فكرة ترى كلام الاخ فوق ان المساعدات تعطيك يصير معها جهاز يتحكم بقساوة المساعد

وهذا واحد معلن هنا بس ماادري تركب لسياراتك او لا

http://mekshat.com/vb/showthread.php?t=551863

[علي بابااا]

اخوي قدر مكتوب
مشكور وما قصرت يالغالي
الحين بدخل على الروابط وربك يسهل
وياليت اللي جربو يفيدونا بتجربتهم .