شوركم : قدر ضغط ( كاتم ) السيف

[بدران الدوسري]

السلام عليكم

نظرا للغلاء الفاحش جدا في قدر سب

فقررت صرف النظر عنه وأستبداله بقدر السيف

سؤالي هل قدور السيف فيها مشاكل تنسيم وغيرها ؟

هل فيها أخطار لاقدر الله ؟

وش أفضل الالمنيوم ولا الستيل وألا المعدن ؟

أنا أفكر في المعدن أرخص لاني أبي حجم لا يقل عن 16 لتر هل هو ردي ؟

وفي النهايه القدر الي يأخذ غداء 10 أشخاص تقريبا كم يصير حجمه ؟


وشكرا للجميع

[ابوعلي العجمي]

السلام عليكم ورحمة الله وبركاته
اولا ابتعد عن قدر السيف حبيبنا
اكثر من قدر يصير مو كويس
القدام صح كان عندي قديم كان روعه
اذا بتاخذ خذ طيب وغالي ولا رخيص وتعيس
بالنسبة لعشرة اشخاص ارى ١٦ كفاية وبركة
٨ لتر يكفي من ٦-٨ أشخاص

[DAS]

السلام عليكم ورحمة الله وبركاته
اولا ابتعد عن قدر السيف حبيبنا
اكثر من قدر يصير مو كويس
القدام صح كان عندي قديم كان روعه
اذا بتاخذ خذ طيب وغالي ولا رخيص وتعيس
بالنسبة لعشرة اشخاص ارى 16 كفاية وبركة
8 لتر يكفي من 6-8 أشخاص


كفي ووفا ابو علي

[ماهر الحمد]

يالغالي نصيحه من مجرب ابعد عن قدر السيف كما قال اخوي ابوعلي وعيوبه ليس في تنسيم او غيره
العيب الاكبر في المواد التي صُنع بها وهذا معروف وذكروه الاخوان مرارا وتكرارا..
وحتى سب مع غلائه لم يعد كما كان فبلفه ربل وفيه عيوب اخرى
أرى ان البديل والافضل من سب الحالي ماقافيسا الاسباني واسعاره اقل من سب 6لترب290و10 لتر ب340 تقريبا وفيه ميزه قل من ينتبه لها ولاتجدها في غيره حتى في سب وهي ان الاستيل لا يحرق الطعام بخلاف الكواتم والقدور الاستانليس ستيل الاخرى فهي غالبا ما تحرق الطعام وتحتاج الى نار هادئه جدا أما ماقافيسا فهو مزود بقاعدة ساندوتش (المنيوم خلف الاستيل من تحت) لايحرق حتى لو زودت النار ويكفيك أن الصناعه اسبانيه ..
فيه نوع برتغالي اسمه اسلايمبوس جربته لكنه لا يرتقي لماقافيسا
وعذرا على الاطاله

[ابوعلي العجمي]

ما قصرت اخوي ماهر لكن وين القاه ماقافيسا

[ابوعلي العجمي]

أيضا ممكن اذاتعرف اسعار الكبار شوي تذكرهن
١٦-٢٠

[مد البصر]

السلام عليكم

نظرا للغلاء الفاحش جدا في قدر سب

فقررت صرف النظر عنه وأستبداله بقدر السيف

سؤالي هل قدور السيف فيها مشاكل تنسيم وغيرها ؟

هل فيها أخطار لاقدر الله ؟

وش أفضل الالمنيوم ولا الستيل وألا المعدن ؟

أنا أفكر في المعدن أرخص لاني أبي حجم لا يقل عن 16 لتر هل هو ردي ؟

وفي النهايه القدر الي يأخذ غداء 10 أشخاص تقريبا كم يصير حجمه ؟


وشكرا للجميع

وعليكم السلام ورحمة الله وبركاته

ابو علي كفى ووفى
لكن فيه للسيف فدر كاتم اسمه
قدر ضغط معدن ثقيل << ركز على ثقيل كذا اسمة
ويجي أقوى وأثقل من العادي بس الظاهر أكبر حجم منه 12لتر
وأشوفه منزل نوعية جديدة مسميها قدر ضغط الرحلات مسكاته (عراويه) حديد مو بلاستك..

الصحي استيل لكن بيغثك اشوي بالطبخ وبالغسيل لانه بيحرق او (قرارة) يعني يبيلك كم مره لين تضبط وزنيته..
المعدن اسهل بالطبخ والتنظيف لكن يقولون انه مهب صحي وصار كلام كثير بهالموضوع...

كم يكفيك لتر؟؟؟ شف القدر 3 لتر يكفي لشخص واحد اذا هو راعي أكل (نص دجاجة مع الرز) لأن لازم الأكل بالقدر قبل الطبخ مايتجاوز ثلثين القدر والثلث الباقي يكون فاضي خصوصا بطبخ الرز..
و10 أشخاص ال15 لتر يكفي وزيادة

وخذ 2 واحد 8 لتر في حالة انكم اشويين 6 أنفار وواحد 15 لتر

ومن ناحيتي انا استخدم سب ستيل قاعدته حراري من 5 سنوات ورائع واشوف على التيفال أخو السب عروض بالرياض عند قصر الأواني وعند وكيلة..

وأشوف عند با حمدان وكيل بريموس بشارع السبالة قدر ناسي اسمه لكن يقول اننا نوردة من 30 سنه ياهو اسباني يا فرنسي وقطع غيارة متوفرة عندهم وسعره أرخص من السب بواجد ويجي منه أحجام اكبر شيء 15 لتر..

[مد البصر]

يالغالي نصيحه من مجرب ابعد عن قدر السيف كما قال اخوي ابوعلي وعيوبه ليس في تنسيم او غيره
العيب الاكبر في المواد التي صُنع بها وهذا معروف وذكروه الاخوان مرارا وتكرارا..
وحتى سب مع غلائه لم يعد كما كان فبلفه ربل وفيه عيوب اخرى
أرى ان البديل والافضل من سب الحالي ماقافيسا الاسباني واسعاره اقل من سب 6لترب290و10 لتر ب340 تقريبا وفيه ميزه قل من ينتبه لها ولاتجدها في غيره حتى في سب وهي ان الاستيل لا يحرق الطعام بخلاف الكواتم والقدور الاستانليس ستيل الاخرى فهي غالبا ما تحرق الطعام وتحتاج الى نار هادئه جدا أما ماقافيسا فهو مزود بقاعدة ساندوتش (المنيوم خلف الاستيل من تحت) لايحرق حتى لو زودت النار ويكفيك أن الصناعه اسبانيه ..
فيه نوع برتغالي اسمه اسلايمبوس جربته لكنه لا يرتقي لماقافيسا
وعذرا على الاطاله

أهلا اخوي ماهر لكن انا كان عندي ماقفيستا وقدر ممتاز ورائع لكن طاح وانكسرت مساكته اللي فوق (اللي نسكر فيها القدر) ودورت على مساكة ماحصلت حتى عند اللي يقال انه وكيله يقول ماعندي...
ونفس حقين المحلات يقولون لي ان هذا النوع ماله قطع غيار...

والله أعلم

[المتلولس]

افادوك الاخوان اما استخدم السيف من ١٢ سنه والامور تمام الحمدلله

[كولونيل]

انا استخدم قدر السيف
10 لتر المنيوم او مايسمى معدن

يكفي ل 15 شخص

واراه مناسب وجيد

لاكن الناحيه الصحيه اسمع الناس يقولون مضر
للانه مصنوع من مواد رديئه

ومره غسلته بسلكه وطلع لي لون فضي مائل للسواد
زي الصبغ صراحه يخوف

والله العالم

[ماهر الحمد]

ما قصرت اخوي ماهر لكن وين القاه ماقافيسا

مرحبا ابو علي ماقافيسا تحصله عند وكيله بالرياض بادريق او بالسباله المحلات الي حوله موجود واذا انت بالقصيم تحصله عند السيف غاليري شايف عنده واجد ..وان كنت في مكان اخر ولا حصلته مستعد اخذه لك من السيف غاليري..
والمقاسات اللي ذكرت لا تتجاوز ال600تقريبا وهذا رابط تقرير عن ماقافيسا واسعارهمن المبدع راعي الهدد طبعا الموضوع قديم شوي والاسعار ارتفعت

http://www.albreah.com/vb/t24298.html

[ماهر الحمد]

أهلا اخوي ماهر لكن انا كان عندي ماقفيستا وقدر ممتاز ورائع لكن طاح وانكسرت مساكته اللي فوق (اللي نسكر فيها القدر) ودورت على مساكة ماحصلت حتى عند اللي يقال انه وكيله يقول ماعندي...
ونفس حقين المحلات يقولون لي ان هذا النوع ماله قطع غيار...

والله أعلم

هلا بالغالي غريبه جدا انك ما حصلت قطع غياره.. متوفره جدا جدا ربل الغطاء واللبلف والممسك العلوي البلاستيك وايضا مساكات اليدين.. والعام كنت بينبع ولقيت فرع لبادريق ولقيت عنده جميع قطاع الغيار ..
وانا اخذت منه ربل والمساكه الي تقول وبلف ..لكن ابشر ان شاء الله اوفره لك بس اصبر علي اراسلك ان شاء الله

[اخو نشمي]

السلام عليكم ورحمة الله

اخواني انا من يوم عرفت قدر الظغط وانا استخدم
السيف العادي من حوالي ١٥ سنه ويمكن تزود
ماشفت شي غريب بس احب الطبخ في القدر العادي
الي مهوب ظغط بس في السنه حسنه
واول مره اسمع ان فيه مشكله قدر الظغط السيف
افيدواني جزاكم الله خير ...

[بدران الدوسري]

بيض الله وجيهكم جميعا ماقصروتو

أخوي ماهر أخصك بالشكر

وبأذن الله بروح لشارع السباله وبسأل كانه موجود عنده

[ابوشهد575]

اسمع رأيي وشاور نفسك واحكم




اولاً ابتعد عن السيف جربته المعدن منه سنين طويله للبيت وللعزبه
عملي ولكن عند الغسل يطلع منه سواد غريب لذا تخلصت من ٤ قدور غير اسف عليهن




ثانياً قدر السب هو الافضل والاجدر بكل ما تعنيه الكلمه وبما ان سعره غالي ومبالغ فيه عليك بنوع مغربي استيل اسمه اكسبرس ممتاز جداً وشبيه بالسب وسعره معقول ويجي مقاسات والحلو فيه ان قطع غياره نفس السب


هذا رأيي واتمنى لك التوفيق

[بدران الدوسري]

الله يجزاك خير يبو شهد

تمت الحيره بين الاسباني والمغربي

نشوف باقي أراء الشباب

[عاشق نجد]

مع احترامي للي يحذرون من السيف ، القدر عادي وما فيه أي مشكلة ، وأغلب الناس يستعملونه ، ولاهو رخيص ، انا أخذت مقاس 9 لتر قبل سنتين بـ 190 ، والسب قيمته 700 وأخرته مرمي في عزبه .

عندي قدر فرنسي شاريه قبل كم سنه بـ 450 وبعض الأوقات ما يقفل زين يطلع تنسيم ، فأضطر أفكه وأسكره مرة ثانية .

إذا هو لعزبة البر اللي تستعمله مرات معدوده وباقي السنه مرمي في المستودع ، فقدر السيف أو غيره يكفي .

[ابوسليمان77]

قدر السبف او القدر الصيني هو نفس الماركه

بالعكس قدر كويس ولافيه مشاكل انا معي كل القدرين السب والسيف المعدن مافرقهم الا السيف لازم تقلل الماء بالرز عن قياس السب

والقدرالصيني كان بديل للسب من زماان مهب شي جديد

[تربة الشمال]

السيف ياجماعه ماهو بطال جيد واستخدمته كثير الصراحه ماشي معي زي الوز

[ماهر الحمد]

كلامي للي يقول السيف مافيه شي ووممتاز أقول :لاداعي لذكر مادة الرصاص الزائده فيه ورداءة خام الالمنيوم وغيرها كل هذا أقول لا داعي له ..فقط شي واحد يتفق عليه الجميع وهو مادة السواد التي تخرج من القدر بعد غسله مرات وكرات وذلك أن تجرب بعد غسله أن تمسح بفائن مرطب بالماء وانظر السواد الذي يكون في الفائن أقول هذا وحده كافي لبيان رداءته وأنه يفتقد كل معايير الجوده والسلامه
وفيه أمر ينبغي التنبه له وهو اذا قارنت سعر سب الاستانيلس ستيل قارنه بالسيف الاستانيلس ستيل ولاتقارنه بالالمنيوم
اضافه:كل أواني الالمنيوم لاينصح باستعمالها سواء قدور أو كوتم أوغيرها لكن بعضها أجود من بعض
وعذرا منكم على الاطاله

[lmna]

http://www.up.albreah.com/uploads/images2/albreah-bb7b95974f.gif
الوكيل بادريق في شارع السباله صارلي اكثر من اربع شهور ونا اكلم الوكيل
غير متوفر هذا تلفونه 0112866107

[بايكال]

السلام عليكم ورحمة الله وبركاته


بالنسبة لي عندي قدرين السيف الصيني
اﻷول..5لتر ستالستيل
الثاني..11لتر ستالستيل



والقدرين نظيفه مره وتلق لق

ولا فيها اي مشاكل ولها معي فتره طويله

بس في ناس تميل للسب..وناس للصيني

الصيني الستالستيل اشوفه معقول جدا

[ابوعثمان2]

الله يجزاك خير يبو شهد

تمت الحيره بين الاسباني والمغربي

نشوف باقي أراء الشباب


المغربي خامته جيدة لكنه حيرني بالتنسيم احيانا قليلة يضبط ويكتم واغلب الاحيان ينسم مع احد جوانبه غيرت الربل مافيه فايدة والمشكلة من يوم هو جديد وكل مرة اقول يمكن ماسكرت الغطاء زين ومرة اقول يمكن مايل وهكذا تعودت عليه وعلى تنسيمه واغلب الظن انه عيب مصنعي
المقاس الذي جربته 10 لتر ، يمكن يكفي عشرة انفار عند الضرورة وبشرط مايكون مقلوبة واللحم او الدجاج مقطع صغير والرز محسوب بالقطارة ، ولذلك الانسب لعشرة انفار هو اكبر من 10 لتر وخصوصا 15 يكون بالراحة وراهي

[بدران الدوسري]

تم الذهاب ياجماعة الخير لشارع السبالة للأستفسار فقط

لقيت نوع نصحني به أكثر من شخص

وهو نوع " برتغالي " 12 لتر بـ 350 ريال

ولقيت " المغربي " 12 لتر بـ 380 ريال بالمكاسر


البرتغالي جاء في خياراتي لأنه اخو الأسباني

[مكشاتي مدني]

هلا اخوي انا عندي لك شور ناصح ومجرب لاتقرب السيف ابدا لانه صيني وردئ وينسم والمواد اللي مصنوعه منه غير صحية وعليك بقدر الضغط تيفال الفرنسي قاعدة سفلية متينة وتوزع الحرارة بالتساوي وستانلس ستيل صحي ولا يصدا ابدا وعملي وقيمتة فية يكد 20 سنه قدام وهذي صورته كان اسمة سب وغيروة لشركة تيفال الفرنسية والمصنع واحد واذا تشوفه غالي عندك الاسباني ماقفنسا وفية نوع برتغالي ومغربي كلها كويسة وبالتوفيق

[كولونيل]

طيب الصبغه السوداء
دايم تطلع لي اذا غسلت قدر السيف الالمنيوم بالسلكه

وشهي هالصبغه تخوف الصراحه يصير لون الماء اسود

فنصيحه خذ استيل اقل شي مايطلع لون

[نفوذ الصمان]

السلام عليكم
اشتر لك قدر سب فرنسي
وفك نفسك
وانت تقول ااغلا الفاحش
يعني صحتك اهم من الفلوس
تبي لك كاتم واحد 10 لتر
لك ولعيالك مره وحده تبي تستري
وفك نفسك والكلام موجه للجميع
نحن نقول صحتكم اهم من الفلووس
واللي مايقدر ياخذ مستعمل نظيف
ولا تكثرون الحكي
موفق خير

[بدران الدوسري]

^

المقصد مهوب مايقدر الواحد

الحمد لله الخير واجد الله لايغير علينا

لكن الغلا الي فوق الحد يغبن بعد الشراء

وخاصه أن " السب " ترداء من تالي

[طرقشون]

فيه قدر السيف ستار معدن ثقيل شكله شبيه بالسب نفس البلف والصفيره بالضبط سماكة المعدن فيه دبل قدر السيف العادي اكبر مقاس فيه هو 12 موجود عندي واستعمله ولا شفت منه خلاف يكفي لـ16 شخص اشتريته بـ230 اعتقد من قصر الاواني قبل سنتين

وهذي صوره لحجم 6 لتر نفس النوع

http://www.mekshat.com/pix/upload04/images178/mk33527_26082010521.jpg

[نفوذ الصمان]

^

المقصد مهوب مايقدر الواحد

الحمد لله الخير واجد الله لايغير علينا

لكن الغلا الي فوق الحد يغبن بعد الشراء

وخاصه أن " السب " ترداء من تالي


الله يزيدك من خيره
السب والتيربو هم القمه
ولكن الان تغير اسم السب
الى تيفال والمصنع واحد فرنسي

[fhodz]

^

المقصد مهوب مايقدر الواحد

الحمد لله الخير واجد الله لايغير علينا

لكن الغلا الي فوق الحد يغبن بعد الشراء

وخاصه أن " السب " ترداء من تالي

الله يغير علينا للأفضل ويكفينا الشر ,, هذا الأصح

....


أنا عن نفسي عندي قدر الضغط السيف ستيل (7 لتر) ماشكيت منه ولا شي حمدلله

والواحد صعب يدفع فوق 500 على قدر واحد !!
والمواد نفسها هي هي السيف ستيل والسب ستيل !
فرق اللهم إن ذا صيني وذا فرنسي

خلاصة الكلام اللي عنده دراهم واجد يشتري اللي يبي
لكن اللي مثلي مايبي ينضحك عليه يدفع على شي معقول ويمشي الحال

واللهم لك الحمد

[نفوذ الصمان]

الله يغير علينا للأفضل ويكفينا الشر ,, هذا الأصح

....


أنا عن نفسي عندي قدر الضغط السيف ستيل (7 لتر) ماشكيت منه ولا شي حمدلله

والواحد صعب يدفع فوق 500 على قدر واحد !!
والمواد نفسها هي هي السيف ستيل والسب ستيل !
فرق اللهم إن ذا صيني وذا فرنسي

خلاصة الكلام اللي عنده دراهم واجد يشتري اللي يبي
لكن اللي مثلي مايبي ينضحك عليه يدفع على شي معقول ويمشي الحال

واللهم لك الحمد

ياهلا اخي الفاضل
انت تقول هي هي السيف ستيل والسب أستيل
من أين أتيت بهذه المعلومات الخاطئه
نعم الاسم واحد
ولكن المواد تختلف بجودها
وقدر السب يصنع من اجود وانقى المواد
لاتؤثر على صحة الانسان
وإذا عندك معلومات اكيده
ان الستيل السيف الصيني
نفس الستيل السب الفرنسي
يصنعون من نفس المواد ونفس الجوده
تفضل عطنا المعلومات
بانتظار الرد

[بدران الدوسري]

أنا بالنسبه لي ما أقران مواد صنع السب مع السيف نهائيا

أقصد بالبدايل مثل القدر البرتغالي والاسباني والمغربي .... خامتها حول الفرنسي

وأفضل كثير من الصيني

[دوار الدله]

قدر السيف لا يرخص عليك لا تنسيم ولا شئ
طول عمرنا نكره كر

[بدران الدوسري]

^
صادق

أنا رسيت على قدر مغربي

الله لايذكره بالخير هاذي رابع طبخه عليه وبدا فيه التنسيم وقله الحيا

[الوسم]

فيه قدر فرنسي وستيل وتقريبا نفس التصميم للسب والإكسبرس والمقفيسا وإسمه : لونيكس وقيمته ما هي بخيده عن السب الفرنسي أنا خذت أربعة لتر ب 200 ريال من العويس وتراه أول ما قال ب250 وقلت له ما معي إلا هالميتين تبيهن فانا شريته وأطلع من المحل ويناديني وأخذه

[الوسم]

http://www.mekshat.com/vb/showthread.php?t=494894

هذا نفس النوع والموضوع للإستدلال اورد فقط

[الوسم]

http://www.leunex.com/main_ar.aspx?ms=Kitchen Appliances &S=Pressure Cooker

[بدران الدوسري]

الله يجزاكم خير جميعا

وأنصح الجميع ومن هالمنبر يبعدون كل البعد عن القدر المغربي

[صديق اليوم]

أخوي بدران وراك ماجرب الكواتم الكورية ترها قوية وممتازة ويجي منها ستيل ومعدن وتحصلها عن محل مكشاتي في بريدة

[عجيبان]

يالربع من يوم عرفت نفسي والوالده ماتطبخ الى في قدر السيف الحمدلله وكبرنا وطلعات وكشتات ومانستخدم الى السيف ولامره طلعت ماده سودا ولاشي من الكلام هاذا طبعا استيل فقط

لاكن انا عندي وجهت نظر .. الي اعرفه ان الستيل ماينغسل بليفه قاسيه مثل السلك واتوقع هاذا السبب الي يخلي الماده السودا تطلع .... وتحياتي

[تركي1]

بالنسبة لقدر السيف عملي جدا

وعندنا مقاسات
3ل
4ل
5ل
6ل
8ل
9ل
وإحنا لنا كم سنة في الإستراحة

نصلح بنفس القدور غداء وعشاء -احنا واجد ماشاء الله-

ومسكينة هالقدور ياهو مكروفة كررررف ماتستريح أبد

ولا لاحظت عليها شيء

لاتنسيم ولا أي سلبية الله يخليها لنا
غير كلام الإخوان اللي يتكلمون عن الناحية الصحية

بالتوفيق

[خليل909]

انا معي 3انواع من القدور 1-سب فرنسي القديم 14لتر 1-روسي 8لتر والثالث السيف 12 لتر اكثر شي استخدمه قدر السيف ولاشفت منه شي ابد وبصراحه اشوف الناس تذمه وملاحظ شغله خصوصاً في تقارير الطبخات البريه والكشتات ماستخدمون الا قدر السيف مع ان العالم تذمه وبالنسبه لقيمته ماهي برخيصه الي عندي اخذته تقريباً ب180ريال مناسب

[SZSZ]

الله يغير علينا للأفضل ويكفينا الشر ,, هذا الأصح

....


أنا عن نفسي عندي قدر الضغط السيف ستيل (7 لتر) ماشكيت منه ولا شي حمدلله

والواحد صعب يدفع فوق 500 على قدر واحد !!
والمواد نفسها هي هي السيف ستيل والسب ستيل !
فرق اللهم إن ذا صيني وذا فرنسي

خلاصة الكلام اللي عنده دراهم واجد يشتري اللي يبي
لكن اللي مثلي مايبي ينضحك عليه يدفع على شي معقول ويمشي الحال

واللهم لك الحمد ممتاز👍 ردك اعجبني شكرا

[مكشاتي مدني]

الله يغير علينا للأفضل ويكفينا الشر ,, هذا الأصح

....


أنا عن نفسي عندي قدر الضغط السيف ستيل (7 لتر) ماشكيت منه ولا شي حمدلله

والواحد صعب يدفع فوق 500 على قدر واحد !!
والمواد نفسها هي هي السيف ستيل والسب ستيل !
فرق اللهم إن ذا صيني وذا فرنسي

خلاصة الكلام اللي عنده دراهم واجد يشتري اللي يبي
لكن اللي مثلي مايبي ينضحك عليه يدفع على شي معقول ويمشي الحال

واللهم لك الحمد
اخوي الكريم اذا انت ماشكيت ترى انا شكيت من قدور السيف وربي 3 قدور اشتريها وتنسيم ولاتضبط وقلة حيا جننتني واخرتها ابيعها في حراج ابن قاسم الصيني مضروب ولا يجيبون بضاعة اصلية الا ل اوروبا وامريكا لان مواصفاتهم صارمة انا اشتريت الفرنسي تيفال سب وريحت راسي من السبالة 6 لتر ب 400 ريال وممتاز لاتنسيم وقوي وصحي استيل واذا تبي جيد واقل سعر عندك البرتغالي سالمنباس ولا الاسباني ماقفينزا اسعارهم تقريبا 300 ريال مقاس 8 لتر واوروبي وجودة انا نهائيا مستحيل اكرر اللخطأ واشتري السيف البضاعة الردية ردية
ا

[عجيبان]

اخوي الكريم اذا انت ماشكيت ترى انا شكيت من قدور السيف وربي 3 قدور اشتريها وتنسيم ولاتضبط وقلة حيا جننتني واخرتها ابيعها في حراج ابن قاسم الصيني مضروب ولا يجيبون بضاعة اصلية الا ل اوروبا وامريكا لان مواصفاتهم صارمة انا اشتريت الفرنسي تيفال سب وريحت راسي من السبالة 6 لتر ب 400 ريال وممتاز لاتنسيم وقوي وصحي استيل واذا تبي جيد واقل سعر عندك البرتغالي سالمنباس ولا الاسباني ماقفينزا اسعارهم تقريبا 300 ريال مقاس 8 لتر واوروبي وجودة انا نهائيا مستحيل اكرر اللخطأ واشتري السيف البضاعة الردية ردية
ا


اخوي اذا تسمحلي ترى الاستخدام له دور يمكن تضغط الكاتم بقوه او انك ماتكتمه زين يعني حنا مانستخدم الى السيف ولاشكينا منه اشمعنا عندكم تطلع الخرابات

تقبل تحياتي ,,,

[مطول صبري]

السيف معي 6 سنوات ولا احلى

[راعي مخيفيشه]

صراحه اللي يبي الصحه يجنب عن قدور السيف وعليه بالستيل يارجال تكده كده ولايتحفر بطنه عانه عندي في العزبه ١٠ و٨ ولاتغير فيهن شي اغسله يعود جديد من ٤ سنوات