محتاج مساعدتكم ياااهل الخبره

[سيرحوت]

عندي شيهانه اعطيها علف ولا اقصر عليها ولكن الطير الى الحين هالك مع اني اهد له حمام وانزل منه ويلحقها بس جناحه ثقيل وكل ليله اكرمه بس ماتغير حاله وعيا يصير صنيع ! تكفوون عطوني حلول

[سيرحوت]

ولا فيه واحد منكمم رد افاااا

[خيال سهيل]

اذا حولك مستشفى افحص الطير يمكن معه دود

وابرة العويدي لدود مامثلها

[سيرحوت]

انا في شرورة ماحولي مشفى وقد عطيتها ابرة دود ومافيه فايده

[خيال سهيل]

شف مرش الطير متغير وافتح بوز الطير وشم هل ريحه كريهه اشبه بريحت الفطيس

ولا تهده الوقت الحاضر وعطه بيض بفنجال واذا رفض قطع العلف واغمسه بالبيض

[خيال سهيل]

اخوي راجع ذا الرابط

http://www.mekshat.com/vb/showthread.php?t=268497

[Abdulrahman30]

اللهم صلي وسلم على محمد

[أحمد الشمري1]

لا تضحك على سالفتي وانا اخوك كان. عندي طير نفس سالفتك ثقيل جناحه رحت للعويدي بالرياض وقلت له مشكلة طيري عطاني كورس ١٠ حبات حبوب لياقة للطير عطيتها للطير وريحته يومين اطلع على واستمات بالمكافخ من العجلة فكيت سبوقة ابي أجهزه وامشي باتجاه ما اطلع عليه ونسيت شباك المعاون مفتوح ما سكرته كفخ ذيك الكفخه ونصى الحد علما بانه ان حاولت اسبقة عجزت الله العالم انه سير على ايران من قو جناحه مالك بالطويلة فأقول لك ان كان ان طيرك يتمتع بصحه جيده خذ هالحبوب تراها يالله تلقاها عند العويدي قولوا نبي حبوب اللياقة الحمراء

بس انتبه على طيرك لا يعكس مسار الهجره ويرجع لماكره

[سيرحوت]

اخوي احمد انا ديرتي بعيده من الرياض وهل الحبوب متوفره في اماكن غير العويدي !؟
والسوال الثاني وين مكان العويدي بالضبط فالرياض

[عابر الموج]

طلع الطير بالشمس لايكون فيها قمله القمله تشاهدها على جسم الطير من الخارج وعط الطير سمان يومين اذا ارتفع صنعته تمام واذا حصل وان الطير على حاله اتصل فيني على ج 0556663362 وابشر بالي نقدر عليه تقبل تحياتي

[ناب ذيب]

مايرى باس باذن الله

http://www.mekshat.com/vb/images/misc/progress.gif