تفتي وتشخص بدون علم ولا خبره ليش ؟

[خيال سهيل]

السلام عليكم يالصقاقير

مثل ماهو واضح بالعنوان وانا استغرب من بعض الناس الي الحقيقه ما يخافون الله
لا في هالبهيمه الي لالها ذنب ولا في حلال اخوهم المسلم وتعبه وخوفه على طيره
ويجلس اخينا بالله ويفتي وبند ويتفلسف ويدعي العلم وهو اجهل الجاهلين وفي احسن
الحالات متسرع بالحكم
فيه احد الاعضاء طيره ما يعلف نصحوه بالشنذره وشنذر الطير ومات
ذنب الطير هالروح على من ومن الي بعوض الرجال غير ربه سبحانه لا احد
وغيره من الحلات ولا ابي اذكرها وهي كثيره
ولا فيه ناس تدعي المعرفه اذا احد استشاره وهو حديث صقاره ويفتي وذا تفريخ
ولسان التفريخ كذا ولاصيل لسانه كذا كبار الصقاقير والي خبرتهم بعشرات السنين
تمشي عليهم تفاريخ ولا يعرفونها وبعتراف كثير منهم صحيح في علامات واضحه بس بعد
فيه تزوير ولعب وغش اكثر
والي فصل ويخرب البيعات والي يزيد بالسعار لرفع سلعته او سلعت رفيقه مجامله
تراه نجش ومن البيع المحرم شرعاً
خاف الله في نفسك وخاف الله في الناس ومن قال لا اعلم فقد افتى

اسف على الاطاله بس شي يقهر

[دولاار]

موضوعك اخوي خيال في الصميم على قولتهم
وجمع اغلب المشاكل الي نعاني منها
وانا اتعجب في امر بعض الاشخاص مثل ماقلت يتفلسف ويوصف علااج وكل شي وهو على ارض الواقع مايعرف اي شي
وانا واجهة كثير من هالاشخاص سبحان الله في المجلس وعلى المركا والسوالف خذ الرجال صقار ودكتور وكل شي ومافيه مشكله الا عنده لها حل
لااكن لمن تطلع انت وياه على ارض الواقع تتغير الامور 180 درجه ووتفاجئ انه مايعرف اي شي
وان كلاامه كله على قولتهم سوالف ليل
فااختصار الكلاام في هالنقطه
ان الكلاام في السعه غير والكلاام في ارض الواقع غير
وبالنسبه لتفريخ الان اي طير ريشته زينه والا مقاسه متعدي 17 قالو تفريخ حتى لسان الطير ماسلم منهم
وفعلآ فيه صقاقير لهم سنين وهم مع الطيور وخبرتهم كبيره والله ان بعض التفريخ مايميزونه هو اصيل والا تفريخ
فكيف عاد بقليل الخبره او المبتدي

[؛ابوطلال؛]

تسلم يناك اخوي خيال سهيل
وصدقتو إت وخوي دولاار
وواجد هلالاشكل يجلس يبرد عليك وانا وانا الفاهم انا القناص
اقنص بالطير وغيره ومطاليعي واجد وهو مهو هاوي إن صدق تلقاه حق إعلام ( تصوير )
مرتز قدام الكيمره
لا ومايغثك إلا الثاني الفاهم بمراض الطير
انا مالي خبره حيل بمراض الطير ولا جلست اتفيهم مثل غيري لاكن
:: العام جا يمي واحد من الزقرت لاهو صقار ولا نقل الطير ابد تقرد وخذا طير واحد من خوياه جايه هديه ولاهو صقار بعد وده على ماقيل ( يكشخ بالطير )
على إنه صقار وقالي معرف الدعي الطير يافلان وانا عندي خبره بسيطه قمت ادعي الطير على الملواح /الشلو جلست اعلمه من الخبره البسيطه اللي عندي بس يقولك ؛الهاوي هاوي؛ خذينا لنا كم يوم ملخذيت إللا الرجال يعطي الطير حبوب قلاع :eek: قلت وش وقعك تعطي الطير هل الحبوب قال فلان يقول الطير فيه قلاع لن الطير له ريح :mad::mad: قلت الطير لافيه مرض ولاشي لاكن اتصل واخذ العلم ومن هل الخبره وفعلن إتصلت وطلع اللي فيه زود صنعه لإن مرش الطير مافيه شي وحار على العلف وخليته يوقف الحبوب وقلتله الطير لا زم تقصر عليه بالعلف وانا اشنذره وبعده خذا راعي الطير طيره
والحمد للله عدت الامور على خير ::

ففيه ناس عقوله ناقصه ويحس بنقص وضعف بشخصيته
علشان كذا يقوم يبرد على الرجال ويكثر الكلام ويلفت النظر عليه علشان كذا يقوم يسوي نفسه فاهم واطلق قناص بعد

واعتذر على الاطاله

[خيال سهيل]

اخوي دولار و ابو طلال لاهنتم على تشريف موضوعي بالاطلاع واتحافي والاخوان بالرد
فعلا شي يقهر وانا يعلم الله ماقصت احد بعينه ولاكن ظاهره تقهر
المشكله انك ماعاد تعرف الصاحي من المقاس وخاصه على واحد مبتدئ
الرجال جاي هنا يتعلم او حتى برا المنتدى
بس نصيحه للجميع واولكم انا لا تاخذ العلم الا من ثقات وماهو من واحد
ولا يغرك عدد المشاركات او برنزي ولا ذهبي ولا غيرة مع احترامي وتقديري للجميع

[أبو فيصل]

كلام سليم و في الصميم

"صاحب نصف المعرفة أشد خطورة من الجاهل" ... و نقص المعرفة عادة ما يولد الشك فتأخذه العزة بالنفس على التمادي في الفلسفة ليغطي النصف المجهول وهذه تلاحظ كثيرآ في المراهقين و لكن أن رأيتها في الكبار فهي صفة من صفات ما يقال لهم "خدش، غوج، مهايطي، فلق ...الخ" العذر من الأسماء المدرجة والتي لا أذكرها هنا أو أي مكان ولكن للتوضيح فقط.

هذه النوعية يرد على أي سؤال و لا تحاول تناقشه فتبلش وأن أبتلشت أنسحب بهدوء

[ناب ذيب]

..........................

http://www.mekshat.com/vb/images/misc/progress.gif