استفسار يا إخوان بخصوص الدبل في gxr 2009

[هاوي للبر]

السلام عليكم ورحمة الله وبركاته
أما بعد
كيف حالكم يا إخوان عساكم طيبين ان شاء الله
هذي اول مشاركة لي بالمنتدى واتمنى أني استفيد منكم ومن خبرتكم يالنشاما

الوكاد ابدخل بالموضوع على طول :

انا سلمكم الله معي جيب لاندكروزر gxr موديل 2009

المهم أني مسكت معي هكاليوم وابدخل فوق طعس الوكاد اني غرزت غراز اقشر
هاولت بالخفيف ماش الموتر مايمشي شغلت الثقيل وبرضه صعب عليه مره طلعته بالدفلك بطلعه الروح

جيت مره ثانيه ابدخل نسمت شوي وغرزت وهالمره ماطلعت الا يوم جان واحد وسحبن الوكاد يوم طلع الموتر هالمره لمبه الدبل الثقيل بدت تأشر عيت لا تطفأ جيت طفيت الموتر وخليته يرتاح شوي وفعدين اللمبه رجعت زي ماكانت عاديه

السؤال هنا هل الدبل الحين عليه مشكله او لا دام كل شي رجع لوضعه

طبعا انا ممداي على الجيب ولاعندي ذيك الخبره بهالاشياء وجيت هنا وقلت مالي الا الربع بهالموقع الغالي هم اللي يبي يفيدونني

فبالله اللي عنده خلفيه او قد صاره هالشي يفيدني ويشور علي وش اسوي

ومعليش على كثره الكلام وبيض الله وجيهكم مقدما يارجال

[sgl2002]

شف وانا اخوك


دام طفت زين على زين

وحاول دايم انك اذا جيت تفصل الثقيل يكون بالفاضي ومن ثم بعد ماترجع الثقيل تقوم تقدم قدام وورا لين يفصل الثقيل ، ثم تفصل الخفيف ، واذا كنت مشغل الدفلك افصله قبلهم كلهم

ولاتشغل الثقيل الا بعد تشغيل الخفيف


لازم تكون حذر في المديلات هذي لان مشكلتها المتكرره هي دينمو الدبل يخرب وقيمته حول ٣٥٠٠

[هاوي للبر]

بيض الله وجهك يا صقل 2002 بس تتوقع الحين الدبل فيه مشكله ولا لا دام اللمبه رجعت زي ماكانت

بعدين شلون اعرف ان الدبل زين ولا لا الحين ودي اجرب ياليت تفيدني

[هاوي للبر]

شف وانا اخوك


دام طفت زين على زين

وحاول دايم انك اذا جيت تفصل الثقيل يكون بالفاضي ومن ثم بعد ماترجع الثقيل تقوم تقدم قدام وورا لين يفصل الثقيل ، ثم تفصل الخفيف ، واذا كنت مشغل الدفلك افصله قبلهم كلهم

ولاتشغل الثقيل الا بعد تشغيل الخفيف


لازم تكون حذر في المديلات هذي لان مشكلتها المتكرره هي دينمو الدبل يخرب وقيمته حول 3500


بيض الله وجهك يا صقل 2002 بس تتوقع الحين الدبل فيه مشكله ولا لا دام اللمبه رجعت زي ماكانت

بعدين شلون اعرف ان الدبل زين ولا لا الحين ودي اجرب ياليت تفيدني

[هاوي للبر]

للرفع يا اخوان

[sgl2002]

ان شاء الله مافيه مشكله

والدبل الخفيف اذا كان شغال تعرفه اذا السيارة تمشي بزفلت ولغيت تحس الموتر ينشب

والثقيل تعرفه بتغير عزم السياره علما ان الثقيل ماتمشي عليه اكثر من 40

[sgl2002]

وانتبه اذا غرزت ودقر الموتر تجور عليه بالخفيف لانه يخرب القير

اذا دقر مامشى عطه ثقيل لين يطلع بمكان متساوي ثم رجعه خفيف

[هاوي للبر]

ان شاء الله مافيه مشكله

والدبل الخفيف اذا كان شغال تعرفه اذا السيارة تمشي بزفلت ولغيت تحس الموتر ينشب

والثقيل تعرفه بتغير عزم السياره علما ان الثقيل ماتمشي عليه اكثر من 40 وانتبه اذا غرزت ودقر الموتر تجور عليه بالخفيف لانه يخرب القير

اذا دقر مامشى عطه ثقيل لين يطلع بمكان متساوي ثم رجعه خفيف

ياملل العافية والله ماقصرت على هالمعلومات بيض الله وجهك

واي واحد من الاخوان اذا عنده اضافه يفيدنا بأي شي خلونا نستفيد منكم بعلم يارجاجيل

[صديق كلم رفيق]

ماقصر sgl

واضافة بسيطة لاهنت اذا طبيت نفود نسم الموتر اقل شيء 25 . حتى ماتتعب المكينة والقير والدبل ..

[hamido]

اهم نقطه زي ماتفضل اخوي sgl2002 اذا غرزت دايركت حول الثقيل ولا ترى بتتعب الكلتشات