تكفون استقور 2000 وش مميزاته

[دردوش]

السلام عليكم اخواني انا شريت استقور 2000 ودي اسال وش افضل تشوك للقمري والقوقسي واقع وطيار وهل هي نظام سوبر البنلي مكينته وهل هي 3 انش او 3 ونص وتشكات الترلوك يركب على الستوقر وش افضل شي خارجي او داخلي على العموم ابي نصايحكم الله لايهنكم 00000000000

[دردوش]

وش عيوبها بعد الله لايهنكم

[قناص الأشهب]

وعليكم السﻻم اوﻻ مبروك ماشريت والله يبارك لك فيها ويطعمك من صيدها
الاستوقر مابها ميزات شوزن سهله وبسيطه وﻻ يوجد فيها تعقيد تعتبر افضل التركيات حاليا
نضامها نضام البينيلي الي يسمى انيرشا درفن يعيبها على اول صندوق ترميه يكون ندفها قوي وبعدها تلين شوي
يجي معها خمس تشوكات بالنسبه لاستخدامي رقم 2 و 3 اكثر شئ استخدمه وخاصه للطييور الي في حجم القمري او اكبر شوي
رقم واحد استخدمه للطيور الكبار مثل مايسمى بالقهد او اليعاقيب او القهبي
بالنسبه للفشق كتيبها يذكر انها تتحمل الى 56 قرين ولكن نصيحه ﻻ تستخدم الا 36 كحد اقصى للمحافضه عليها
فمهما كانت جيده الاستوقر فهي لن تكون بجودة الايطاليات
نصيحه اخيره اكرمها بالتنظيف والتزييت وامسح الزيت بخرقه بعد ما تزيتها علشان ما يمسك فيها الغبار

[دردوش]

تسلم يالامير 0000000

[الباثفايندر3]

الله يعطيك من خيرها ويكفيك شرها ويطعمك من صيدها
اختيار موفق انا لها سنة معي ماعينت منها الا كل خير لاكن مثل ماقالو الاخوان اهم شي التنظيييف
كم سعرها الان جديدة ارتفع او لا كم اخذتها

[تساهيل1]

مبروكه ان شاء الله

دامك شريتها لا تنشد وتقلق نفسك خلاص السؤال قبل الشراء عن العيوب

عموما يمدحون تشوك 2 الاغلبيه

اسمها استوقر

وبالتوفيق

[محمد ابن عيد]

..

آفادوك الاخوان
الستوقر اطيب التركيات
لكن لاترمي ضغوط اضمن لك
خلك ع 36 و دون وتاكل من صيدها
ان شاء الله

[راعي-gx97]

مرحبا اخي
واختيار موفق ان شاء الله والله يعطيك من خيرها ويكفيك شرها ..
البندق تطرب بالرمي ومثل ما قالو الاخوان عليك بالتنظيف والتزييت المعقول لن بعض اهل البنادق يغرقها بالزيت ويقول بندقي تلك .
عليك بزيت السلاح اللي ينباع في محلات المقناص مخصص لسلاح زيت الاجزاء المتحركة واذا بتخزن البندق بعد المقناص لفترة طويلة امسح اجزاء الحديد من الداخل والخارج وحطها في جرابها واذا جاك المنقناص سم بالرحمن وارم ..