شاركوهم المعلومه و المعرفه في مجال الصقاره

[سلطان راشد]

اخواني الأعزاء السلام عليكم ورحمة الله وبركاته

أرجو ان تكونوا في أتم صحه و عافيه ... اللهم أمين

في هذا الموضوع اطلب من جميع الصقاقير ذوي الخبره الطويلة في الصقاره وايضاً في الشباب ذوي الخبره المتوسطه .. بأن لا يبخلوا على إخواننا الصقاقير الجدد في اي معلومة مهما كانت بسيطه او تافهه (لآني لاحظت في بعض المواضيع تقليل من صاحب السؤال).. ولا يخفى علَى جميعكم بأن هذي الهواية تعتبر من تراثنا و موروث متأصل في عروبتنا ومن واجبنا تنمية هذا الموروث و تعزيزه في قلوب المبتدئين ولا ننظر لهم نظرة التقليل و قل المعرفه.. بل نجاوبهم و نساعدهم لوصول المضمون و نغذيهم من نبع معرفتنا ... و لعل ادلأك بمعلومة ( ولو كانت بسيطه) ينمي هذه الهواية للسأل ويجعله متفهم و ملم في هذا المجال

اخواني اعتذر على الإطالة ولكن والله ما طرحت هذا الموضوع الا من تجربتي في هذا المجال من سنين وكنت أواجه التقليل و الإحباط من ((بعض)) اصحاب الخبره :( ولكن كانت هوايتي أقوى .. والحمد الله اثبت جدارتي وشكرا

وفي الختام السلام

اخوكم / سلطان راشد..

[ابوفوز]

الاخ ابوراشد المشكلة انها هواية قشرى
ولع وممكن تترك اللوازم والمواجيب عشان طير
واللي يبي يتعلم يشوف اليوتيوب كلها مقانيص وعلوم طيبة

[Naif1]

السﻻم عليكم ورحمة الله وبركاته
اقول المجالس مدارس

[دولاار]

وعليكم السلاام ورحمة الله
مرحبا ومسهلا فيك اخوي سلطان
كلاامك سليم 100% ولايختلف على اثنين
ولااكن التجربه وخوض الشي على ارض الواقع فيه فرق كبير عن انك تسمع كلاام او تتعلم بالكلاام
فشي سهل انك تتلقى المعلومه بالكلاام ولااكن لمن تجي تطبق هالمعلومه على ارض الواقع بتواجه صعوبات ماكنت تتوقعها
فاانا الي اشوفه سواء للمبتدء او غيرهم انه يلاازم الصقارين ذوي الخبره ويكون معه طيره ويتعلم منهم
وبكذا يتعلم ويطبق الي تعلمه في نفس الوقت وايضأ الي تعلمه يرسخ في مخه
ولافيها شي ان الواحد يحتك ويلاازم الي اخبر منه في اي مجال كان لغرض التعلم من هالشخص
فاجميع الصقارين الي نشوفهم الان ولديهم الخبره الكافيه في الصقاره كانو مايعرفون شي عن الطير ولااكن بحكم ان هالهوايه
عاشقينها لاازمو الصقارين الي لهم خبره وتعلمو منهم وكسبو الخبره

[سلطان راشد]

اشكر جميع من علق على الموضوع .. اخواني الأعزاء في بعض دول الخليج ومنها الإمارات و قطر هناك أندية و دواوين للصقاقير تهتم في هذه الأمور و هذا ما نفتقده هنا في مملكتنا الحبيبة ... أتمنى ان نرا مثل هذي الأندية و الدواوين عندنا .. في السابق كنت اروح لسوق الطيور في الرياض ونجلس مع ذوي الخبره واستفدت كثير منهم .. اما الان فلا يوجد مثل هذي التجمعات الا قليل للأسف

[كاشت2]

السلام عليكم ورحمة الله
صراحة كنت انتظر هذا الموضوع منذ مده لاني هاوي صقاره بس تنقصني الخبره وشفت رد احد الاخوان يقول لازم تلازم الصقارين هذا اذا اعطوك وجه طبعا والدل الثاني هذا المنتدى يجمع كثير من ذوي الخبره ولكن قل منهم من تعاون معك وجاوبك على اسئلتك باختصار شديد (بالقطارة) انا ماعندي اقارب صقارين للاسف الي كان منهم مات الله يرحمه ولم الحق عليه ولا اريد سوى اجابتي على اسئلتي التي لاسبيل لاجاده اجابه عليها سوى من الصقارين نفسهم لايتيوب ولا غيره يستطيع لكن المشكله عندهم قول متعارف لا اساس له يقول سر المهنه ؟؟؟:confused: بعض الصقارين لايريد صقار غيره يعيش في الارض ويش هذا التفكير ؟؟؟؟؟
وردا على اخي الي يقول لازم الصقارين اقوله خلهم يجاوبو كتابيا اول
حنا يجمعنا الاسلام اولا واللغه ثانيا والهوايه لاتدعو الحسد والغيره تعمي قلوبكم
ودمتم بخيييير

[احمد مفرج]

اخوي سلطان كلامك صحيح بس المشكله يخوي العجب هذي مادور هوايه ولاحب بطيور كلها ودها تتعلم كيف تقهر الطير يفكرو ان الطيور بلبر اكثر من رمل الصحرا ويسمعو عن المبالغ الي تندفع بلطيور يقولو هان طاب الموت مع العلم اني والله دايم ادور اسئلتهم ولا ابخل عليهم بشي اعرفه والله يجزاك الخير اخوي سلطان الان انك طيب ما يطلع منك غير الطيب

[احمد مفرج]

السلام عليكم ورحمة الله
صراحة كنت انتظر هذا الموضوع منذ مده لاني هاوي صقاره بس تنقصني الخبره وشفت رد احد الاخوان يقول لازم تلازم الصقارين هذا اذا اعطوك وجه طبعا والدل الثاني هذا المنتدى يجمع كثير من ذوي الخبره ولكن قل منهم من تعاون معك وجاوبك على اسئلتك باختصار شديد (بالقطارة) انا ماعندي اقارب صقارين للاسف الي كان منهم مات الله يرحمه ولم الحق عليه ولا اريد سوى اجابتي على اسئلتي التي لاسبيل لاجاده اجابه عليها سوى من الصقارين نفسهم لايتيوب ولا غيره يستطيع لكن المشكله عندهم قول متعارف لا اساس له يقول سر المهنه ؟؟؟:confused: بعض الصقارين لايريد صقار غيره يعيش في الارض ويش هذا التفكير ؟؟؟؟؟
وردا على اخي الي يقول لازم الصقارين اقوله خلهم يجاوبو كتابيا اول
حنا يجمعنا الاسلام اولا واللغه ثانيا والهوايه لاتدعو الحسد والغيره تعمي قلوبكم
ودمتم بخيييير

ابشر ابعزك يرجل اي استفسار حنا جاهزين والله يجزي اخوي سلطان كل خيرعلى الموضوع الرائع