يا الصقاقير ..... معاهدكم بالله ...!!

[الطبيب]

باسم الله الرحمن الرحيم

والصلاة والسلام على سيد المرسلين .... أما بعد ...!!

بالنسبة لما لاحظت بأن الصقار والبواردي ما يتخاوون .... لأن للصقار طربة ومزاج .... وللبواردي طربة وزاج آخر ...!!

وللتقريب بينهم .... حلفت دين .... وعاهدت ربي ... إني ما أرمي .... طيرين ...!!

الحبارى .... والكروان (( السمق )) ...!!

لسببين ...!!

الأول :-

إن رمي الحبارى والا السمق (( الكروان )) ... ما به فخر للبواردي ...!!

والثاني :-

إن الطيرين هذولي شحت .... وتناقص عددها ... والصقار ما يدور غيره ....!!

أما البواردي .... فيلقا رزقه بغيره .... مثل القطا والقميري و الدرج المهاجر ..... إلخ

ولكم علي .... يا الصقاقير .... إذا لقيت أثرهن .... أو عينتهن ... أصوت بالجهاز لأقرب صقار وأعطيه المكان أو الاحداثية .... وعسى الله يرزقه بهن ...!!

وتروا الموضوع هذا من زمان وأنا ماشي عليه .... لكن قلت أعلمكم .... يمكن البواردية يصيرون مثلي .... ويتركون لكم طربتكم ....!!

ولو نبي نتوسع بالشرح كان طولنا ..... ولكن أقول للبواردية .... (( أحب لأخيك .... ما تحب لنفسك )) ..!!

رزقكم الله بالصيد .... وسعة الصدر ....جميعا ....!!

هذا والله أعلم

والسلام ختام

[رعد الجنوب]

السلام عليكم

هلابك ومرحبا الطبيب
انا معك اخوي الطبيب وكلامك صحيح ونتمنا كذلك من جميع البواردية يقدرون اهل الصقارة ويقدرون تعبهم وخسايرهم
وفرحتهم عند وجود الاثر فكيف بالحبارى والكراوين .

تحيتي وسلامي

[أبو فيصل]

عساك على القوّه وياليتك حوالينا

[عناز]

بيض الله وجهك يالطبيب ولا يهون اخوي رعد الجنوب عز الله ما قصرت يالطبيب بهالموضوع وانا اتوقع التفاعل من جميع اخواني البوارديه ,راعي البندق اذا انتهى الموسم شحم بندقه وخزنها لكن راعي الطير بشقى وقت الربطه والهدد ولاجل ذلك يستاهل بعضهم من يصوت له على أثر حبارى اوكروان واهيب باخواني الصقاقير بأن يصوتوا على اخواننا البوارديه في حالة مصادفة طرايدهم وانا اولهم .

[صقـر]

بيض الله وجهك

[طارق الحربي]

اصيل ووافي بيض الله وجهك ماقصرت

كل الشكر لك وياليت كل البوارديه مثلك

[أبو شعلان]

بسم الله الرحمن الرحيم

أخوي الطبيب بيض الله وجهك الصراحة جبتها في أول الموضوع ... إن راعي الطير وراعي البندق مايتخاوون ...ومايتدانون....
هنا المشكلة وهنا السؤال ؟؟؟؟؟؟؟ ليييييييييييييييش
أنا ملاحظ إن كل واحد يبغض الثاني بشكل خيالي ليش ؟؟؟

مع إني أعرف واحد من الربع راعي طير ... مايعطلع إلا مع أهل البنادق ... وهم اللي يلقون الحبارى أكثر شي ويهد طيرة ويستانسون .. بشرط إذا طرّح الطير .. يلحّقون بنادقهم ... هذا شرطهم .. وإلى الآن مع بعض ..مع العلم إن بعض أهل البنادق طاحوا بالطيور الحين ...
ــــــــــــــــــــــــــــــــــــــــــــــــــ ـــــــ ــــــــــــــــــــــــــــــــــــــــــــــــــ ـــــــــــ

عموماً ياليت كلن يسمع أويقراء كلامك ويخلون الحباري والكراوين لأهل الطيور ...
وعسى الله يوفقك دنيا وآخره .....

,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,
:j

[الطبيب]

العفو يا الربع .... بس هذا أقل من الواجب ...!!

الصقار يكفيه تسع شهور .... اربط الطير .... وقيظه .... وأعلفه .... وعالجه ....!!

وطربته الثلاث شهور ..... وقت عبور الحبارى ...!!

وتستاهلون أكثر يا الربع .... ولكن هذا اللي قدرن الله عليه .... لخدمتكم ...!!

والله يثيبكم ويرزقكم الصيد الطيب .... وتستاهلون الفخر ...!!

ولو أبي أرد على كل واحد منكم ..... ما كفاني المنتدى بكبره ..... لأن قدركم عالي ....!!

هذا والله أعلم

والسلام ختام

[عاشق الأشقر]

الله يجزاك خير دنيا و آخرة و هذا كلام مهم جدا


ولكن قليلا ما يستمعون

[المري]

عز الله انك ماقصرت يالطبيب

اخوك / المري

[الزعـبي]

الله يجزاك خير ويكثر من امثالك

[عاشق البسيتين]

الله يجزاك خير يالطبيب

[أبو رداد]

السلام عليكم ورحمة الله وبركاته

عزالله ماقصرت والله يكثر من امثالك
شانك الطيبات يالطبيب
تسلم

[الطبيب]

العفو يا الربع ..... وتستاهلون الطيب والخير ...!!

وأقل من واجبكم

هذا والله اعلم

والسلام ختام

[حفرلوجيا]

بمفهوم أوسع كأني أفهم من الطبيب دعوته لبث أخلاقيات بين أهل القنص .. تدعوهم لاحترام بعضهم..
وبعيدا عن الأفضلية أو التمييز بـ(المهارة والمتعة) بين الصقار والبواردي..
أقول .. هذا شيء جميل .. وستجد (بل وجدت) التفاعل والترحيب من الصقارين .. وأعتقد أن هذا ينطبق على (الصادق) منهم .. ولهذا أتتك الردود المحترمة..
وخذ وجهة نظر محايدة.. وحتى تتضح وجهة النظر سأغلفها بموقف مر علي العام الماضي..
كنت العام الماضي مع صديق صقار .. يبوح لي بكل شيء .. في رحلة قنص .. وأنا ليس لي إلا المتعة بالتصوير والمشاهدة..
انطلقنا أنا وهو بسيارة واحدة على موعد مع بقية الأصحاب شمال أم الجماجم ..
طبعا .. أنا أعرف ماذا نحمل بالسيارة غير الطيور ... فهناك (خرازة وأم خمس) ملفوفتان ومخفيتان .. ومحفوفتان برعاية صديقي (الصقار) :) ..
ولم أستغرب تأكيد صاحبي على ألا (اجيب طاري) للبنادق عند الأخوان .. :confused:
المعنى .. تجد من الصقارين .. (الغارقين حتى الثمالة بالصقارة) .. من (يغبي) تحت المرتبة البندق.. (ويصيد بها)..
وتجده بالمجلس بين الصقارين فقط إذا أتى الحديث عن البنادق والبوارديه يقول:
(ياجماعة .. نسينا شكل البندق ..مالنا علم بها) :mad: ..
وأتمنى ألا (يطلق) هذا النوع الأيمان إنه ما رمى بالبندق من عشر سنين .. بينما ريحة البارود تفوح من سيارته (كل يوم سبت)..
----- تبقى دعوة الطبيب جميلة بمفهومها الأوسع.. وبالتفاعل معها..

[الأُستاذ]

كلام في محله ويا ليت الكل يكون عنده وعي
........
حفرولوجيا يا شين الفلسفه الزايده