المساعد الشخصي الرقمي

مشاهدة النسخة كاملة : ياجماعة وش سالفة فشق الشوزل انقطع من السوق


ستيفنزالقصيم
27/09/2013, 09:57 PM
انقطع الفشق من السوق واذا لقيت عطاك سعر بالخيال من 170إلى 190له اسبوع منقطع ويمكن يطول ...تتوقعون وش السبب ...
( شميريخ )
27/09/2013, 10:11 PM
بلاه الطلب مرتفع .
هالحين الناس كلها اهل قنص واهل فلة حجاج وارتفع الطلب عليه وناس حتى ام سالم تطخها :D
محمد ابن عيد
28/09/2013, 01:30 AM
..

تلقى ان شاء الله
بس الفتره ذي الدنيا شابه
و وقت صيد
ولا تلومه اذا ارتفع السعر
تلقاه متعني ومعاه الفشق
ولو تصادر م اكله الا هو
وربك يعين
قنيص تبوك
28/09/2013, 01:30 AM
اخوي ستيفينز القصيم اخبر عندكم سوق في بريدة يبيع رصاص الشوازن قد جيته قبل سنتين ومن كثر الي شفتة من الفشق انواع واشكال قلت هاذا ماراح يخلص الى بعد ١٠سنين على الأقل اذا السوق حقكم تقفل الله يعين
خليل909
28/09/2013, 01:51 AM
الحين الفشق غالي معروف الموسم الحين شحيح وغالي دايم خل مشتراك قبل الموسم اخذة قبل الموسم بفتره صندوق تشكيله وانواع مختلفه وضغوط مختلفه الدسته ب١٢٠ الحين الدسته ب١٦٠
ا ه م /1
28/09/2013, 01:54 AM
اصبر لك شوي ويرجع زي اول تصير لك الدسته
١١٥ او ١٢٠
شيهان الهدا
28/09/2013, 10:05 AM
السبب والله طمع التجار والموزعين ما عاد يخارجهم الا ياخذون الدبل من الزبون
لكن الله يعين
ابن كديميس
28/09/2013, 10:43 AM
وناخوك الصندوق كان 1400ونقول غألي والشوزن ام حبه تحصله 1700ريال.
في مامضى والان اشوفه رخيص
وجتك ناس تصيد كل ماتشوفه وحلال حرام ماهمهم الا يرمون بس ولايقدرون احد ولايعرفون سلوم العرب وخربو سمعة الصيادين والله ودك انه يكون الصندوق 6الاف عشأن هالدخلاء والورعان نفتك منهم
ولاتستغرب لقالو يصيدون الدخل بالشوزن .
المتلولس
28/09/2013, 10:52 AM
السبب والله طمع التجار والموزعين ما عاد يخارجهم الا ياخذون الدبل من الزبون
لكن الله يعين

كلام سليم...