ياربع ادخلو ع الله

[فؤاد بن سعدون]

السلام عليكم ورحمة الله وبركاته يااخواني انا شاري من سنتين نوريكا 90 وهي رميه ممتاز وقويه بس طلعت باراسي نخل المشكله من النيشان كل مااوزن يختلف بعد رميتين او ثلاث وزنت وحطيت غراء ولانفع شوفولي حل يارجال



ودمتم سالمين

[ابوعاشة]

اشتر بدالة جديد وريح راسك وبالمرة غير سستتها والجلدة

[فؤاد بن سعدون]

لي معي جديده ونظيفه وانت قصدك اغير السسته

[قناص الأشهب]

نصيحه شد كل مساميرها الي تشوفها شدها مضبوط وبعد ما تشد اوزن النيشان
وﻻتنسى تشيك على الجلده الي مكان دخول الطلقه

[محمد ابن عيد]

..

هلا يالغالي
انا معي نوريكا 90 فيبر
ورميها مشاء الله يطربك
لكن البندق بدون ناظور م تسوى
والبندق خفيفه بدون ناظور وترجف من قوتها
و النيشان م يثبت لان وزنها خفيف
وهي قويه لكن تبي ( نصيحه مجرب )
ركب لها ناظور وابشر ب اللي يرضيك
لان الناظور يثقل ع البندق وتسير ثابته
بس بيثقل عليك البندق شوي لكن
بتدعيلي وان حبيت اعطيك اسم الناظور
علمني وابشر بالسعد

[الأحمدي أحمد]

الله يسهل أمرك

[فايروخ27]

كانت عندي نفس المشكله مع ديانا 36 وغيرت النيشان حق نوريكان 85


والحين ماشاء الله وزنيه ثابته .. لذلك اتوقع العيب عندك من السبطانه


شيك عليها من ناحية الانعواج ومن ناحية السدود والخدود اللي داخلها اذا ممسوحه منتهيه


وهذا يدل على الكرف او استخدام صتم خشن وقوي ... عندها مالك الاتغيرها

[فؤاد بن سعدون]

مشكورين ماقصرتو وانا اول نوي ابيعها بس اعطني معنوية اخوي محمد الحجي ولايهونو الربع وابيك تعطيني اسم المنظار ويليت اخوي ترسل لي صور سلاحك بالمنظار لاهنت وبنسبة لخوي فايروخ السبطنه تظيفه جداا ولاهي ممسوحه بس ان شالله نركب عليه منظار مثل ماقال اخوي محمد وتنظبط بإذن
الله


ودمتم سالمين

[المتلولس]

الحل طال عمرك بعها وخذلك فايروخ ٨٠ او ٨٥ وريح راسك

[بحرالقلزم]

صارت معي وغيرت الجلده اللي في الماصوره من الخلف اللي حول مكان الصتم وزبطت

[هداج تيما]

اخوي فؤاد..

من المهم معرفة الخلل قبل الاصلاح..

الخطوة الأولى:
لابد تجرب البندق في مكان ما فيه رياح ..او تتاكد ان اتجاه الهواء اما معك تماماً او ضدك ، بشرط يكون خفيف جدا..
بعدها لازم ترمي بوضع ثابت ويتم تثيبت البندق بملزمة، على هدف صغير في جدار او كرتون او ورقة ثابتة تماماً وعلى بعد متوسط (10-15متر)

بعدها ارم عدد خمس رميات بدون تعديل النيشان، وشف وين تضرب

فاذا كان الرمي كله في مكان متقارب (متجمع) فالمسألة سهلة ان شاء الله وانتقل للخطوة الثانية:

اما اذا كان الرمي -بعد تحقيق الشروط المذكورة في البداية- ما هو في مكان متقارب (سنتي/10متر مسافة الهدف)
فالخلل في الماصورة او الاخاديد الداخلية للماصورة ، وانصحك تعدلها عند مخرطة او تشتري غيرها.

الخطوة الثانية:
واحد من احتمالين :
الرمي متجمع في مكان واحد، اذن لا توجد مشكلة ، فقط عدل النيشان وتوكل على الله، وقد يكون في تغيير النيشان و نصيحة الاخ (محمد الحجي) في محلها.

اما اذا كان الرمي غير متجمع لكنه على شكل خط( اما فوق او تحت)، الخلل في هذه الحال في تغير قوة الرمي وقد يكون خلل في جلبة الدفع او في الجلبة المانعة للتهريب ( مثل ما صار لاخونا بحر القلزم) اما السسته فتعطي قوة ثابتة دائماً والحل تغيير الجلب.

ارجو ان اكون افدتك (دامك مدخلنا على الله).



.

[فؤاد بن سعدون]

اخوي هداج لو تكرمت مكان الجلب في السلاح وين بظبط

[هداج تيما]

الجلبة الاساسية تكون بنهاية السستة (السبرنق) داخل جسم البندق ، ويلزم فك الخشاب وبعده فك تأمين السرندل وبعده فك الجسم واخراج السستة، واغلب البنادق ما تحتاج تغيير السبرنق قبل (١٠,٠٠٠ -٣٥,٠٠٠) الف رمية حسب ضروف التخزين
اما الجلبة الثانية فهي عبارة عن حلقة (شمبر) من الربل يكون محيط بالفتحة التي يخرج منها الهواء باتجاه الماسورة، يعني لما تكسر الماسورة تشوف الحلقة في المكان المقابل لمكان وضع الرصاصة .

[فؤاد بن سعدون]

ماقصرت اخوي هداج بس كيف اعرف ان الجلبه تعبانه ولازم تتغير