عزبـه الطبخ و عزبه القهوه و الشـاهي .. ماهو الأفضل بين جمعها في عزبه واحده او تفريقها

[راعي الرود]

السلام عليكم



يا أخوان كثير منا له طريقه معينه في عزبته و يرتاح معها

بالنسبه لي جربت طريقتين بالنسبه لعزبه الطبخ و القهوه و الشاهي

في البدايه كانت عندي عزبه مخصصه للطبخ لحالها و عزبه القهوه والشاهي لحالها

لكن كانت تاخذ حيز فـ جربت اني اجمعها جميع و اخليها عزبه مختصره لأن عزبه الطبخ شنطتها كبيره و فيه انواع واشكال من القدور 3 قدور هندي باحجام مختلفه حاطهن في وسط بعضهن و قدر كاتم 18 لتر و باقي ادوات الطبخ المعروفه من بهار وزيت وقطاعه وتاوه وملح ... إلخ إلخ

و في اغلب مكاشيتي يكون معي 3 إلى 4 انفار و عزبه الطبخ ادودلها على ثقلها ولا استفدت من اغلب الموجود فيها لكن تجي ايام اطلع ويكون معي من الـ10 اشخاص وفوق فـ هنا تبين ميزتها لكنها نادره وشاطحه

الحاصل اني فرغت العزبه كامله ونظفتها و عزلت الاشياء اللي ما استخدمها كثيره و خليت اشياء تكفي لطبخ لـ 5 إلى 7 اشخاص و جبت اغراض الشاهي والقهوه من دلال و ملقمه و اباريق و سكر وشاهي و هيل وقهوه والحبق المجفف و غيرها و حطيتهن في عزبه وحده

لكن صارت حوسه و تبلش في ضفها لا جيت تمشي بالمقابل كنت استفيد من الحيز في الموتر اللي كانت ماخذته عزبه القهوه و الشاهي


وش رأيكم هل تفضلون كل عزبه لحالها مستقله ولا تجمع اغراضك في عزبه وحده مع الاسباب :p ..

[راعي ام عشر]

صبحت بالخير
معاي عزبه من زماان اجدا استخدمها
لو تشوفها كان تحقرها من صغرها وهي تكفي الى ٦ اشخااص
فيها اغراض طبخ وقهوه عزبه 

[راعي الرود]

صبحت بالخير
معاي عزبه من زماان اجدا استخدمها
لو تشوفها كان تحقرها من صغرها وهي تكفي الى ٦ اشخااص
فيها اغراض طبخ وقهوه عزبه 


ماشاء الله ياليت تذكر لي وش حاط بالعزبه وكيف طريقه ترتيبها ؟

كم قدر و كم بريق شاهي و كم دله و ملقمه ؟

[عاشق دياري]

وعليكم السلام ورحمة الله وبركاته ..

حياك الله اخوي راعي الرود

والله يا طويل العمر
انا عندي عزبتين
عزبة كبيرة للطبخ ..

وعزبة صغيرة للقهوة والشاهي ..

افضل فصلها
لان بعض الاحيان اطلع خفافي
من بعد الضهر الى العشاء
يا مطاردة مطر يا جلسة وحدانية او انا ورفيق لي
أكون مأخذ غداي جاهز من البيت او اتغدى في الطريق
وما ناقص الى قهوة وشاهي
ما أصير أخذ حوستي وقدوري
ولا بستفيد منها

[راعي الرود]

وعليكم السلام ورحمة الله وبركاته ..

حياك الله اخوي راعي الرود

والله يا طويل العمر
انا عندي عزبتين
عزبة كبيرة للطبخ ..

وعزبة صغيرة للقهوة والشاهي ..

افضل فصلها
لان بعض الاحيان اطلع خفافي
من بعد الضهر الى العشاء
يا مطاردة مطر يا جلسة وحدانية او انا ورفيق لي
أكون مأخذ غداي جاهز من البيت او اتغدى في الطريق
وما ناقص الى قهوة وشاهي
ما أصير أخذ حوستي وقدوري
ولا بستفيد منها

الله يجزاك و والديك الجنه ..

صحيح احياناً الطلعات الخفافيه ماودك تبلش بالقش الواجد :good2:

مايمنع انك تشيل عزبه الطبخ معك احياناً تجي صمله فجأه و تمسون ليلتكم في مكانكم وجود عزبه الطبخ مهم :D

[ابو نايف التميمي]

انا ماعمري جمعت العزبتين مع بعض
الطبخ لحالها كاتم وصحن وسكين وملعقه وقطاعة وصحن بلاستين الي ينطوى وبهارات وملح واشاء خفيفه

والشاهي كذلك دله وملقمه وبريق شاهي وعلبه صغيره فيها بيالات وفنجيل وعقرب كوفيا وعلبتين غاز صغيره

وكذا مرتاح..كنت اول اعبي العزبه من اغراض مالها لزمه . لكن الان اخففها قدر الاماكن

انت تقول في عزبتك قدر كاتم و3 قدور هنديه.. !!! كاتم لحاله كافي

[راعي الرود]

انا ماعمري جمعت العزبتين مع بعض
الطبخ لحالها كاتم وصحن وسكين وملعقه وقطاعة وصحن بلاستين الي ينطوى وبهارات وملح واشاء خفيفه

والشاهي كذلك دله وملقمه وبريق شاهي وعلبه صغيره فيها بيالات وفنجيل وعقرب كوفيا وعلبتين غاز صغيره

وكذا مرتاح..كنت اول اعبي العزبه من اغراض مالها لزمه . لكن الان اخففها قدر الاماكن

انت تقول في عزبتك قدر كاتم و3 قدور هنديه.. !!! كاتم لحاله كافي

القدور الهنديه ماتاخذ مكان لانها طقم 3 حبات كبير و اصغر ثم اصغر و احطهن بوسط بعضهن

و الكاتم صحيح هو اللي ماخذ حيز علماً اني ما استخدمه ولا احس بطعم الطبخ الا لا شفت الهندي المعفط عطي الله :D

بس احياناً تكون الطبخه لحم فـ مالك الا الكاتم

وانا انسان ماحب قوله ( ليتني جايب ) فـ لذلك عزبه الطبخ احط فيها اللي احتاجه واللي ما احتاجه من ادوات الطبخ

[ناصح]

لا شك أن فصل عدة الشاهي والقهوة عن عزبة الطبخ هو الأفضل
لاعتبارت كثيرة ذكرها الشباب
واسهل للترتيب واقل لاحتكاك الاواني مع بعض

عموما المهارة تكون في ادخال اجزاء العزبة في بعض لتقليل الفراغات وتصغير الحجم العام
فأنا عندي قدر كاتم فرنسي وبداخله قدرين
وعلى الجنب الطويل للعزبه 3 ابلام وفوق العزبه قلايه ثم تبسي صغير
وبقية الاشياء موزعه في التجاويف الباقية في العزبه
وهي تكفي بإذن الله 8 اشخاص وحجمها صغير

شكرا على الموضوع الهادف

[ابوعلي العجمي]

العزبة للقهوة والشاهي بس
اما الطبخ
كاتم و داخله الرز والبهارات على طول
الملاعق السكاكين اذا فالموتر مخابي بها ونعمة او مع ربعه
هذي طريقتي دامي حول ديرتي
اما اذا سافرت قنصت بعيد اخذ العزبة الي تكفي العدد الي معي

[عشق بري]

رأيي الفصل بين العزبتين أفضل لكي لاتختلط روائح بعض المواد ويخرب الكيف حقها مثل الشاهي والقهوة والبهارات والهيل والحبق فيفسد عليك طعمها


إن كنت تبي العدة سوا
فيه طريقة أنا أسويها ( عزبة داخل عزبة )
عزبة القهوة والشاي صغيرة ومغلقة أدخلها داخل عزبة الطبخ الكبيرة
وبذلك تفتك من عزبتين

[aborajwa]

اذا كنت تجهز لطلعه مرة وحده وترجع ضف اغراضك جميع .. اما اذا كنت تثبت العزبة في السيارة على طول الوقت فالافضل الفصل بينهم .. وعن نفسي عزبتي ما تنزل من السيارة ابد الا لتعبيتها لذلك فصلت حتى عزبة القهوة عن عزبة الشاهي وكل كيف في شنطته الخاصة فيه وصار الكيف لا يعلى عليه . بالنسبة للقهوه اشيلها حب هي والهيل بدون طحن .. والطحانه في السيارة مع عزبتها اطحن وركب قهوتك ثم تفنجل الشاذلية .

[ساري الليل111]

الفصل بين العزبتين افضل بحكم ان الشاهي والقهوة تستخدمها اكثر من الطبخ فصعبه كل ما جيت تطلع تتقهوا تشيل عزبة ثقيلة

[WWS]

آلآفضل كلن لحـآله لخفه آلؤزن ؤ سهؤله آلحمل
آلي عندي يكفن لـ 4 \ 5 آشخـآص
من مؤآعين آلقهؤه ؤ آلشـآهي ؤ آلطبخ

[دايم الخير]

الأفضل فصل العزبتين

عزبة القهوة والشاي ممكن تحتاج تنزيلها أي وقت ، بفيضه أو بمضحى ،، إلخ

اما عزبة الطبخ ما تحتاجها الا وقت الطبخ فما في داعي انقلها معي حتى وانا بسوي شاهي!

ربي يعطيك العافية

[بدران الدوسري]

عني أنا فاصلها وكثرت الخرابيط وودي أشتري عزبه ثالثه :)

مثل ماذكرت ماوي يمر علي هالكلمة ( ياليتي جبت ) أو ( ياليتني شاري )

لكن ودنا بالشباب جميعا تحطون صور لعزبكم عشان يعم الفايده

[ابن كديميس]

ياليت احد يتكرم ويعطينا رايه افضل عزبه جاهزه ولا اشتريها مفرقه وأجمعها بنفسي طبعا عزبة قهوه ...
وادوت العزبه الاصليه وين احصلها لان السنيدي وربعه كلها صينيه وصناعتها ردئيه.واستخدمها بس ودنا بالاطيب.

[الشقردي 205]

أكيد الافضل فصل عزبة الشاي والقهوه لحالها وعزبة الطبخ لحالها ..


لأنه لابغيت تطلع كشتة خفافية ما تاخذ عزبة الطبخ معك ..


عزبة الطبخ بـ صندوق وعزبة الشاي والقهوه بـ صندوق ثاني ولا بغيت تكشت شلها كلها هذي بصندوقها وهذيك بصندوقها ..

[الشقردي 205]

ياليت احد يتكرم ويعطينا رايه افضل عزبه جاهزه ولا اشتريها مفرقه وأجمعها بنفسي طبعا عزبة قهوه ...
وادوت العزبه الاصليه وين احصلها لان السنيدي وربعه كلها صينيه وصناعتها ردئيه.واستخدمها بس ودنا بالاطيب.

إخوي اكيد تجميع العزبه افضل من الجاهزه ..


لأانك تنقى اغراضك بـ نفسك وتعرف اللي تحتاجه واللي ما تحتاجه ..


لكن غالبا عزبة الشاي والقهوه ما تحتاج الحرص على تجميعها ..


لانها اداوت بسيطه وغير مكلفه واكثرها بـ مطبخكم جاهزه ..


لكن أحرص على عزبة الطبخ اللي جمعها تجميع ..

[راعي الرود]

بارك الله فيكم جميع و كل من اعطانا رأيه

والجميع اجمع على ان فصلهن افضل و صحيح انه افضل و اريح بالترتيب و ماتضطر تشيل معي عفش زايد وانت طلعتك ابو براد شاهي ودله وراجع

تم ترتيب العزبه و نفضها و رجعتها زي اول كل وحده لحالها و استغنيت عن قدر الكاتم لأنه هو سبب الزحمه الصدز ولا احتاجه ولا ادانيه


ياليت احد يتكرم ويعطينا رايه افضل عزبه جاهزه ولا اشتريها مفرقه وأجمعها بنفسي طبعا عزبة قهوه ...
وادوت العزبه الاصليه وين احصلها لان السنيدي وربعه كلها صينيه وصناعتها ردئيه.واستخدمها بس ودنا بالاطيب.
الأفضل انك تجمع اغراضك بنفسك لأن محتويات العزبه الجاهزه يمكن ماتجوز لك تنق اغراضك و خذ الطيب ولا تحرص على الغالي ترا الدعوه تقضيه حاجه ( بريق تفويح و براد للشاهي و ملقمه و دله وطقم بيالات مع شنطه لهن و فناجيل وسحله تغسل بها بيالاتك وفناجيلك )




* سؤال :

بالنسبه للقدور انا استعمل الهندي من زمان و عارف وزنته ولا احوف الكبسه الا عليه لكن مشكلته لا صرت كاشت ابو 3 ايام مثلاً بتحاول توفر بالماء لكن القدر الهندي يستهلك ماء كثير للغسيل تنشب به القراره مع اني بعد ما انكب الرز اصب عليه ماء شوي واحطه فوق الضوء و بعدها احك القراره لكن يتبقى اثار غسيلها يحتاج مويه بقدر اشوف انه كثير وغسلها متعب خصوصاً بالشتاء الموت الحمر .. جاء في بالي اني ابدل قدور العزبه للتيفال جربت اطبخ فيها مره وحده و حليله ماتمسك بها القراره وغسيلها مايبي له كلافه وش رايكم فيها انا ماطبخت فيها الا مره صعب احكم عليها فـ هل من مجرب لها و خصوصاً مع اللحم ؟

http://www.taw9eel.com/media/catalog/product/cache/2/image/800x/9df78eab33525d08d6e5fb8d27136e95/t/a/tampo-flame-9.1l-30cm.jpg

**

[ناصح]

بارك الله فيكم جميع و كل من اعطانا رأيه

والجميع اجمع على ان فصلهن افضل و صحيح انه افضل و اريح بالترتيب و ماتضطر تشيل معي عفش زايد وانت طلعتك ابو براد شاهي ودله وراجع

تم ترتيب العزبه و نفضها و رجعتها زي اول كل وحده لحالها و استغنيت عن قدر الكاتم لأنه هو سبب الزحمه الصدز ولا احتاجه ولا ادانيه


الأفضل انك تجمع اغراضك بنفسك لأن محتويات العزبه الجاهزه يمكن ماتجوز لك تنق اغراضك و خذ الطيب ولا تحرص على الغالي ترا الدعوه تقضيه حاجه ( بريق تفويح و براد للشاهي و ملقمه و دله وطقم بيالات مع شنطه لهن و فناجيل وسحله تغسل بها بيالاتك وفناجيلك )




* سؤال :

بالنسبه للقدور انا استعمل الهندي من زمان و عارف وزنته ولا احوف الكبسه الا عليه لكن مشكلته لا صرت كاشت ابو 3 ايام مثلاً بتحاول توفر بالماء لكن القدر الهندي يستهلك ماء كثير للغسيل تنشب به القراره مع اني بعد ما انكب الرز اصب عليه ماء شوي واحطه فوق الضوء و بعدها احك القراره لكن يتبقى اثار غسيلها يحتاج مويه بقدر اشوف انه كثير وغسلها متعب خصوصاً بالشتاء الموت الحمر .. جاء في بالي اني ابدل قدور العزبه للتيفال جربت اطبخ فيها مره وحده و حليله ماتمسك بها القراره وغسيلها مايبي له كلافه وش رايكم فيها انا ماطبخت فيها الا مره صعب احكم عليها فـ هل من مجرب لها و خصوصاً مع اللحم ؟

http://www.taw9eel.com/media/catalog/product/cache/2/image/800x/9df78eab33525d08d6e5fb8d27136e95/t/a/tampo-flame-9.1l-30cm.jpg

**



التيفال الأصلي ممتاز

لكن لا بد من التعامل معه برفق

والصحيح أن تستخدم معه عند التقليب واستخراج مافيه ملاعق خشب

لأن الحديد يزيل طبقة التيفال مع الوقت وطبعا يختلط مع العذاء

وبالتوفيق

[hail_ksa]

كنت أجمع عزبة القهوة + الطبخ في عزبه كبيره

لكن حالياً القهوه لها عزبه والطبخ له عزبه
العيوب: تأخذ مساحه أكبر في السياره (جيب صالون)
المميزات: كل عزبه صارت مستقلة ومرتبه + لو بغيت أطلع طلعه خفافيه تكون عزبة القهوة صغيرة وسهلة الحمل


الزبده .. جيوب الصوالين معذورين لو خصص عزبه للطبخ والقهوه لأن المساحه تحكمهم
أما أهل الشيصان فلا يترددون .. أعزل كل عزبه لحال وريح رآسك

[راعي الرود]

التيفال الأصلي ممتاز

لكن لا بد من التعامل معه برفق

والصحيح أن تستخدم معه عند التقليب واستخراج مافيه ملاعق خشب

لأن الحديد يزيل طبقة التيفال مع الوقت وطبعا يختلط مع العذاء

وبالتوفيق


الله يعطيك العافيه ويجزاك الجنه

ناصح و نصائح من ذهب

ان شاء الله اني عزمت على التيفال اباخذ لي واحد و اجربه ان شاء الله :good2:

[راعي الرود]

كنت أجمع عزبة القهوة + الطبخ في عزبه كبيره

لكن حالياً القهوه لها عزبه والطبخ له عزبه
العيوب: تأخذ مساحه أكبر في السياره (جيب صالون)
المميزات: كل عزبه صارت مستقلة ومرتبه + لو بغيت أطلع طلعه خفافيه تكون عزبة القهوة صغيرة وسهلة الحمل


الزبده .. جيوب الصوالين معذورين لو خصص عزبه للطبخ والقهوه لأن المساحه تحكمهم
أما أهل الشيصان فلا يترددون .. أعزل كل عزبه لحال وريح رآسك


صحيح من ناحيه المساحه انا اشهد بالشيء

لكن الحل معها بتركيب طبق و هذا اللي جاري العمل عليه تركيب الطبق يرتب اغراضك ولا يحوسك لا بغيت شيء :good2:

[وهج الحياة]

شبه اتفاق بين الاخوان على ان الفصل افضل

[ابن كديميس]

إخوي اكيد تجميع العزبه افضل من الجاهزه ..


لأانك تنقى اغراضك بـ نفسك وتعرف اللي تحتاجه واللي ما تحتاجه ..


لكن غالبا عزبة الشاي والقهوه ما تحتاج الحرص على تجميعها ..


لانها اداوت بسيطه وغير مكلفه واكثرها بـ مطبخكم جاهزه ..


لكن أحرص على عزبة الطبخ اللي جمعها تجميع ..



بارك الله فيكم جميع و كل من اعطانا رأيه

والجميع اجمع على ان فصلهن افضل و صحيح انه افضل و اريح بالترتيب و ماتضطر تشيل معي عفش زايد وانت طلعتك ابو براد شاهي ودله وراجع

تم ترتيب العزبه و نفضها و رجعتها زي اول كل وحده لحالها و استغنيت عن قدر الكاتم لأنه هو سبب الزحمه الصدز ولا احتاجه ولا ادانيه


الأفضل انك تجمع اغراضك بنفسك لأن محتويات العزبه الجاهزه يمكن ماتجوز لك تنق اغراضك و خذ الطيب ولا تحرص على الغالي ترا الدعوه تقضيه حاجه ( بريق تفويح و براد للشاهي و ملقمه و دله وطقم بيالات مع شنطه لهن و فناجيل وسحله تغسل بها بيالاتك وفناجيلك )




* سؤال :

بالنسبه للقدور انا استعمل الهندي من زمان و عارف وزنته ولا احوف الكبسه الا عليه لكن مشكلته لا صرت كاشت ابو 3 ايام مثلاً بتحاول توفر بالماء لكن القدر الهندي يستهلك ماء كثير للغسيل تنشب به القراره مع اني بعد ما انكب الرز اصب عليه ماء شوي واحطه فوق الضوء و بعدها احك القراره لكن يتبقى اثار غسيلها يحتاج مويه بقدر اشوف انه كثير وغسلها متعب خصوصاً بالشتاء الموت الحمر .. جاء في بالي اني ابدل قدور العزبه للتيفال جربت اطبخ فيها مره وحده و حليله ماتمسك بها القراره وغسيلها مايبي له كلافه وش رايكم فيها انا ماطبخت فيها الا مره صعب احكم عليها فـ هل من مجرب لها و خصوصاً مع اللحم ؟

http://www.taw9eel.com/media/catalog/product/cache/2/image/800x/9df78eab33525d08d6e5fb8d27136e95/t/a/tampo-flame-9.1l-30cm.jpg

**

مشكورين والله ماقصرتو
وراح اسوي مثل ماتفضلتم .
واكيد عزبة الطبخ تكون لحاله لان القهوه ماتجتمع مع البصل والثوم لان القهوه حساسه بالطعم..

[ريحانة شمر]

موضوع رائع استفدت منه الكثير..
بالنسبه للتيفال اهون بالغسل لكن طعم الاكل بالهندي افضل بمية مره
لكن لاصار الوضع سفر وبعيد عن الماء مالك الا هو مايبي شي غسله.
وبالنسبه لعزبة الطبخ
انا شخصيا احط كل اللي اقدر عليه داخل قدر الضغط..
والعده تحتوي كم لفة سفره..وكم لفة كيس زباله اكرمكم الله
وانا مع انه كل عده لها مواعين خاصه ماتطلع منها
منفصله عن مواعين المطبخ اليوميه..

[تيتشر]

دائماً مثل هالأمور مافيه تقيـّـد أو قاعده معيـّـنه

من وجهة نظري الخاصه العزبه تقسمها قسمين (طبخ - شاهي وقهوه) يعتمد على شغلتين : 1- وجود مساحة بسيارتك . 2- طريقتك بتجهيز عزبتك . 3- مدة وبعد الكشتة.

بالنسبه للنقطة الأولى تلقى واحد معه جيب ومركب معه ناس أكيد بيكون فيه ضيق بسيارته فـ بيضطر انه يختصر العزبتين بعزبه وحده توفي بالغرض بعكس راعي الونيت اللي غالباً يكون فيه أماكن متاحة لمزيد من الأغراض.

بالنسبة للنقطه الثانية فيه ناس يحتاجون يجيبون كل صغيره وكبيره في عزبهم فأضرب لك مثلاُ تقطيع البصل والطماط واللحم فيه ناس يجيبون قطاعه يقطعون عليها وفيه ناس يجيبون انواع كثيره من السكاكين وقيس عليها بباقي الأمور وبالمقابل فيه ناس يكتفون بقدر كاتم وسكين يقطع على طول بالقدر ... الخ , هذا مثال وهالنقطه ممكن تجمع أغراض الطبخ والشاهي والقهوه بعزبه وحده .

بالنسبة للنقطة الثالثة هذي نقطة مهمه ويفترض عليك انك توفّر جميع الأغراض اللازمه فبالتالي طبيعي تحتاج عزبتين .

من ناحيتي انا معي ونيت وعندي عزبتين شي خاص للطبخ وشي خاص للشاهي والقهوه.

أتمنى اني افدتك

[ابوعبدالرحمنW]

حياالله اخواني
انا عندي عزبه وحدة شامله بريق ودله وملقمه ومعاميل الشاي والقهوه وضافه معها بعد سكاكين وقطاعه وملاعق وطاحونة فرنسيه صغيره وبهارات وحافظة زيت حقت السنيدي
اما القدور فالكاتم خارجي بجرابه مسقط في و سط قدر المنيوم على اساس المساحه والصحون والصاجه الستيل بجراب والامور طيبه

[خوي_الذيب]

عزبتين كبيرة شاملة الطبخ والقهوة

+

عزبة صغيرة

تكون في السيارة بشكل دائم
للقهوة فقط


والتفاصيل

في تقرير مستقل إذا حصلنا وقت إن شاء الله

[الوافي.]

افصل بينها احسن
لانك تحتاج عزبة الكيف اكثر من عزبة الطبخ

[Riyad ali]

أعتقد لكل شخص طريقه وأسلوب في العزبه
لإختلاف الأكلات البريه وإعدادها

[مكشاتي1122]

انا مع اخوي عاشق دياري

نفس الحالة بالظبط

افصل العزبة افضل

=-=-=-

[راعي الهاوي]

أفضل يكون للقهوة والشاهي عزبة وللطبخ عزبة
لأن كثير من الطلعات ماتحتاج أغراض الطبخ

[راعي الهاوي]

أﻓﻀﻞ ﻳﻜﻮن ﻟﻠﻘﻬﻮة واﻟﺸﺎﻫﻲ ﻋﺰﺑﺔ وﻟﻠﻄﺒﺦ ﻋﺰﺑﺔ ﻌﺎت ﻣﺎﺗﺤﺘﺎج أﻏﺮاض اﻟﻄﺒﺦ

[بن فهرة]

طبعن افضل فصل العزبة لعدت اسباب منها عدت الطبخ لها ريحة تخلط مع عزبة القهوا والشاي

[أبووو سعد]

ارى ان فصلها افضل وعمليه اكثر في استخدامها وان شاء الله ارفق صور لعزبتي في القريب العاجل

[اي-مكشات]

انا مخليهم عزبة وحده
- عزبة ا لقهوه والشاي والبهارات والملاعق والسكاكين كل شئ في جراب خاص فيه
-الصحون في المخابئ الخارجيه للعزبه
-قدر الضغط وداخله قدر اخر في جراب خارجي
- القز له جراب خارجي وكذلك اسطوانة الغاز
- العزبه تكفي 7 أشخاص وقابله للزياده وترتيبها سهل وسريع وتشيلها بيد واحده

[الذئب الاليف]

وعليكم السلام ورحمة الله وبركاته

موضوع هادف جدا ويستفاد منه

اما عن نفسي انا فاصل العزبتين عن بعض وضروري فصلهما عزبة الطبخ مثل ماتفضلو الشباب فيها بهارات والشاهي حساس جداً علما ان سيارة البر خاصة
قاضين من قولة نسينا الملاس نسينا بلف الكاتم اطلع واجي ما احمل شي ولا انزل شي كلش موجود ولله الحمد فقط مر محل الدواجن المخصصة للمكاشيت او محل الخضار وخذ حاجتك من لحم او حمام او او او حتى اهل البيت ارتاحو من نزلو العزبة نضفوها حملوها
تقبلوا اطالتي

[mhs35]

الاحتراف موبكبر العزبة او صغرها
الاحتراف انك تقدر تطبخ وتنفخ باقل الادوات
لو قدر وصحن ومعاميل القهوة وملحقات الطبخ
مع المحترف كافية جدا

[ابو خالد 14]

وعليكم السلام ورحمة الله

انا جربت الجمع بينها وللاسف طعمت اغراض الطبخ والبهارات في الدله والبراد

ورجعت بعزبتين منفصله ولكن صغرت حجمها الشي ماتحتاجه برا

كثر القراشيع ماتصلح