المساعد الشخصي الرقمي

مشاهدة النسخة كاملة : استفسار عن افضل محلات تجهيزات الرحلات


ريحانة شمر
28/09/2013, 05:06 PM
السلام عليكم ورحمة الله وبركاته
مساكم الله بالخير ..
احيانا اشتري اغراض من محل اكتشف انه غالي وبضاعته
ماهيب اكاالزود!
وطبعا بما اني مبتدئه بهالمجال ابي توجيهات اهل الخبره
بافضل محل تجهيز رحلات
في بريده
من ناحية جودة البضاعه والسعر المناسب.
شاكره لكم مقدما.
جذآآآب
28/09/2013, 07:43 PM
والله يفيدونك اهل بريده
وفيه محلات السنيدي والمرباع وكثير والله
محمد ابن عيد
28/09/2013, 07:59 PM
..

لو انك ب الرياض ابشر بسعدك
لكن عندك
[ برق الحيا ، السنيدي ، العليان ، الرميح ، آلرمايه ]
لكن لاتشتري كل شي مره وحده
خلك ع شوي لين تيسر الامر
وشوي شوي تلقى عزبتك كامله
و الله يوفقك ي بعدي
ريحانة شمر
29/09/2013, 03:54 PM
والله يفيدونك اهل بريده
وفيه محلات السنيدي والمرباع وكثير والله

يعطيك العافيه ع الرد..
شكل مابه احد من اهل بريده بهاذا!!




..

لو انك ب الرياض ابشر بسعدك
لكن عندك
[ برق الحيا ، السنيدي ، العليان ، الرميح ، آلرمايه ]
لكن لاتشتري كل شي مره وحده
خلك ع شوي لين تيسر الامر
وشوي شوي تلقى عزبتك كامله
و الله يوفقك ي بعدي



الله يبشرك بمايسرك
ممتاز انك احصيت لي اسماء المحلات
لكن الامتز :)
لو اني عرفت الافضل بالبضاعه والاسعار
كمقارنه..
اضف الى انه ف بريده ساكو
ويوجد عنده بعض تجهيزات الرحلات
بس تعرف مبتدئه
وبحاجة شور اهل الخبره
بالاتجاه لمحلات معينه فيها جودة البضاعه ومناسبة السعر.
asd6244
29/09/2013, 08:34 PM
المحلات ببريدة كثيرة
منها السنيدي ، عروق الشمال ، مكشاتي ، الحماد ، الرماية ، المحيميد بشارع الصناعة و شارع المياه ، محل المبارك ، محل الغنام ، محل فهد ، بالإضافة إلى ساكو
ريحانة شمر
30/09/2013, 02:26 PM
asd6244
غفر الله لك ولوالديك وللمؤمنين والمؤمنات الاحياء منهم والاموات..
وجزاك الله خيرا..
مازال سؤالي لم يجد اجابه شافيه


السلام عليكم ورحمة الله وبركاته
مساكم الله بالخير ..
احيانا اشتري اغراض من محل اكتشف انه غالي وبضاعته
ماهيب اكاالزود!
وطبعا بما اني مبتدئه بهالمجال ابي توجيهات اهل الخبره
بافضل محل تجهيز رحلات
في بريده
من ناحية جودة البضاعه والسعر المناسب.
شاكره لكم مقدما.

حددو لي مكان معين انصاه لاهنتو ماعندي القدره على الفرفره بكل محل
شاكره ومقدره.
شربوش
30/09/2013, 08:23 PM
المحيميد ش المياه
رخيص وكويس وكل شيء عنده
راعي عدوان
30/09/2013, 08:33 PM
فيه الصانع والدخيل ببسوق الحريم بالقرب من جامع خادم الحرمين
المنطلدز
30/09/2013, 10:43 PM
المرباع بعنيزة اشوف اسعاره ممتازه وفيه بيت الرحلات بعنيزة
ريحانة شمر
30/09/2013, 11:55 PM
شربوش
راعي عدوان
المنطلدز
شكرا جزيلا لكم
بيض الله وجيهكم ماقصرتو.
ابورايف
01/10/2013, 08:23 AM
موضوع رائع

أخي العزيز

كلامك صحيح قد توجد في بعض المحلات تنافس ومن باب أصح كسب الزبون العميل

والبعض الأخر لا يهتم بذلك بالنسبة لي أنسب محل في الريااض وسعرة مناسب جداً محلات الكشاته

ثم البرية .... وسلامتك
مطر وسم
01/10/2013, 01:40 PM
المرباع وعروق الشمال افضل شي من ناحية الاسعار

السنيدي افضل من ناحية التجهيزات لاكنه اكتسب شهره كبيره ورفع اسعاره


تحياتي للجميع
الوافي.
01/10/2013, 02:10 PM
سبق وان قرأت نصيحة لعمدة الرحلات بانه يشوف اللي ما يحتاجونه في بيتهم وياخذه ويكمل الباقي من المحلات لذلك انتي شوفي اللي ما تحتاجينه في البيت واشتري الباقي فلا راح يكون فرق كبير
عموما انتي لابد ان توضحين وش تبين
وان كنت اشوف كما قال بعض الاعضاء عروق الشمال والمرباع هما الافضل
ريحانة شمر
01/10/2013, 02:39 PM
ابورايف
الرياض كلش به زين
بس عساي اوصل بريده ويني ووين الرياض..
وعلى قولتك المحلات لاعرفت ان العميل واعي
صارو يضربون له الف حساب..
لذلك اخذت رايكم
اشكرك على الرد.
ريحانة شمر
01/10/2013, 02:42 PM
عاشق ام سيلان
بعض المحلات اخذت سمعه مع ان غيره افضل...
وبما اننا مبتدئين فبحاجة شور الخبراء..
اشكرك.
ريحانة شمر
01/10/2013, 02:45 PM
الوافي.
الله يسعدك
مشكلتي ماهيب المعاميل
مشكلتي شنطة العده والمنقل والشوايه
والكراسي واشياء زي كذا
ماعرف الافضل او الخامات الجيده
خاصه انه اشياء بتعمر معك وقت..
فلازم تختاره صح.
شكرا لك.
alyahya2
01/10/2013, 02:46 PM
يياجماعة الخير السنيدي بضاعته رديه واسعاره مرتفعه خلونا نقاطعه لين يجيب بضاعة زينه حنا المستهلكين لو نتحد كان يرضخون التجار
مبارك الشمري
01/10/2013, 08:25 PM
حسب ماقريت بالردود انك تدورين أشياء تخص الشوي والعدد الي تتبع له من وجهه نظري ساكو يفي بالغرض وعنده كل ما تحتاجين بهذا الخصوص
بالنسبه للأسعار تعتبر معقوله نوعا ما


موفقه يابنت العم
ريحانة شمر
02/10/2013, 01:55 PM
alyahya2
المجتمع عندنا يتبع قاعدة وش كاري
مادام ماتضررت غيري بقريح!
يمكن الله سلط علينا هالتجار بسبة هالمبدأ
الله يوفقك.
مبارك الشمري
الله يوفقك
خابرتن ساكو وايكيا وهالطقه كلهم عندهم بعض
اغراض الرحلات واحيانا بجوده عاليه.
اشكركم جميعا.
حلم البحر
02/10/2013, 11:12 PM
السلام عليكم ورحمة الله
لوذكرتي المطلوب بالتحديد
1
2
3
بنفيدك ان شاءالله بالشي الطيب
المحلات كثيرة لكن حددي المطلوب
والاخوان ماراح يقصرون