المساعد الشخصي الرقمي

مشاهدة النسخة كاملة : سرعة القارب استفسار؟؟؟


BO Abdullatif
28/09/2013, 07:05 PM
السلام عليكم ورحمة الله وبركاته


يالغالين عندي أستفسار عن سرعة القارب، طرادي درازي 27 عليه مكينتين ياماها 115 جدد ولله الحمد الطراد عندي تانكيين بنزين حوالي 400 لتر وماء 100 لتر، على العموم الطراد إذا عطيته الفل سبيد حدها يعطيني 50-54 كم في الساعة على حسب الجي بي إس طبعا في وقتها الأر بي يكون حوالي 5300-5400.
حبيت أسأل هل هذا الممشى طبيعي أو أقل من الممشى المفروض يمشيه.
طبعا حبيت أتأكد أن الممشى طبيعي فقط.
جزاكم الله خير.
wafi6556
29/09/2013, 08:34 AM
عليك السلام والرحمه
افضل ميزيتين في الدرازي هي العرض والخفه... وخفته تعطيه ممشى رائع فالبحر ووقت الموج خاصه وبدون تحميل عالمكاين
وتوقعك في محله...ممشى قاربك اقل من الطبيعي اذا كان بحمولة القارب الأساسيه...يعني بدون غواصين واغراضهم مثلاً
لكني بسألك
متى آخر مره نقعت القارب؟
المكاين شفت طويل او قصير ؟
BO Abdullatif
29/09/2013, 12:25 PM
حبيبنا الوافي بيض الله وجهك على الرد
لكن للمعلومية الطراد جديد (نيو):) يعني النقعة أوكي والطراد على التيلر أنزله و أرفعة.....لكن الله يسلمك المكاين شفت قصير وبالنسبة للمقاس على الرقعة أنا قصيتها لأنها ما كانت تلائم الساق حق المكاين.

الآن نجي لعملية القص.....أنا والميكانيكي راجعنا الكتاب وشفنا كم ممكن نقص الرقعة على أساسه تكون المكاين ماخذه راحتها فشفنا أن الكتاب يقول 20.3 لكن الميكانيكي جاني وقالي عادي نقصها لك على مقاس 20.6 وإذا تبي أسرع نرفعها شوي، طبعا قصيناها على مقاس20.6.
فما أدري ممكن فيه خلل في عملية التركيب والموازنة؟؟؟
wafi6556
30/09/2013, 12:58 AM
ووجهك ياطويل العمر...وماسويت شي الحبر وعلى حساب مكشات
ومقاساتكم مضبوطه
لكن ياطويل العمر اذا ماكنت غلطان قالب الدرازي يجي قدحه قصير اصلاً
فكيف قصيتوه وطلع معاكم هذا المقاس ؟
ولا انت طالبه من المصنع طويل وبعدين قصيته ؟
انا خايف تكون طريقة اخذ المقاس خطأ...والطريقه الصحيحه للقياس اكيد تعرفها وهي من اسفل نقطه في القدح (السنتر) الى اعلى القدح...لأن البعض يأخذ المقاس من مكان تركيب المواطير يمين ويسار السنتر وهذا خطأ طبعاً
لكن اقطع الشك...بما ان القارب على العربيه نزل المكاين بالهيدرولك الى آخر حد هنا المفترض تكون الريشه اللي فوق الرفاس مع مستوى القارب من الأسفل...اذا هي بنفس المستوى شغلك ميه الميه
ولي عوده ان شاء الله
BO Abdullatif
30/09/2013, 09:54 AM
هلا بحبينا الي اسمه على مسماه كلامك مضبوط بالنسبة للقدح حق الدرازي الستاندر إنه قصيرـ لكن الحبيب الي هو أنا ال........طووووط
طلبته يكون حق الساق الطويل لأني كنت باخذ مكاين مستعمله وكان ساقها طويل لكن بعد الأستخارة ومشورة رجال خبرة وطيبين شرواك نصحوني آخذ مكاين جديدة وفعلا أقدمت على الجدد ولله الحمد. بالنسبة لوضيعة المكاين زي ما تفضلت الريش وضعها مضبوط ولله الحمد.
وبالنسبة للبروانة (الرفاس، المروحة) ستاينليس ستيل مقاس k16.

ننتظر ردودكم وجزاكم الله خير
م/عبدالله
30/09/2013, 10:04 AM
وعليكم السلام ورحمة الله وبركاته

اخوي عندك ثلاث مشاكل ..... لذلك انت ماتستفيد من طاقة المحرك

1- خزان 400 لتر وخزان ماء 100 لتر وزن زائد على مقاس القارب
2- مقاس الرفاس ... لايتناسب مع الوزن الذي وضعته لحجم الخزانات مع الركاب
3- وزنية المحرك فيها مشكله واعتقد انها تحتاج رفع بسيط مع تغيير الرفاس مقاس 19k

من اجل يعطيك تحميل والرفعه تعطيك سرعه

او تقوم بانزال المحرك على القدح وتصوره ... يكون افضل نشوف الوزنية
ونشوف المسافه بين المحركين .

واتمنى اعرف منك ... وضع الخابور في اي مستوى انت حاطه ..؟
wafi6556
30/09/2013, 12:15 PM
اذا الريشه اللي فوق الرفاس وضعها تمام الحمدلله
ومقاس الرفاس 16 هذا مقاس ولادي:D تحتاج تكبره لـ19 ويعطيك ار بي ام في حدود 4800 الى 4900 ولا تقلقل وبالعكس هي افضل من 5400...وكلها في المعدل الطبيعي
اقترح هذا اول شي تسويه قبل اي شغل

وللعلم قاربي بنفس مواصفات قاربك وينقص عنه 80 لتر بنزين لكن فيه مظله كبيره وممشاه تقريباً نفس ممشى بوتك والمكاين 85
ان شاء الله تزين امورك وتدمع عيونك من السرعه والأبتسامه شبر:D
وابو محمد وصل ويواصل معك الرحموني الله يسامحه حطه اساسي وانا احتياط مع اني احلى من ابو محمد بكثير كمان
ادري زانت علومي
نهاركم مبارك
BO Abdullatif
02/10/2013, 01:20 AM
الوافي و بومحمد رحم الله والديكم على الردود آسف على التأخير انشاءالله راح أدرج الصور لكن هاليومين شوي مشغول...ما لنا بد من مشوراتكم

الله يعطيكم العافية
الواهج
04/10/2013, 01:33 AM
غير المراوح فقط

وماقصروا الاخوة
BO Abdullatif
04/10/2013, 08:33 AM
السلام عليكم يالربع كيف أدرج الصور
BO Abdullatif
04/10/2013, 08:37 AM
وعليكم السلام ورحمة الله وبركاته


واتمنى اعرف منك ... وضع الخابور في اي مستوى انت حاطه ..؟

معليش يالغالي بس وش قصدك بالخابور ؟
محبوب جده
05/10/2013, 11:48 AM
خابور: حديدة تجي اسفل المكينه تركب في الاكتاف المثبته على القارب تتحكم من خلالها بزاوية ميل المكينه تحت وفوق
BO Abdullatif
23/10/2013, 03:02 PM
السلام عليكم ورحمة الله وبركاته

الحمدلله تم تغيير المراوح إلى مقاس 19 والآن البوت بفضل الله يعطيني بالفل سبيد 63-66 والضغط تقريبا 5300 وخشم الطراد مضبوط ما هو مرتفع

جزاكم الله خير جميعا