لأول مره في السعودية : السماح لشركات الأسلحة

[sehe]

تحت رعاية كريمة من صاحب السمو الملكي الأمير خالد بن بندر بن عبدالعزيز آل سعود - أمير منطقة الرياض - يقام المعرض السعودي للفروسية والصيد في دورته الثانية خلال الفترة 17 - 20 ذي الحجة 1434هـ الموافق 22 - 25 أكتوبر 2013 وذلك بمركز الرياض الدولي للمؤتمرات والمعارض بطريق الملك عبدالله ولمدة أربعة أيام .

ويحظى المعرض بدعم من وزارة الزراعة ووزارة الداخلية والهيئة السعودية للحياة الفطرية والهيئة العامة للسياحة والآثار والإتحاد السعودي للفروسية وبشراكة أستراتيجية من صندوق الفروسية السعودي .

ولأول مره على مستوى المعارض السعودية ، صدرت موافقة صاحب السمو الملكي الأمير محمد بن نايف بن عبدالعزيز - وزير الداخلية - على إدراج الأسلحة ضمن أنشطة المعرض ، والسماح لشركات الأسلحة من داخل وخارج المملكة بالمشاركة ، ويضم جناح الأسلحة معروضات أشهر بنادق الصيد النارية والهوائية والذخيرة مثل ( Browning - Beretta - Benelli - Remington ) والعديد من الشركات العالمية ، كما تساهم المؤسسة العامة للصناعات العسكرية برعايتها الإستراتيجية لجناح الأسلحة .

ويشمل المعرض السعودي للفروسية والصيد المجالات التالية :
- الفروسية
- الصقور والصيد
- الأسلحة وبنادق الصيد
- مستلزمات الرحلات البرية
- أجهزة الإتصالات اللاسلكية والتتبع
- المحنطات والفنون التشكيلية
- جميع مايتعلق بالفروسية والصيد والرحلات

--------------------------------------

وصف موقع الفعالية :
http://www.ricec.com.sa

[علي101]

يعني يشترون الناس ؟
شرط ما تلقى الشركة شيء تعرضه لليوم الثاني

[( شميريخ )]

ايه هين اتكل على هالعلم :D

[الديزلاوي]

وش الفايده من العرض ما دام أنك ما تقدر تشتري .
وإذا كان مسموح الشراء وش الفايده تشتري ويأخذونها منك بأقرب نقطة تفتيش .

[ذيب السلمية]

وش الفايده من العرض ما دام أنك ما تقدر تشتري .
وإذا كان مسموح الشراء وش الفايده تشتري ويأخذونها منك بأقرب نقطة تفتيش .




الفايده تاخذها برخص التراب بدون الاسعار الخياليه

<<< مأملين فيه بيع

[القميري قلبي]

الله يبشرك
بالخير
يا غالي

[ابو خالد 1400]

والله خبر طيب وانا اذكر معرضهم العام سألت صاحب المعرض ليش ماعرضتوا الأسلحه قال بإذن الله المعرض الجاي بيعرضون اسلحه
والخبر هذا يأكد كلام راعي المعرض لي
وبالنسبه للي يقولونه وش فايدة العرض إذا مافيه شرا أقل شي نتعرف على السلاح وميزاته بدل هالسوق السودا الي البياع يبيعك السلاح ويوصله السما ولويخرب مايدلك على الي يصلحه حتى ب

[خليل909]

هو فيه بيع ولاعرض فقط تفرج وتمشي اذا فيه بيع خبرونا متى يفتح المعرض علشان نروح

[حطاب الشمال]

يمكن يجي فيه اسلحه واذا جابوها

(((( حدك نظر))))
وروح لاهلك

[PATROL]

مبروك قريبا افتتاح محلات اسلحة الصيد:good2:
http://www.ricec.com.sa/

[شغب007]

على الاقل بدايه مبشره وعقبال المحلات ماتبيعها
ذبحتنا السوق السودا وماتشري سلاح الا بقرض
وراح يكون تركيز الشعب على الاسلحه اما البقيه اتوقع ضيف شرف
الف شكر على الخبريه

[ovls]

الله يبارك بك
من عام 2005 ونسمع هذا الموال

[فهد الويباري]

ياويطي اذا مافيه بيع وشراء ماني رايح

[صخب]

فيه بعض الاخوان ضد فتح المحلات وذريعته ان كل من هب ودب يصير قناص

انا اتوقع والعلم عند الله ان التأثير راح يكون عكسي..تماشيا مع المثل القايل كل ممنوع مرغوب لان البعض من صغار السن هداهم الله ما اخذها مهايط انا معي سلاح وغيري لا؟؟!!حتى لو تلاحظ مقانيصهم ساعتين ثلاث ويعود ادراجه لارضاء شي بداخله فقط وليس هوايه او حب للصيد.
ولكن لو علم ان السلاح متوفر للجميع والجميع قادر انه يمتلك السلاح يطلع ويقنص
صدقني بيهجدون ويبقى فقط اصحاب الهوايه.

غير ذلك ان امتلاك السلاح رح يكون فيه تنظيم بحيث ان اللي عليه سوابق مايقدر يشتري سلاح كما هو معمول به في دول الجوار كذلك تحديد السن.

يعني اعداد السلنتح بيخف لان اغلبهم اصحاب سوابق و بالنظاما لايستطيع امتلاك السلاح والسوق السودا وقتها بتكون مسكرة!!فمعلوم ان السوق هذي يقودها رووس كبار واكيد انهم رح يكونون هم اهل المحلات النظاميين بعد السماح.

[ابو سلطانه]

ياكم وكم سمعنا ولااصل لما سمعنا

[جول قميري]

انا اشوف انه من سابع المستحيلات ان هذا يصير..

وشلون تبون محلات صيد و التفتيش لو حصل معك سلاح مرخص ياخذه منك؟!؟!؟

[بجاد السحيمي]

يجيب الله مطر شكرا على الموضوع

[4fun]

ما حصلت شئ بالرابط

[موزر]

الله يسمع منكم

الصياد وسلاحه صار مثل......المتسلل؟؟......مطارد من قبل القانون

[موزر]

الله يبارك بك
من عام 2005 ونسمع هذا الموال

:D

قلت يومها باشتري خرازه ؟جديده امريكي واجلت واليوم شف الاسعار؟

والظاهر ان نديمك قديمك ؟؟؟فاهميني:f:good2:

احسن بندق في العالم

[الساطع]

مستحيل تشاهد معرض لبيع الأسلحه الناريه أم ستمه وفيها حبة خشم تشتريها اليوم ويسلمها لك الرميح بعد شهر يقول التصريح يتأخر هذي وهي ام ستمه يعني الناريه أحلام وأماني فقط

[ع الرويثي]

خبر ممتاااز جداااااااا وان شاءالله بدايه

للسماح للشركات والمؤسسات بفتح

محلااات بيع اسلحة الصيد ,,,

وهذا سيظرب السوق السوداااء بالصميم ,,,

[محمد ابن عيد]

..

ان كانت تصاريح الهوائيه
دبلت تسبد !! و تصادر
اجل كيف الاسلحه الناريه
ربك يعين

[تميم2222]

:D. ذكرتني. قبل ٦ سنوات كنت متحمس لمثل هالخبر وتنظيم الهمجيه في بيع الاسلحه عندنا >>>>> لكن للاسف. فقدنا الثقه. منهم. بسبب عدم المصداقيه في القرارات. >>>>. ردد ياليل مطولك.

[سعودأبوفهد]

زود على كذا بندقك مصرحه وياخذونهاا !! هذا اكبر تناقض تروح تصرح ويشوفون سلاحك همن ياخذونه

[أبوصالح9]

الله يوسع صدرك ياشيخ من زمان ما ضحكت

شكرا

[المتسلق]

نتمني ذلك حتي نتخلص من الاسعار الغاليه

[تميم2222]

نتمنئ ذالك :type::type:

[الشرطه]

اعتقد ستشهد السوق السودا ارتفاع جنوني

في حال لم يسمحوا ويسهلوا الحصول على ترخيص للشراء ،،