موس الطير اذا عاده خضر

[الادعم1]

ودنا اناقش موضوع هام واهم كل صقار ليش في بعض الطيور مايستهد الا اذا يبس موسه وفي بعض الطيور ماعليها يبس ولا عاده خضر اتهد وصيد ليش هذا الاختلاف مع انهم اقولون اذا موس الطير خضر اعوره ولا يقدر اداوس الصيده وحاسب عشان ماينفضخ ارجو المشاركه

[الادعم1]

ولا حظ ان اكثر الطيور الي ماتستهد وامواسها خضره هي الطيور الملونه

[أبو فيصل]

صحيح الريش الأخضر كله دم متواصل مع المشه و أي حركه توجعه لأنه مثل الجرح ما بعد نشف

يهد الطير الصامل اللي لا شاف الحبارى رمح المنقلة وغيب عن نفسة بعضها يدبس و ياطيبة و بعضها يقوم يضربها حتى لو ما هو من طبعة الضرب بالمخلب بس علشان ما يحتك معها في معركة أرضية توجع ريشه الأخضر

ولا يهد اللي في قلبة ذرة من الخوف و يحب السلامة لكان ما يتعشى

ذكرني سؤالك بطير ملون أحمر صافي راسه تقول زبيديه أو مثل ما قال الشاعر الميموني "زبدة صميل" حدني على مشتراه أبن عم لي صقار مميز و يعرف الطير اللي بيعجبه الله يذكره بالخير. شريته يوم 7 أكتوبر 1992 من المربط فيه الثالثة معدية النصف و الطويلة مقبلة على النصف و الموس توّه مفتق وذنيباه نصفها أخضر. دعيناه ثاني يوم وثالث يوم ريحناه يوم رابع مشغولين و يوم خامس صادها في القاع و ألحقها بالأخرى يوم سادس.

الطيور مثل الرجال ماهي سوى. فيه رجال لا زهمته قام يتصدد و في اللي لا زهمته جاك يتعكرز و في الغالب تعتمد على الموكر

[هدد جير]

^
^
^

كلام سديد

[mr-uae]

^
^
^

افادنا ابو فيصل