استفسار حول ورشه توضيب قير 700 تماتيك

[عاشق المزون]

السلام عليكم ورحمه الله
اخوني انا في الرياض وعندي بليزر موديل91 عليه مكينه ls1 وابي اوضب القير نوعه تماتيك 4l60 الي هو 700 تماتيك دفع رباعي طبعا قطع التوضيب موجوده معي طالبها من بره وهي قطع رياضيه بس ابي ورشه الله لا يهينكم توضيب في الرياض مع الضمان
غير الورش التاليه :
ترايستار : السبب مريتهم ما يستقبلون قطع من بره بس قطعها التجاريه.
وشالنجر : مايستقبلون قطع من بره
والمركز السعودي: مايستقبلون قطع من بره
ومشعل العتيبي : مسافر الفني الى عنده
الدبيان مايوضب تماتيك
مشعل الى في مخرج 9 ما يوضب رحت لهم.

الرجاء من اخواني المساعده ودي اخلص كل من رحت قال تماتيك ما اقدر الى بدون ضمان

فيه ورشه رحت لهم اسمها مركز جومانا جنب ملاهي الروضه بس سالت مسؤال الفنين ماش ماجازلي رده يقول اتصل بالمدير واتصلت بالمدير السعودي ويقول نوضب بسعر 3500 مع الضمان طيب الفنين الى عندك مايعرفون فا حسيت بالتردد في هالورشه

ايضا اتصلت على سوري اسمه ابوعلي مايعطي ضمان

ارجو المساعده منكم يا اخوان

Sent from my C6503 using Tapatalk 2

[راعي الرود]

وعليكم السلام


اسمع عن واحد مشهور بالشرقيه في ترميم الجموس والشفرات القديمه و توضيبها

اسمه ايمن مقداد لو تسأل عنه و تدبر رقمه تراه رجال خدوم و نصوح مرمم عنده واحد من الشباب موتره ترميم بدي و توضيب مكينه وقير له سنتين ماشاء الله ماشكى من شيء لكن ما اعلم عن موضوعك هل بيسنعك فيه او لا

لو تبحث في قوقل عنه بتحصل له مواضيع و يمكن تحصل رقمه

[عاشق المزون]

هلا اخوي انا مجدد موتري البدي عنده في الدمام بس ابي احد في الرياض الله يسلمك من كل شر واسمه امين مقداد ورشه المعيوف

Sent from my C6503 using Tapatalk 2

[راعي الرود]

هلا اخوي انا مجدد موتري البدي عنده في الدمام بس ابي احد في الرياض الله يسلمك من كل شر واسمه امين مقداد ورشه المعيوف

Sent from my C6503 using Tapatalk 2


شف لك من ورش الكباتن المشهورين بالتعديل ,, انت طالب من برا ترانزقو كت ؟ او طقم توضيب كامل ؟

عندك كراج الحرابي حق الكابتن ناصر الحرابي اخبره مايوضب قيور لكن لو تبي رقمه تاخذ العلم من راسه يمكن يفيدك او يدلك على مكان

[عاشق المزون]

هلا اخوي ايه نعم معي طقم توضيب كامل مع ترقيه للقير واذا الحربي في الرياض ياليت رقمه.
بس الكباتن عندنا في الرياض حدهم تسقيط مكينه اما القيور مايعرفون لها للاسف مع انها اهم من المكينه

Sent from my C6503 using Tapatalk 2

[راعي المجهم]

واحد من الشباب موضب قير جمس تاهو دبل

في جدة عند فلبيني دكتور قيرات ومن زود الثقة يعطيك

ضمان سنة والورش الثانية 6 اشهر فقط

وله الان اكثر من 3 سنوات يقول ماكني موضب ابد كنها وكالة

[عاشق المزون]

مشكور اخوي على الرد
في جده والدمام تحصل كذا واحد بس الرياض حتى الان ماحصلت وبسبب ارتباطي بالعمل افضل الرياض الله يسلمك

Sent from my C6503 using Tapatalk 2

[عاشق المزون]

هلا اخوي نعم نعم موجود معي مبرد شرائح من شركه امريكيه اعتقد اسمها هايدن. هذا رابط الرديتر :
http://www.amazon.com/gp/product/B000C3BARC/ref=oh_details_o00_s03_i00?ie=UTF8&psc=1

كل شي جاهز بس ناقص هالورشه الى تضبط الشغل

Sent from my C6503 using Tapatalk 2

[aboabdullah96]

هلا اخوي نعم نعم موجود معي مبرد شرائح من شركه امريكيه اعتقد اسمها هايدن. هذا رابط الرديتر :
http://www.amazon.com/gp/product/B000C3BARC/ref=oh_details_o00_s03_i00?ie=UTF8&psc=1

كل شي جاهز بس ناقص هالورشه الى تضبط الشغل

Sent from my C6503 using Tapatalk 2




هذا مبرد ما صوره


لموترك انصحك بمبرد اسمه كول ترو اعتقد ويجي 40000 وحده شرائح وهذا افضل مبرد بدون منازع يعيبه حجمه كبير لكن اتوقع يركب عندك
اهم شي تعرف المقاسات


المبرد اللي في الرابط نصيحه لوجه الله لا تعتمد عليه ابد



بخصوص الورشه في تايلندي في صناعيه السلي ممتاز له حدود 25 شغال في السعوديه
بس ما ادري يوضب ويركب قطع تعديل او لا

اذا تبي الوصف والرقم ابشر

[عاشق المزون]

ياليت اخوي رقم ووصف الورشه وانا مستعجل جدا في الموضوع. بالنسبه للمبرد الي قلته وين احصله وبكم السعر ومشكور

Sent from my C6503 using Tapatalk 2

[عاشق المزون]

تم التواصل مع الحربي للاسف لايوجد لديه توضيب قيور .

Sent from my C6503 using Tapatalk 2

[عاشق المزون]

هلا اخوي عبدالله مشكور والله يجزاك خير بس هل هو في الرياض صناعية مخرج 17 ؟ وطريق المية هل هو شارع الجمعية تقصد ؟

[aboabdullah96]

طريق المئة اللي هو مخرج 15 شرق
الصناعيه تجيك بعد ما تعدي مقبره النسيم وانت متجه شرق قريب من خشم العان

[طلال ينبع]

ارسلت لك رقم واحد تركي
اسمعه ابو احمد
له فوق 20 سنه وذي شغلته
قوله من طرف طلال راعي اللنكون الحوض:D

[عاشق المزون]

ارسلت لك رقم واحد تركي
اسمعه ابو احمد
له فوق 20 سنه وذي شغلته
قوله من طرف طلال راعي اللنكون الحوض:D

مشكور اخوي طلال وجاري التواصل معه جزاك الله خير

Sent from my C6503 using Tapatalk 2

[عاشق المزون]

تكملة للموضوع ابشركم تم توضيب القير في ورشة الجنادرية بالرياض الصناعية القديمة وكلف 2000 ريال شغل يد , وابشركم ما كمل شهر وجاوب القير ههههه .

تكلفة التوضيب والقطع من امريكا حتى الان 8300 ريال ومافية فايدة . مليت من التماتيك بغيت احولة الى قير عادي وحتى الان ماحصلت ورشة , هذي المشكلة ابي احد فاهم في القيور والتعديلات الرياضية

الرجاء المساعدة شباب

[جي يونت]

بريدك الخاص لايعمل ارجوا تتأكد من عمل بريدك

[عاشق المزون]

كان البريد مليان رسائل خذفتها الآن

Sent from my C6503 using Tapatalk

[عاشق الموج]

السلام عليكم ياليت تذكر لنا وش صار معك بعد تخبيط القير
هل رهمة له قير عادي وضبط معك؟

[مسير عليكم]

تكملة للموضوع ابشركم تم توضيب القير في ورشة الجنادرية بالرياض الصناعية القديمة وكلف 2000 ريال شغل يد , وابشركم ما كمل شهر وجاوب القير ههههه .

تكلفة التوضيب والقطع من امريكا حتى الان 8300 ريال ومافية فايدة . مليت من التماتيك بغيت احولة الى قير عادي وحتى الان ماحصلت ورشة , هذي المشكلة ابي احد فاهم في القيور والتعديلات الرياضية

الرجاء المساعدة شباب

نصيحتي لك دامك خسرت وتعبت شف اهل الشرقيه بالقيور مبدعين انت خسران خسران اخسر في واحد صاحي

[الوسم]

أعوذ بالله والله لا يخسر علينا ولا عليكم

[عاشق المزون]

حتى الآن السياره موقفه للاسف مافيه احد فاهم في القيور