رمي البيكال طيار و واقع مهم جداً رحم الله من شارك والمسلمين

[ابوسرى]

بسم الله الرحمن الرحيم

يا إخوان لدي بيكال وشريت تشوك 690 ليكون حراره وسوق وفرش
وانا اتبعت طريقه الرمي وهو أحط الحبه برجلين الطير عشان تجئ
صح وانا عانيت من هالمسالة والمشكله كذلك الطيار اسبق له واحطه
تحت رجليه لا جاء يمين ليسار او العكس
ياليت من ضبطت معه الدعوة يعلمنا

اسأل الله ان يجعله و والديه بالجنة

[محمد ابن عيد]

-

يفيدونك الاخوان
ل صار الطير موقع ابد حطه صوبه
وابشر به و الشوزن فرش يعني لازم تصيبه
و اذا كانت ع سبيل المثال ! فرري تحت قشعه
3 او اكثر لاتجي قدامهم 100%
خلك مايل عنهم بشوي عشان تضمنهم كلهم

ول الطيار
ابد اذا كان الطير قدامك تصيبه
لكن ل صار الطير جايك من اليمين ل الشمال
خل البندق قدامه ب شوي و ارم و الحلبي لازم تصيبه
لكن مصورتك كم ! لو كانت 28 لطيار صعبه للبعيد
لكن اذا كانت 32 تجيبه ان شاء الله وش نوع فشقك و كم ضغطه !
هذا الي عندي و الاخوان افضل مني وم يقصرون

[المتلولس]

اخوي ليش تحطة برجلين الطير البندق تزم ؟ اذا صارت البندق مافيها زمه حطها بوسط الطير واذا صار بعيد حطها براسة

[aborajwa]

معي نفس الطريقة تشك 680 .. فيها زمه والماصورة 30 .. ما ادري من الاساس والا من التشك لاني ما جربتها بتشكات بلدها . احطها تحت الطير بشوي طبعا حسب القرب والبعد للرمي .

[4fun]

يا اخوان الرمي للطيار المتعارف عليه

انك تحط البندق في منقار الطير سواء رايح يمين او يسار

واذا كان جاي في وجهك تحط البندق فوقه

لكن انت جرب ترمي لك قارورة او اي شي علشان تعرف بندقك تزم او لا

وترا تشك 690 يفرش بزيادة يعني لو ماصورة البندق 28 ما تجيبه الا بصعوبه مثل ما ذكراخوي محمد ابن عيد

الافضل 680 لماصورة 28 انش

لكن في البداية انت جربها على الطير الموقع لانك ما تصيب الطيار الا انت عارف نيشان بندقك صح

واذا البندق تزم حطها مثل ما قلت لك لكن نزل فم البندق شوي انتبه لا تنزل واجد

عاد منتظرين تجربتك وافادتنا

[دمي حبر]

انا معي بيكال وماصورته 28 ومركب تشك 690
شوف يالغالي اول شي الفشق الي تستخدم له دور وضغط الفشق
الشي الثاني زم البارود عادي جدا برجلين الطير واقع
واما طيار غالبا البارود الي تزم تكون مميزة بالطيار

ماعليك سوى اختيار فشق يناسب بارودك وكثر من الرمي وباذن الله
راح تتفوق على كثير من الرمايه

[ابوسرى]

الله يبيض وجيهكم

[ابوعلي العجمي]

انا استخدم المرهم ٦٦٦ ماصورة البندق ٢٨ اذا مديت البندق
على الطير تشوف قطع الريش واذا هو من ٣٠ متر وحوله تقطعه الفشق ٦/٣٦ فكتوري الابيض

[أبوصالح9]

-

يفيدونك الاخوان
ل صار الطير موقع ابد حطه صوبه
وابشر به و الشوزن فرش يعني لازم تصيبه
و اذا كانت ع سبيل المثال ! فرري تحت قشعه
3 او اكثر لاتجي قدامهم 100%
خلك مايل عنهم بشوي عشان تضمنهم كلهم

ول الطيار
ابد اذا كان الطير قدامك تصيبه
لكن ل صار الطير جايك من اليمين ل الشمال
خل البندق قدامه ب شوي و ارم و الحلبي لازم تصيبه
لكن مصورتك كم ! لو كانت 28 لطيار صعبه للبعيد
لكن اذا كانت 32 تجيبه ان شاء الله وش نوع فشقك و كم ضغطه !
هذا الي عندي و الاخوان افضل مني وم يقصرون

البيكال ماتجي الا 28 - 30 انش فقط

[ا ه م /1]

تشك 675 أفضل تشك جربته وناجح على الروسيه

[قاهر البدن]

يابن الحلال انا معاي بيكال وتشوك690 والماصورة28انش

نوع الفشق اولمبي 6 جرام36 اقسم بالله اني اتحدى اي شوزن بالرمي
رميت اجوال بط واجوال اصفاري ورب البيت انها سلاح البيكال وتشوك 690 احسن تشك مر علي ممتاز جداا

[ابوسرى]

طيب ياشباب
فيه احد رميه ماشاء الله مايطوف
يعلمنا وينصحنا ويخبر وين نحط حبة النيشان في الوقع
والطيار

[أبوصالح9]

التطبيق انجح الحلول ومهما تقرا ماراح تنجح لين تطبق - بعطيك حل لتجربة الطيار - اطلع للشعيب ودور لك بيت هدام وخل واحد من ربعك يروح معك وخذ معك قوارير مويه ابو نص ريال ابعد عن البيت الهدام مسافة رميك المعتاد من 30 - 40 متر ولا تزود عن 40 متر - بعدها خل خويك يحتمي بالبيت الهدام يعني ياقف خلف البيت عشان ما يجيه شي من الحلبي وخله يرمي القارورة من اليمين الى اليسار او العكس طبعا الرمي يكون مرتفع شوي وحاول انك تصيب الهدف المتحرك صدقني طلعتين او ثلاث وانت صاير فنان برمي الطيار

بس انتبه لشي واحد نوعية الفشق اللي تبي تستخدمها لاتغيرها ولا بتكون النتايج اقل بعد تغيير نوع الفشق

بعطيك نوعيات انا مجربها لرمي الطيار على الروسية

1- كاكا الازرق 36/6 الاصلي
2- ريمنقتون الاخضر 36/6
3- ارسي الاصفر 32/7.5
4- ارسي الاحمر ابو صفرة فضية 32/7.5
5- اولمبي الاخضر 32/7.5
6- كلاسيك البرتقالي 32/7.5
7- توردو البرتقالي 32/7.5

جميع هذي الانواع متقاربة برمي الطيار من خلال تجربة - موفق خير

لاتنسى تجمع القوارير اللي طاحت

[k.h.a]

السلام عليكم
انا عندي بيكال ٢٨ والتشك ٦٦٠
البندق تزم والهدف الثابت لازم احطها تحته عشان تجي فيه
والطيار ماعرفت له
اخوي اللي يقول البندق اللي تزم تتميز فالطاير
السوال لا عايرت على طير جاي من اليمين احطها قدامه وانزلها شوي
والا احطها قدامه وبس
والسوال الثاني
التشك ٦٦٠ افضل والا ٦٩٠ لرمي الطيار

[بينلي]

رمي الطيار ع حسب المسافه عنك

مثل رايح يسارك تحط التصويب قدامه شبر وع حسب سرعة الطير
وذا رايح يمين شبر قدامه

وذا مقفي فوقه

وذا جاي لك تحته

ولان حط هدف ثابت عرف وقع بندقك ورشها

[k.h.a]

يعطيك العاافيه وماقصرتالهدف ثابت تزن تقريبن شبر
وعرفت لها احطها تحت الهدف بشبراو اقل
لا كن طيار رميت تقريب ١٥ طلقه والاصابع ٣
واضاهر صدفه بعد ههههه
لاكن قلت اختصر الوقت والجهد والذخيره
نسال اهل الخبر
مع الزمه هذي لاطيار اسبق بس والا اسبق وانزل

[k.h.a]

سبحان الله وبحمده سبحان الله العظيم

[بينلي]

يعطيك العاافيه وماقصرتالهدف ثابت تزن تقريبن شبر
وعرفت لها احطها تحت الهدف بشبراو اقل
لا كن طيار رميت تقريب 15 طلقه والاصابع 3
واضاهر صدفه بعد ههههه
لاكن قلت اختصر الوقت والجهد والذخيره
نسال اهل الخبر
مع الزمه هذي لاطيار اسبق بس والا اسبق وانزل

افضل شوزن للطيار البيكال نادر تخطيه الا اذا انت ترمي مسافه بعيده

استخدم تشك 690
وجرب ع هدف ثابت شف رشها وقعها ع الهدف ممكن تزم او تحذف يسار ولا يمين او تهفي دون الهدف بمتار

[k.h.a]

يعطيك العافيه

[عبدالله الربي]

يابو صالح الله لايهينك انت والمتابعين
ابي تشوك مابعده للسوبر بلاك ايقل تو
وش رايك وش افضل ولك جزيل الشكر

[عنزي من نجد]

يابو صالح الله لايهينك انت والمتابعين
ابي تشوك مابعده للسوبر بلاك ايقل تو
وش رايك وش افضل ولك جزيل الشكر

نفس الكلام اللي ببالك ببالي
ونفس المشاعر وانت خابرها

[أبوصالح9]

680 او 675 - 2 انش خارجي - والتجربة خير برهان - البوارديه يختلف رميهم عن بعض - بمعنى يمكن انا اركب تشوك ضيق ولا ارتاح له وانت يجوز لك والعكس صحيح - بالتوفيق

[hadi.9]

680 او 675 - 2 انش خارجي - والتجربة خير برهان - البوارديه يختلف رميهم عن بعض - بمعنى يمكن انا اركب تشوك ضيق ولا ارتاح له وانت يجوز لك والعكس صحيح - بالتوفيق


بيض الله وجهك اذا تدري موقع يبيع 680 اكون ممنون لك

موقع بارلي مافيه مقاسات اخذت modified ضوقه 0.20

رشه كويس بس قريب

وموقع ويلسون شوف المقاسات هنــا (http://www.wilsonprecision.com/chokes.html)

وماقصر الشمروخي بيض الله وجهه ووجهك

وكلكم عينين في راس ومافيكم قصور