المساعد الشخصي الرقمي

مشاهدة النسخة كاملة : محادق بالطراد بين صفوى و الدمام


ana_boss
14/10/2006, 02:49 PM
السلام عليكم
انا ادور محادق بالطراد بين صفوى و ميناء الدمام و حبيت اشارككم بالمحادق اللي اعرفها
1- السفينة الايرانية القديمة اللي جنب الميناء
2-السفينة الايطالية صوفيا جنب الميناء
3- الجزيرة اللي تبع 200 متر شرق السفينة الايطالية
4- منطقة الهير تبعد عن راس تنوره تقريبا 45 دقيقة
5- انابيب ارامكو بين صفوى و العوامية (ممنوعة الا اذا سمح لك خفر السواحل)
6- بين البويات طريق خروج البواخر من الميناء


اتمنى من الجميع المشاركه حتى اتعم الفائدة للجميع
خشكاري
14/10/2006, 04:28 PM
وعليكم السلام ورحمة الله وبركاته . . .

عجبني إسلوبك وطريقتك الجميلة في الإستفسار أخي الكريمana_boss فلقد طبقت حكمة " أفيد وأستفيد " بروعة . .

فشكرا لك . .

وإن شاء الله الأخوة والنواخذة الكرام ماراح يقصرون معك . .
gulfhunter
14/10/2006, 09:15 PM
السلام عليكم ورحمةالله وبركاته

حياك الله يالرئس في منتديات مكشات وبالأخص الخيمه البحريه وان شاء الله تلاقي اللي يسرك ويرضيك وتفيد وتستفيد

ابشر بالخير ... بس نشوف الجي بي اس ونعطيك بعض الأحداثيات عن كم مكان من اللي تسأل عليهم

وأيضاً بالنسبه إلى


1- السفينة الايرانية القديمة اللي جنب الميناء
2-السفينة الايطالية صوفيا جنب الميناء

اخوي هذولي واضحين زي الشمس مايحتاج احداثيات لكن ابشر بالخير
بن عاقول c.o
15/10/2006, 02:41 AM
عزيزي ana_boss بخصوص الجزيرة تسلسل - 3 أسمها الشائع النيوة وألا تقصد غيرها ؟
وبخصوص باقي المحادق في منطقة الواسعة و الوشير بس بعيدة أشوي عليك تقريباُ ساعة ونصف ذهاب وخوش شعري صناديح
عموماُ الوسيع شمال شرق من الدمام وتقريباُ ساعة وربع أكثر اقل. بس لاتفوتك في القمرية الشعري مقاس كبير
وكذلك في ( حالة ) مقابل جزيرة المرجان بين القطيف ومدخل الجزيرة المنحني شوف التوقيع حقي صورة مدخل الجزيرة على يمينها بالضبط . ونّزل الباورة داير مدار الحالة وأستعد للسبيطي . بس خلك منتبه من القراح لاتحك الماكينة بالقاع ( رق ) يعني تمعّن في المشي يبيله ركاده . وهذا مالدي حسب خبرتنا السابقة . موفقين بإذن الله
ana_boss
15/10/2006, 10:29 AM
يعطيكم العافية
خشكاري
مشكور على المرور و هذا الاطراء من طيب اصلك

gulfhunter
مشكور و ما اتقصر .. هذولا السفينتين اعرفهم و دايم اتحدق عندهم و مخزنين عندي بالقوقل بس اذا تعرف محادق فيدنا ..

بن عاقول
فيك الخير و البركة و ماتقصر.. بالنسبة للجزيرة ما اعرف اسمها بس اسمع الغواصين يقولون انها مليانه صافي
الوسيع و الوشير ما جيتهم من قبل .. بس احداثيات المحادق اذا بالامكان...
بالنسبه للوسيع انشأ الله رايح لها .. بس هل الصيد اوقات القمرية على طول السنة
بالنسبة لجزيرة المرجان .. وين بالضبط و متى اوقات الصيد و اذا عندك احداثيات .. ماعليك امر انا رايح الخميس الجاي لاني رايح للسفن اتحدق عندهم ....

تكملة المحادق اللي اعرفها
7- الحفارة بين العوامية و صفوى
8- الفاتح جنوب انابيب ارامكو تقريبا كيلو و نص
9- حد هامور من زمان ما جيته و نسيت مكانه بالضبط بس اتذكر انه شرق الفاتح

و هذ لنك فيه خريطة العالم عن طريق الجوجل با احاول اني اوضح فيه مواقع الحداق

http://www.wikimapia.org/#y=26560739&x=50158081&z=13&l=0&m=a&v=2

و شكرا للجميع
بن عاقول c.o
15/10/2006, 09:14 PM
أخونا العزيز بالنسبة للحالة موضحّة بالقوقول بأسم جزيرة عمان على يسار مدخل جزيرة المرجان واضحة بالبحر وتروح لها بإعتبار أول مرة والماي فوول عشان تضمن سلامتة الطراد وسلامتكم وبعدين بتيّن لكم الأرض مع كثرة الروحة والجية لكنه بيعجبك لأنه قريب ولايكلّف وترويقة
مع السبيطي .
وأما بالنسبة للوسيع والوشير فإحداثيات سراحة لاأملك لأن كنّا نروح على البركة (بوصلة من سنة جدي) لا وتايوان الصناعة ههههه يعني يبي لك تعتمد على الحدس والشقردية ألي بالطراد وتخمينهم وراح تشوف تمرّكز بعض البحّارة هناك ولو رجعت للتعليق السابق تقريباُ بتوصل للمكان وأوقات الصيد تقدر تقول توافيق بس المضمون نص الشهر ولاتغامر كثير بالشتى عشان الهويات الشمالية وسامحنا على القصور .
نوحان
16/10/2006, 05:07 AM
الله باالخير للجميع

باالنسبة للحداق انا اشوف منطقة نيوة هي احلى سمكة للطعم
لذالك انا ما ابعد عنها
اما باقي المناطق تعتبر زينة لكن لاتقارن بسمكة نيوة
اما عن المناطق اللي اعرفها في نيوة هي
-"عند البوية القريبة من شمال صوفيا
-والبوية الشمالية لنيوة القريبة من راس تنورة عليك فيها لأن المنطقة غزيرة اشوي
ترا فيها الشعري من اللي يحبه قلبك" وخصوصا في القمارية
(دورني تشوفني هناك)
اما عن باقي الحداق الوفير فهو في بوية رقم_ 6 والبعيدة -رقم1 وهذي باذن الله مضمونة

ارجو اني وفيت معاكم
ana_boss
16/10/2006, 10:42 AM
يعطيك العافيه اخوي بن عاقول
كفيت و وفيت و انشأ الله انا رايح لها الخميس الجاي اذا ما في هواء

هلا و الله اخوي مقناصي
ما قصرت و مشكور جدا بس عندي بعض الاسئله
عند البوية القريبة من شمال صوفيا ----- ما اتذكر شفت هذه البوية .. تقريبا كم تبعد عن الباخرة

-والبوية الشمالية لنيوة القريبة من راس تنورة عليك فيها لأن المنطقة غزيرة اشوي
ترا فيها الشعري من اللي يحبه قلبك" وخصوصا في القمارية
(دورني تشوفني هناك) .----- اسمح لي اخوي ترى حتى هذي ما ادلها

اما عن باقي الحداق الوفير فهو في بوية رقم_ 6 والبعيدة -رقم1 وهذي باذن الله مضمونة
انا ماادلهم تمام بس با روح ادور عليهم و باجرب حظي
بس عندي طلباذا ما عليك امر
اذا ممكن اتوضح مكان البويات و اضافتهم في هذا الموقع
طريقة الاضافة بسيطة
اول شي حدد المكان و كبر الصورة و بعدين روح الى wikimapia فوق على اليمين و بتطلع لك لستة .. روح الى add new place ... و اضغط عليه ... بيطلع مربع صغير و اسحبه للموقع الي تبي اتحدده (المحدق) بعدين روح الى save و اختار اللغة و اكتب المعلومات اللي تبيها

http://www.wikimapia.org/#y=26563810&x=50159626&z=13&l=0&m=a&v=2

اسمح لي باتعبك معاي بس ادري انك ما تقصر

و شكور للجميع
الممدوح
16/10/2006, 01:16 PM
مشكور ياخي
نوحان
16/10/2006, 04:49 PM
يعطيك العافيه اخوي بن عاقول
كفيت و وفيت و انشأ الله انا رايح لها الخميس الجاي اذا ما في هواء

هلا و الله اخوي مقناصي
ما قصرت و مشكور جدا بس عندي بعض الاسئله
عند البوية القريبة من شمال صوفيا ----- ما اتذكر شفت هذه البوية .. تقريبا كم تبعد عن الباخرة

-والبوية الشمالية لنيوة القريبة من راس تنورة عليك فيها لأن المنطقة غزيرة اشوي
ترا فيها الشعري من اللي يحبه قلبك" وخصوصا في القمارية
(دورني تشوفني هناك) .----- اسمح لي اخوي ترى حتى هذي ما ادلها

اما عن باقي الحداق الوفير فهو في بوية رقم_ 6 والبعيدة -رقم1 وهذي باذن الله مضمونة
انا ماادلهم تمام بس با روح ادور عليهم و باجرب حظي
بس عندي طلباذا ما عليك امر
اذا ممكن اتوضح مكان البويات و اضافتهم في هذا الموقع
طريقة الاضافة بسيطة
اول شي حدد المكان و كبر الصورة و بعدين روح الى wikimapia فوق على اليمين و بتطلع لك لستة .. روح الى add new place ... و اضغط عليه ... بيطلع مربع صغير و اسحبه للموقع الي تبي اتحدده (المحدق) بعدين روح الى save و اختار اللغة و اكتب المعلومات اللي تبيها

http://www.wikimapia.org/#y=26563810&x=50159626&z=13&l=0&m=a&v=2

اسمح لي باتعبك معاي بس ادري انك ما تقصر

و شكور للجميع

وهذي حطيت علامة على بوية صوفيا مع المحدق اللي عند بويات السايلاند

ملاحظة انت حاط علامة على الباخرة المحروقة ..وموهي المحروقة
وحطيت انا على المحروقة الحقيقية.....تاكد

ان شاالله وفيت معاك
ana_boss
17/10/2006, 11:07 AM
يا اخي ما ننحرم منك و من خبراتك

مشكور جدا لك و للجميع ...

كفيتم وو فيتم و انشاء الله اذا عرفت محادق اعطيكم اياها و اوضحها بالخريطة للعموم الفائدة
الغواص111
19/10/2006, 10:32 PM
اخوي ana-boss أنا منزل عندي الغوغل لكن مافيه البيانات الموجودة في اللنك اللي انت حاطه ,لا هنت كيف أحصل عليه كامل لأن اللنك اللي أنت حاطه بطيئ جدا في نزوله
وقبل هذا اتمنى ان يكون عندي طراد وأدل محادق كا ن افدتك فيها
تحياتي
ana_boss
26/10/2006, 11:57 PM
انشاء الله يوم السبت با حاول ارسل لك ملف فيه المواقع ينفتح عن طريق الجوجل ايرث
ana_boss
28/10/2006, 12:11 PM
افتح الملف عن طريق الجوجل .. ترى المواقع اللي فيه اكثرها بالطراد
وتحياتي و اسمح لي عن التقصير
الغواص111
28/10/2006, 08:58 PM
السموحة اخوي تراني ما دخلت النت الا سادسة العيد مشكور وما قصرت
بعد ما نزلت الملف لم أجد فيه أسماء الأحياء اللي لقيته في ملفك السابق
على كل حال الله يجزاك خير
ana_boss
29/10/2006, 08:49 AM
اخوي الغواص
الاحياء اللي في الموقع .. خاصة بالموقع نفسه و مالها علاقة بالبرنامج


تحياتي و حاضرين للطيبين