@@@ الباث خبط اليوم وش الحل يالربع @@@

[Ra3e aljeep]

الله يسعد مساء الجميع بالخير
اليوم جيمت مكينه الباث
لاحقتها حرارة من رمضان
ومن هاك اليوم وانا شاره عليها
حرارتها ماتنزل عن النص في اغلب الاوقات واحيانا توصل الاتش إلا شوي
وكنت انوي في الإجازه ادخلها عند ابو ابراهيم
وش رايكم
اوضب المكينه
او اشتري مكينه من التشليح
او اشتري مكينه يابانيه مستعمله ياباني
عطوني رايكم يالشقرديه
واللي عنده جوال ابو ابراهيم يسعفني فيه
تقبلوا تحياتي

[أبوشريدح]

الله ييسر لك امرك يا خوي

اخوي انت الغلطان ليش ما تحل مشكلة الحرارة
ليش تمشي بالسيارة وانت عارف ان حرارته مهي طبيعية

الله يخلف عليك بخير

[أصيل حجآ زي]

خلاص :
وقع الفآس في الرآس .

نصيحتي لك :
وضب في ورشة شآطرين وثقة بشروطك .

أكتب أتفآقية في ورقة رسيمة للورشة .
وخلهُم يوقعون ويختمون على الأتفآق .

من شروط الأتفآق :
يعطوك مُسبقآ جميع أسماء القطع والطلبآت .
أنت تجيبها وتشتريها من الوكآلة أو موزعهُم الرسمي .

تشتريها بفوآتير مختومة .
لا تعطي الفوآتير الورشة أبدآ .
أن بغو صورة صورها لهُم فقط على حسآبهُم .

أن أعطيتهُم الفآتورة .
رجعو القطع من وراء ظهرة وأخذو قيمتها .
وربما يحطون لك قطع تقليد أو تجآري .

والبآقي الله ييسر أمرك .

[Ra3e aljeep]

الله ييسر لك امرك يا خوي

اخوي انت الغلطان ليش ما تحل مشكلة الحرارة
ليش تمشي بالسيارة وانت عارف ان حرارته مهي طبيعية

الله يخلف عليك بخير



الشكوى لله وانا اخوك
ظنيت أن السيارة إذا ما أتشت وطفت ماعليها خلاف
لكن هذا قدر الله والحمد لله على كل حال
مشكور يا بعدي

[Ra3e aljeep]

خلاص :
وقع الفآس في الرآس .


نصيحتي لك :
وضب في ورشة شآطرين وثقة بشروطك .


أكتب أتفآقية في ورقة رسيمة للورشة .
وخلهُم يوقعون ويختمون على الأتفآق .


من شروط الأتفآق :
يعطوك مُسبقآ جميع أسماء القطع والطلبآت .
أنت تجيبها وتشتريها من الوكآلة أو موزعهُم الرسمي .


تشتريها بفوآتير مختومة .
لا تعطي الفوآتير الورشة أبدآ .
أن بغو صورة صورها لهُم فقط على حسآبهُم .


أن أعطيتهُم الفآتورة .
رجعو القطع من وراء ظهرة وأخذو قيمتها .
وربما يحطون لك قطع تقليد أو تجآري .


والبآقي الله ييسر أمرك .




يا مرحبا بمشرفنا
رايك سديد وطيب لكن هذا في حال معرفة ورشه طيبه وممتازه
لكن انا ما اعرف ورش اثق فيها
غير ابو ابراهيم وانا ماجربته لكن من كثر الاخوه اللي يمدحونه
وشكلي بروح له بكره واشوف وش عنده
تقبل تحياتي

[أبوأسامه...]

كم مديله


وضب السياره وجب قطع اصلي اصلي وانتبه غير بلف التبخير ان وضبت


وانا موضب موتري 2001 قبل سبع شهور والحين فيها صوت الصبابات ولا لقيت احد يشتغل فيه


سعر قطع الغيار كامله وتأكد منالروسهل هي تخرط ولا لا

وعلمنا ايش يصير

[Ra3e aljeep]

حيالله ابو اسامه
موديله 2002
نصايح طيبه وفقك الله
بعلمك بكل صغيرة وكبيره بحول الله
لكن كم كلفك ؟
كم سعر القطع ؟
وكم سعر شغل اليد ؟
وفي اي ورشه زينته ؟

[أبوأسامه...]

وظبته بورشه مركز العرب عند فلبينين ببريد بالشارع التجاري

5400

[abo naser 1]

السلام عليكم

المكاين الواردة اليابانية تجي جدد ولا مشت شي اذا بتلقى تشليح منها للباث خذ والا وضب

[اهم ثاني واحد]

يابانيه نضيفات باذن الله

[ابو ســــاره]

ركب مكينة من التشليح او يابانية شرط تتأكد انها ما انفكت وعلى الظمان وركبها عند نفس المحل الي تشتريها منه وخلك عنده وقت الفك والتركيب .
وابتعد عن التوظيب والمشاكل .

[abo naser 1]

لاتأخذ تشليح الا ياباني ولم تفك
اماتشاليحنا لاتجيها حتى لو لم تفك للباث

واذا ركبت غير مايحاج تغيير من قطع ليات خراطيش صيانة على الطريق

[راعي الرود]

تشليح ياباني و ريح راسك اغلبهن ممشاها ماتعدت التسعين الف بس انت دقق على صواميل المكينه و بتعرف هي انفكت قبل ولا لا التوضيب يمكن مايفلح معك و تتوهق بالموتر رايح جاي للصناعيه وزن بلوف و حراره مرتفعه

وانت شف الازين لك اذا لقيت ورشه شغلها تمام التوضيب بيعيش معك اكثر و يعتبر موتر جديد لكن ركز على ورشه شغلها تماام و مشهود لها ولا بتبلش بالموتر

[Ra3e aljeep]

يامرحبا بكل من مر على الموضوع واخص من علق
واشكركم على التفاعل وابداء الرأي والنصيحة جعلها الله في موازين حسناتكم
آسف على التأخير لكن قاعد ارتب للسفر وتعرفون وشلون الواحد يحتاس
مالكم بالطويله .. ابشركم جت سلامات
الفلبيني اللي قالي المكينه مخبطه يبيلها توضيب طلع ماعندك احد
هذا إذا احسنت فيه الظن .. ولا بقول انه سروق وحرامي
بعد ماكلمني وقال افك المكينه قلت له لا انتظر
رحت وكلمت ابو ابراهيم عسى ربي يوفقه قوووولوا امين
وشرحت له الموضوع وقال لي وشلون دق سلف الموتر ناعم ولا لا ؟ قلت
ما اعرف والله ناعم ولا خشن هههههه
قال فك الديلكو ودق سلف وشف الجنزير
قلت له اسمع بجيب الموتر لك وسو فيه اللي يعجبك قال هاته
وانقز واحمله على سطحه من عند الفلبيني واوديه لابو ابراهيم
قال دق سلف من دقيت سلف قال المكينه ما فيها غير الجنزير لا مخبطه ولا شيء
والله حسيت بسعه في صدري وانفراج هم يا اخوان
قلت هي عندك الحين زين فيها اللي يعجبك وواعدني بعد يومين
مريته اليوم قال ركبنا جنزير وغيرنا طرمبة الماء لقيناها خربانه
والديلكو خربان وسعره غالي وعندي واحد مستعمل لزبون تبيه
او انقز للتشليح وجبلك واحد قلت ركب اللي عندك إذا كان جيد
وقلت بجيك يوم الاربعاء او الخميس استلم السيارة .. قال تلقاها جاهزه بحول الله
والسعر ماعندي خبر كم بتكلف ولا يهمني بعد ما انفكيت من التوضيب
هذا علمي وسلامتكم

[أصيل حجآ زي]

الحمدُ لله على السلامة .

بشرنا وش يسير أخيرآ .

ولو ترفق بعض الصوّر .

[أبوشريدح]

الحمد لله ان مشكلتك طلعت بسيطة
ما نكبنا الا هالعمالة الخايسة
شوف كا بتتوهق بتوضيبة
حسبي الله ونعم الوكيل
الله يفكنا منهم