ــــموضوع للمتعة كل صقار يعطينا قصته في حب الصقارةــــ

[القرناس07]

كل واحد يعطينا قصته في الصقارة
ساذكر لكم قصتي فيما بعد

[القرناس07]

قصتي غريبة شوي وهي}}
كنت ادرس في الصف الثاني متوسط واخي الاكبر في الثالث متوسط
كنا في وقت الاختبارات النهائية وفي اول اختبار اختبرنا ثم رجعنا الى البيت ومعنا ابن عمي
وكان في يدية منبال اي نباطة سالناه انا واخي ماذا تريد بها قال اريد انا اصيد حمام
قلنا وش تبي فذا الوقت تصيد وحنا وقت اختبار قال عادي يرجال شفناه وهو يصيد عجبنا
انا وخوي ذا فشترينا نباطة وصدنا حمامة كذا عجبنا الحمام
جاء اليوم الثاني اختبرنا وقلنا نروح سوق الطيور والحمام شرينا حمام
ورجعنا البيت الا ونشوف طير اختلفنا انا وخوي انا اقول بومة وخوي يقول صقر
اخذنا الدربيل طبعا الدربيل ماهو حقنا شفناه طلع باشق وحنا نقول صقر كنا مانعرفه
قلت لاخوي ياخي ذا حلو قال خله عنك اتركه بس قلت ماني تاركه بحثت عن سعره يقولون من50ريال
ينباع مادام كذا تركته انا واخوي قلنا للوالد نبي طيور قال آمرو اخوي قال حمام وانا قلت صقر
ابوي قال الصقر صعب عليك ومنت لاقي صقر من وين نشتريه قلت خلاص ابي حمام مع اخوي
في اليوم الثاني ذهبنا الى احد اصدقاء الولد عنده حمام وبغباء وطيور ثانيه اخترنا بعض الحمام
شوي قلت للرجال وين الحمام (مش حمام طير) قال هنا دخلت الحمام لقيت داخله صقر
ناديت الوالد يابوي ذا صقر قال الوالد انا لله قلت انا شراي شراي وبعد اسبوع شريناه
كان نوعه وكري سوداني مقاسه 14في14 شريناه ب2500ريال كان فرخ وهذي بداياتي
في الصقارة والسلام عليكم

[ابرق الحرار]

السلام عليكم ورحمة الله وبركاته

اما انا بداياتي مع الصقر كانت وقت ماجا الوالد بالصقور من السودان وكان وقتها تجيب العدد الي تبغا ومنها انطلقت موهبت القناصه علما ان الوالد صقار قديم ولكن بداياتي من هذيك السنه طرحت وكري وجبليه في اسبوع واحد ومنها بدأت البداية وشاكرين لك الموضوع المميز

[القرناس07]

قصة جداً جميلة وبسيطة وأشكرك على تفاعلك الطيب والجميل
ننتظر بقية الأعضاء

[محمد ابن سعود]

مساك الله بالخير اخوي القرناس انا بدايتي في حب الصقور كان من الصغر كان ولد عمي في الكويت ساكن ويشبك حرار ويجينا للسعوديه وكان يبيعها على الشيوخ وكنت اشوف الطيور واتولع فيها اقول متى اكبر عشان اصير صقار واشتري طيور والان الحمد لله تعلمنا من منتدى مكشات وافادونا الله يجزاهم خير والحين لي خمس سنوات اصقر واقنص والحمد لله ومافي شخص يطلع على الدنيا يعرف كل شي لابد من الممارسه وحب الاستطلاع والى الان استفيد وافيد اذا عندي معلومه ودمتم بخير ،،،،

[القرناس07]

عافاك ربي على القصة الممتعة
وين بقية الأعضاء ماراح تخسر شئ الظاهر أن اكثر الأعضاء بيشوفون بس

[ابرق الحرار]

الموجودين فيهم الخير والبركه هذا منتدانا لو واحد معروف من الاعضاء او مشرف كان تحصل المشاركات ياكثرها ولكن نحسن الظن لعلا وعسى

[صقر البحرين]

السلام عليكم

اصرار و تحدي

كنت اتمشى و حصلت برقع حجمه كبير على الارض
و احتفظت فيه على امل ان اصيد طير للبرقع
و مرت السنين يمكن عشر او اكثر
و في يوم من الايام كنت طالع البحر و شفت ذاك الطير الجميل قاعد على الساحل
و من شافني طار و راقبته لين نزل
و رحت البيت و جبت الشبك (( الجزه ))
و الحمد لله طرحته
و لبسته نفس البرقع
سبحان الله حر و البرقع عليه تفصيل
و بعدها زاد الوله بـــ الطيور

[طير الجبل]

قبل كل شي شكرا مقدما على هذا الموضوع الشيق والجميل
كان عمري ١٣عام كنت في المدرسة وفي نص الحصة قلت للاستاذ بروح المقصف قال روح ورحت وفي حوش المدرسة
كان الحوش فاضي مافيه الا انا لقيت صقر يعلف غراب كان ماعرفها وكان نوعها شيهانة جبلية طيبة بالحيل واخذت ثوبي
وامسكت بها الصقر ورجعت الفصل قلت للاستاذ هذا صقر قال ماشاء الله ولحسن الحظ كان احد المدرسين من الصقاقير الكبار
اعطاني برقع وسبوق ورجعت البيت الوالد قال بيعه قلت له حبيت الطير ربيته حول ٧شهور ومات حزنت عليه حزن شديد
هذي قصتي وشكرا لكم

[طير الجبل]

الموجودين فيهم الخير والبركه هذا منتدانا لو واحد معروف من الاعضاء او مشرف كان تحصل المشاركات ياكثرها ولكن نحسن الظن لعلا وعسى

عليك نور بصراحه الحقيقة لازم تنقال الحين الرجال حاط موضوع ممتاز جدا

[حجاب ودهيس]

الموجودين فيهم الخير والبركه هذا منتدانا لو واحد معروف من الاعضاء او مشرف كان تحصل المشاركات ياكثرها ولكن نحسن الظن لعلا وعسى

كلام رقم واحد

[أبو شعلان]

ملخّص بحبه وكرهه :)


مـدري أوالــي الطـيـر وأنقـلـه وأدعـيـه *** وإلا أتركه بـارضٍ خـلا ينتهـض فـوق
لـــولاي أحـبــه وأنـطــرب لـــه وأداريــــه *** وأصبحت أنا وإياه عاشق ومعشوق
حـلــفــن عــلـــي إنـــــي لـفــكّــه وأخــلــيــه *** ولاينقضـب ساقـه مـن اليـوم بسبـوق
مـن يـوم قـلّ الصـيـد شـانـت أراضـيـه *** ماعـاد لــي بالقـنـص خـاطـر ولا ذوق
راح الزمـان الـلـي بــه الصـيـد أراعـيـه *** جـمــايــل وقــطــعــان والــبــاقــي فــــــروق
وياعيـنـي الـلـي تــذرف الـدمــع كـفّـيـه *** الله يـسـتــر لايــجــي وقــــت مـمـحــوق
أخوك ثامرالماضي

[القرناس07]

صحي لسانك وقصيدة اروع مايكون بصراحة استمتعت فيها

[خيال سهيل]

انا والله مالي قصه بس كنت احب الطيور ودي ادخل هالمجال وبيوم كنت اسولف انا واخوي بالجوال وقالي بدون مقدمات انه شرا صقر قلت وشو ????? بستغراب قال شهانة بحر قرناسه كيف ومتى قال لا تعجل بعتها شريتها الضهر وبعتها العصر ليش يالحبيب قال بغت تاكلني الطيره منكله لين قالت امين تعض وتكوش باقي تنبح وتسير كلب

قلتله ياولد انا نفسي اجرب بس ماعرف ولا ادري وين يبيعونه ولا شي ميييييح
قال انت تبي تشري ولا بتفرج. لا ابي اشري قال الوعد يوم الخميس الفجر
وابد الفجر وانا عند بابه
ورحنا شرينا وكريه ولا بقا احد ما جاء تصور معها حتى عامل المسجد حصله كم صوره
وابد وهذا حنا من ذاك اليوم لليوم وحنا بالطيور انا واخوي الي وهقني وخلاني اشري
وكانت احلى توهيقه عرفتها

[القرناس07]

شكرًا على المشاركة الفعالة وينكم ياصقاقير