=====ابي رايكم وش افضل خيمة مبيت=====

[ابن عكاش]

السلام عليكم ورحمة الله وبركاته
مساكم الله بالخير جميع
وش رايكم ياشباب ابي خيمة مبيت عمليه وخفيفه وتوقي نوعا ما عن البرد
شفت حقت القاضي وحقت السنيدي هل فيه غيرهم شي انتظر آرئكم وتجاربكم:good2:
شاكر لكم تفاعلكم

[ابن عكاش]

77مشاهده ولا رد مايصير ياشباب

[حزم نجد]

وعليكم السلام

من ناحيني استخدم للمبيت خيمة القاضي القطنيه وعندي الصغيره من عام 1429هـ وممتازه جدا وعمليه

وعندي المقاس الكبير من 3سنوات

اقتنيت قبل البوستر من عدة شركات والمشكله فيها الصوت المزعج مع هبوب الرياح

[أبو مها]

الاخ ابن عكاش
انا استخدمت خيمة مبيت القاضي البولستر والقطنية
خيمة البولستر مخصصة للشتاء للجو البارد وهي دافية جدا
والخيمة القطنية جيدة لاجواء الربيع الدافىء والصيف ولا تصلح للبرد القارص

آخوك أبو مها

[ابن عكاش]

الله يعطيكم العافيه
غريبه انا متوقع البوليستر بارده والقطنيه هي الدافيه
لكن هل فيه نوعيات غيرهن

[ابن عكاش]

الاخ ابن عكاش

انا استخدمت خيمة مبيت القاضي البولستر والقطنية
خيمة البولستر مخصصة للشتاء للجو البارد وهي دافية جدا
والخيمة القطنية جيدة لاجواء الربيع الدافىء والصيف ولا تصلح للبرد القارص



آخوك أبو مها


جزاك الله خير يابومها على المعلومه المهمه في اخيار النوع المناسب من القماش

[__abo saleh__]

خيمة القاضي البولستر ممتازة وعملية

[اتجاه السحاب]

فية عند المرباع بعنيزة خيمة باكستانية عندهم عينة منه يقول تجي بعد أسبوع قماش لكن باين عليه أنها دافية..

[أسير المساري]

انا استخدم خيمة مبيت القاضي القطنية في الشتا دايم ولا عليها اي ملاحظات مريحة جدا

[mohdabusaleh]

عندي خيمة السكينة من السنيدي ولم أجرب غيرها .. وأجدها جيدة وسبب اختياري لها بأنها خاليه من البلاستك والبوليستر المسبب للأصوات المزعجة مع الهواء..

البوليستر يتميز بسهوله النصب بدرجة أكبر من اللي عندي

[وهج الحياة]

عن نفسي لا استخدمها ويا ليتني اقدر افيدك

[أبوصالح9]

عندي خيمة السكينة من السنيدي ولم أجرب غيرها .. وأجدها جيدة وسبب اختياري لها بأنها خاليه من البلاستك والبوليستر المسبب للأصوات المزعجة مع الهواء..

البوليستر يتميز بسهوله النصب بدرجة أكبر من اللي عندي


+1

وزيادة على ذلك لو كنتم ثلاثة وهب عليكم هواء وانتم تغدون يمديكم تدخلون بوسطها وتكملون غداكم مرتاحين- مجربة

[الذئب الاليف]

وعليكم السلام ورحمة الله وبركاته

خيمة المبيت من القاضي جدا حلوه

والله يوفقك لما فيه خير

[azoz111]

خيمة القاضي القطنيه رائع جداً

[مكتشف الهوات]

خيمة المبيت من مصنع القاضي للخيام

[ابن عكاش]

اشكر الجميع على تفاعلهم وعرض تجاربهم وجزاكم الله خير
وترجح عندي خيمة المبيت للقاضي البوليستر حقة شخص واحد

[كايد]

احترنا الربع في خيمة المبيت

القطن ادفى او البولستر

[ابو صالح 2]

يعني من الردود ان البلولستر افضل من القطنيه من ناحية الدفا ؟

[ميكا مكشات]

ضلل علشان تشوف الكتابة ياليت أحد يفيدنا ويصملنا على شي

[ابن عكاش]

السلام عليكم ورحمة الله وبركاتة
الموضوع له سنه تقريباً لكن مافيه مانع يرفع للفائدة وشكراً للي رفعه
شريت خيمة المبيت القنطنية واستخدمتها الموسم الماضي وتوصلت للنتيجه التالية:
تقي من الهواء والعج والسافي وبناها وفكها سكل وسريع
فيها دفاء خفيف ولايحتاج تسكر سحاب الفراش كله وهذي تنفع للي ينكتمون من الفراش
تاخذ حريتك في النوم ولاتحتاج لرواق يعني تشطر عن ربعك ونم
ماجربتها في المطر لكن اتوقع توقي خصوصاً انها مقببه
بشكل عام اشوف انها طيبه وراح تستفيد منها خصوصاً اذا انت طرقي ولاتحب نصب الخيام فانصح بها