اللي في حاجة سلوقي

[Nadr0075]

بسم الله الرحمن الرحيم

السلام عليكم ورحمة الله وبركاته

الاخوة الاعزاء انا لقيت لي سلوقي طبعه زين بالحيل بالحيل
سئلت عن راعيه حول المنطقه اللي لقيته فيها وماحصلته
وانا بصراحه مالي فيه لازم
اللي عنده استطاعه ياخذه من ذمتي الى ذمته يرسل لي خاص
انا من ضواحي الرياض
واعيد واكرر السلوقي بالحيل طيب

[SaLeM.F-16]

0597887488

ماقدرت ارسلك رساله على الخاص ولكن هذا رقمي تواصل معي

[حر 77]

السلام عليكم
معليش اخوي ماقدرت ارسلك على الخاص لكن بيض الله وجهك لو غيرك كان فتح له الباب وطلعه وانا مستعد اخذه منك وهذا رقمي 0554000637
وتراي حولك بالرياض

[ابو ثآمر]

تعطي البل وعلمك وافي

بس وانا اخوك اذاا الكلب جايك في عزبتك ولاا لاقيه حول عزبتك

نصيحه انشر عند الصبيان اللي حولك عن السلوقي وتبي تحصل راعيه

اما من ناحية تهديه وهوووو جايك مشكله

بعض السلق الطيبه غاليه عند اهلها

والله يجزاك خير

[ابونفال]

اخوي لك رساله في الخاص

[حمد لعنزي]

مساالخيرللجميع
اخوي حناضايع لناسلوقي اسود طلع من الاسترحه قبل خمس ايام تقريب على طريق رماح ياليت اتكلمني قبل تهديه لحد اوتبحث عن راعيه قبل تهديه

[بارود 1]

لك رساله على الخاص

[زياد العنزي]

خل السلوقي عندك وكان تعرف احد من اخوياك عنده سلق حطه معهن لين مايجي راعيه ولا احد يسال عنه

دامك لاقي السلوقي لو انك منزل موضوع تبحث عن راعيه يمكن يكون موجود هنا

ولو تخليه عندك لفتره لابد يرجع الحلال لصاحبه كان له صاحب

[قناص الوسطى]

جزاك الله خير ونصيحه للي يحصل سلوقي لا يطامر ويمسكه ويقول ضايع السلوقي ممكن اهله متعودين يفكونه ويرجع لهم فكه واكيد بيرجع لعزبته يمكن راعيه متعود يفكه ويرجع

[راعي الرام]

ممكن أوصافه انا ضايع لي سلقي

[راعي الرام]

وترئ عليه جائزه

[راعي الرام]

أعطر طويل وغالي عند راعيه وترئ عمر السلوقي كبير بس مو باين عليه يعني ما يصلح للصيد بشرني تكفى
والي يبي بداله سلوقي أو سلوقي وسلقه يبشر والي يبي غيرها يبشر

[قناص جواثا]

ابيض وجه واذا ماحصلة راعيه لفتره محدوده طلعه من عندك

[كريم العنزي]

يعطيك الف عافيه و ان شاء الله تلقاا راعي السلوقي

[الهواوي97]

انا ضايع لي سلوقي عمره تقريبن سنتين وعليه حول الرياض

[الهواوي97]

تببي الوصف تعال خاص ارسلك صوره

[Nadr0075]

تعطي البل وعلمك وافي

بس وانا اخوك اذاا الكلب جايك في عزبتك ولاا لاقيه حول عزبتك

نصيحه انشر عند الصبيان اللي حولك عن السلوقي وتبي تحصل راعيه

اما من ناحية تهديه وهوووو جايك مشكله

بعض السلق الطيبه غاليه عند اهلها

والله يجزاك خير

اولاً اشكرك ع النصيحه والله يكثر من امثالك ولو لاحظت اني ذكرت بالموضوع اني سئلت عن صاحبه في المنطقه اللي حولي ولالقيت له صاحب او احد يعرف احد يملك سلق من الشبوك اللي فالمنطقه رغم اني عارفهم كلهم
ثانياً اكثر الرسائل اللي جتني يقولون ان ضايع منهم سلوقي ويبوني ادق عليهم على شان يشوفون هو لهم او لا انا ابي اوفر عليهم التعب واقولهم ان فيه علامه مميزه في السلوقي او ضح من عين الشمس يذكرها الي اللي ضايع منه السلوقي واذا كانت هي العلامه يبشر بسلوقيه او اضعف الايمان ينزل صورته او يرسلها ع الخاص وان شالله لابشركم اني لقيت راعيه

[Nadr0075]

جزاك الله خير ونصيحه للي يحصل سلوقي لا يطامر ويمسكه ويقول ضايع السلوقي ممكن اهله متعودين يفكونه ويرجع لهم فكه واكيد بيرجع لعزبته يمكن راعيه متعود يفكه ويرجع

اخوي طول الله عمرك راعي السلوقي اللي متعود يفكه ويرجع لو ان السلوقي هذا له مافكه الى لمقناص
القصه بقولها لك لو انها تبي تطول عليك ويمكن تقول وش دخلني بهالسالفه لاكن الموضوع ومافيه ادق على الصبي مايرد من المغرب الين الساعه تسع قلت اروح اشوف سالفته رحت للشبك وجيت هناك حوالي الساعه 11 في الليل لقيت الصبي مافيه الى العافيه سئلته ليش ماترد قال جواله مايدري وينه اخر مره كان يكلم فيه في المكان الفلاني قلت ابي اروح واشوف المكان اللي قاله لي وبدق ع الجوال يمكن اشوف نوره دامنا في ليل والجهاز مافضت بطاريته الشاهد جيت المحل اللي سماه لي طفيت نور السياره ودقيت عليه ماشفت شي صرت امشي شوي وطفي النور واتشوف او اطفي السياره قلت يمكن اسمع الصوت بما اني في ليل وهادي الجو
ان شالله انك متخيل الوضع اللحين منطقه هااديه وماحولك انوار ولاقمرا
وشوي مادريت الا القرقعه في الحوض سميت بالرحمان ولتفت ماشوف شي بين من القزازه اللي ورا لانها مظلله لاكن الصندوق جت في دربكه وفيه شي هذي متاكد منها لاتقولي ليه ماوقفت ونزلت تشوف لاني اصلاً رفعت القزاز على طوول ههههههههههههههه ولعنت الصبي وجواله ورجعت امشي الفين لين جيت الخيمه وقفت ونزلت الا هالسلوقي اللي مادري من وين جاي ومن وين طلعلي الحاصل السلوقي مانزل من الصندوق ويناظر فيني ويلهث قلت حول طمر من الصندوق اخذ فره عندي يشمشم الارض راح لين وقف عند الحوض وقام يشرب قلت للصبي عندك شي باقي من عشاك قال لا قلت هات من الحليب اللي عندك وعطه ومشيت

لاكن اذا تبي الجد قسم بالله السلوقي راعيه تاعب عليه فيه امور مابي اذكرها يمكن احد يقول ابالغ او يقول هذي في كل السلق
علا كلا الله يعقله لراعيه

[4x4ofroad]

ياغالي انا لي ازود من سنه ادور سلوقي بعد ما انسرقت اللي عندي اللع يعوض علينا
عموما اذا ماصرفت فيها ولا لقيت راعيها ترى لي نظر لاهنت
ولك دعوه
وجوالي يجيك على الخاص

[Nadr0075]

لقيت راعيه ابشركم

[قايد النيسان]

الله يجزاك خير

[هايبر]

بيض الله وجهك عز الله انك وافي
لكن تراني مت من الضحك عليك انت و سالفتك تخيلت الموقف
و عندي فضول اعرف الامور اللي ما ذكرتها ما دامك لقيت راعيه علمنا بها

[رفيق الأمل]

لقيت راعيه ابشركم






دام السلوقي حالياً عند راعيه
يغلق الموضوع