عراك نجد2011
07/10/2013, 04:36 PM
تحذرو من بايعين الحباري
وتحملو من غشهم ياصقاقير
فاضي عمل ويجيك سارح وساري
ويركب اليتات تحت المداقير
يبيعها في الجو لجل المصاري
ويبيع ثرها لجل حب الدنانير
وان افلس من الفو جات المشاري
فك العلومه تمسي وتصبح تسير
ايفكها عقب العشاء فالغداري
ويصبح هو وربع لثرها مداوير
ويدعيك وانت اتجيه كنك امتهاري
وتاتي من ارض ونايع الطير ومغير
وان صدتها يصبح من الصدق عاري
فتش وتلقى الكرش حمص وجرجير
طاح الحيا في قافرات الصحاري
وخل الصحاري الجرد عشب ونواوير
وقفيت مغباشي على الجي مساري
وطيور ماتعتق وربعن مناعير
وخذنا شهر بين الروض والخباري
وبين السيوح وبين حمر الدعاثير
ولا لقينا الصيد مانيب داري
يمكن فيه دار عن دارنا غير
ياما لقينها ورا ابرق هواري
وياما قنصناها على حد خرخير
واليوم مال الصيد في القاع اثاري
ودار البدو معاد فيها عصافير
تكفى يابو نايف ترا الوضع طاري
نبغيك تفزع لصقاقير والطير
الطير مطلاعه تحول تجاري
ممنوع لا يطلع ويطلع بتخدير
وليا طلع ماجاك سالم وباري
اما ذبحه البنج في الريش تكسير
لو يلزم عقد اجتماعن وزاري
وتشوف حل لبيعهم للمخامير
دام انت يامحمد حزام الطواري
وابوك قدام يفل الطوابير
وجدك تهابه ضاريات الضواري
ويمناه تفعل مثل فعل البواكير
وتحملو من غشهم ياصقاقير
فاضي عمل ويجيك سارح وساري
ويركب اليتات تحت المداقير
يبيعها في الجو لجل المصاري
ويبيع ثرها لجل حب الدنانير
وان افلس من الفو جات المشاري
فك العلومه تمسي وتصبح تسير
ايفكها عقب العشاء فالغداري
ويصبح هو وربع لثرها مداوير
ويدعيك وانت اتجيه كنك امتهاري
وتاتي من ارض ونايع الطير ومغير
وان صدتها يصبح من الصدق عاري
فتش وتلقى الكرش حمص وجرجير
طاح الحيا في قافرات الصحاري
وخل الصحاري الجرد عشب ونواوير
وقفيت مغباشي على الجي مساري
وطيور ماتعتق وربعن مناعير
وخذنا شهر بين الروض والخباري
وبين السيوح وبين حمر الدعاثير
ولا لقينا الصيد مانيب داري
يمكن فيه دار عن دارنا غير
ياما لقينها ورا ابرق هواري
وياما قنصناها على حد خرخير
واليوم مال الصيد في القاع اثاري
ودار البدو معاد فيها عصافير
تكفى يابو نايف ترا الوضع طاري
نبغيك تفزع لصقاقير والطير
الطير مطلاعه تحول تجاري
ممنوع لا يطلع ويطلع بتخدير
وليا طلع ماجاك سالم وباري
اما ذبحه البنج في الريش تكسير
لو يلزم عقد اجتماعن وزاري
وتشوف حل لبيعهم للمخامير
دام انت يامحمد حزام الطواري
وابوك قدام يفل الطوابير
وجدك تهابه ضاريات الضواري
ويمناه تفعل مثل فعل البواكير