جراند شروكي اوفر لاند 2012 القير معلق

[موفق العنزي]

السلام عليك باختصار ياخوان السياره تعرضت لصدمه اقل من متوسطه على الرفرف يسار ولعت لمبة الماكينه والقير علق على الرابع وقومة السياره ميته تكفون الوكاله فوق السرق مرمطه ويكرهونك حياتك بالمواعيد.

[FAPioO]

اخوي انا قد شفت درانجو عند ورشة الميويع وكان فيه صدمه بالرفرف وبعد اصلاح السياره عيت تشتغل وموديله ٢٠١٤
وبعد جهد جهيد اكتشفو ان اسلاك الظفيره ورا الرفرف وطلعت متقطعه
اتوقع مشكلتك نفس الشي بحكم ان السيارتين من نفس الشركه
شيك على الاسلاك الي بخلف الرفرف المصدوم

[1824]

شيك على مكان الصدمة من داخل شوف شيء تضرر اسلاك كتاوت اي شيء ممكن يضر السيارة مثل ما قال الاخ فابيو

[موفق العنزي]

رايكم راي سديد ابي افحص على شوركم واشكركم اخواني على التفاعل

[يالبى الهلا]

فعلا مشكله السيارات الحديثه

[موفق العنزي]

وديته عند محل بصناعية بني مالك اسمه استاذ جيب ياعندهم سرلنكي يفحص كمبيوتر قالي الحساس حق القير خربان وحقه 1800 وشغل يدي 2800 ماشفت نصب بهذا الشكل قلت والله حسبت عندك سالفه وبعدين ياشباب نجس اقوله افحص الوايرات حاسس القير جرب اشياء قبل ماتقرر قال انا مهندس قلت له انت حمار لكن المشكله فينا وفي وزارة التجاره اللي خلت كلن يلعب فينا وفي مقدراتنا نحذر من الانسياق وراء هولاء السراق اللي ما يكلف نفسه يشيك على الوايرات المقصد معلوم يبي يسرق.