المساعد الشخصي الرقمي

مشاهدة النسخة كاملة : سوق الطيور بالشرقيه .. ابى الفزعه


عبدالرحمن السالم
15/10/2006, 11:11 AM
السلام عليكم .. يسعد لى مسائكم يالغالين ..

الله لايهينكم انا طالع ان شاء الله ايام العيد للشرقيه ونفسي ازور سوق الطيور هناك ونفسي اعرف ..
وين مكانها وهل تفتح ايام العيد وكيف اسعار الطيور هناك لاني بشري وكري لواحد من اخوياي توه يطيح بعالم الصقاره ويبي له بالبداية وكريه .. بكم اسعار الوكريات والشواهين ..



وآسف كاني ثقلت عليكم بالاسئلة ..

تحياتي للجميع ،،،،،،،،،،،،،،،،،،،،،

:p
عبدالرحمن السالم
15/10/2006, 11:58 AM
أفـــا والله قلنا الفزعه ولا احد فزع .. اجل هونت ابى اقول

تكفووووووووون دلوني
bobnan
15/10/2006, 12:04 PM
الله يحيك يا اخي الشرقيه تنور بحظورك هم يالغالي بالجه المقابله للمعارض

بالنسبه اذا تب تشتري طير انا عندي شيهانه وحش مقاسها الصدر14.5*13 والطير بادي انقله على يدي

طبعا بكر هالسنه طرح المملكة اعطني سومتك وانشاء الله ما راح نتخالف

تحياتي
عبدالرحمن السالم
15/10/2006, 12:26 PM
الله يرضي عليك ويسلمك ونعم والله بك ومنوره بأهله يالغالي ..

شف الاسعار ابيه تكون من 800 إلى 1500

وانت كم حدك بالشيهانه .. واذا فيه صوره لها ياليت والله

تحياتي لشخصيتكم الكريمه ،،،،،،،،،،
راعي دهام
15/10/2006, 09:18 PM
.


سوق الطيور طال عمرك على خطك انت جاي من الرياض ..

اذا خذت الكبري ورجعت شمال امش حول الكيلو الي الكيلو النص بتمر
من فوق كبري بعده بيجيك على اليمين مقاهي ومحطات بنزين وبيجيك بنشري
في زاوية شارع عام فيه رصيف بالنص وانوار وبداية الشارع فيه نخلتين او ثلاث
مزروعات بالنص , لف معه يمين وامش الين يجيك براحه فاضيه على اليمين ومقابلها مسجد
وبعدها بيكون على يمينك عمارات , احسب خامس او رابع عماره بتحصل محل الطيور على يمينك
اسمه القرناس بتلقى عنده مطلوبك ..


وبالتوفيق ..
.




.
bobnan
16/10/2006, 12:06 PM
حدي بالطير يالغالي 3600صافي
bobnan
16/10/2006, 12:12 PM
بتحصل عنده جبليات مقاس12 على 1300 او 1400 وممتازات للحمام والكراوين

محل القرناس اسم صاحب المحل / ابومحماس 038182058