مشورتكم في تركيب طارة هوا ومكيف على ددسن عايدي 2009 ؟؟

[طيررر شلوى]

بسم الله الرحمن الرحيم
اخواني اعضاء منتديات مكشات اول مشاركة لي في المنتدى واتمنى اني افيد واستفيد ,,
نجي للموضوع :
قبل سنة كان عندنا ونيت دي ماكس 4*4 واشهد انه موتر كفو وقدر الله وخربت طرمبة الديزل ونشدت عنها وطلعت بـ 9000 ريال واذا جيت تركبها تركب معها بخاخات جديدة تطلع عليك كلها حوالي 16000 ريال المهم بعد السالفة ذي كرهت الموتر وبعته .. ولي سنة ما شفت البر .. وتخبرون الحين حنا على باب الشتا والطلعات والوناسة ,, والحين ابي موتر كد ومد وما جا في بالي الا الددسن والهايلكس ولقيت بالمعارض ددسن عايدي 2009 زيرو مامشت بدون مكيف وطارة عايدي وسألت عن المكيف والطارة وقالو انها تركب بالنسبة للمكيف يقولون بحدود 1600 ريال والطارة 2600 ريال ,, والحين ابي رايكم ومشورتكم واللي جرب لا يبخل علينا وهل لها مضار او خراباتها واجد افيدوني جعل والديكم للجنة .. ودمتم

[ابو عزام2001]

المكيف توكل على الله وركبه اما الطارة مدري عنها واذا كلفته 1600ممتاز والله يوفقك ويبارك

[طيررر شلوى]

حياك الله اخوي ابو عزام بالنسبة للمبالغ اللي كتبتها من مواضيع بالنت لناس جربوها قبلي اما انا ما نشدت عن اسعارها لاني الين الحين ما شريت الموتر واسعدني مرورك ,,

[طيررر شلوى]

وين اهل الخبرهـ ووين اعضاء المنتدى .. الفزعة يالربع تراني محتار ومستعجل بنفس الوقت ..

[جنيفاوي 503]

نصيحه اشتر موتر مكيف وطاره هواء شد بلد
وانحش عن شغل التوليف لانك بتاخذ موتر جديد وحرام تدخله ورش ويمكن يضبط ولا مايضبط
وان كانك تبي شوري خذ هايلوكس عز الله انه موتر
والله يرزقك باللي تبيه

[طيررر شلوى]

حياك الله اخوي جنيفاوي عز الله انك صادق ان حرام ادخلها ورشة وهي جديدة وشوركك عز الله انه هو الشور لاكن الهايلكس قيمتها طايرة وبالنسبة للهايلكس المستعمل قيمته حول الجديد ,, واسعدني مروركك

[السامي2011]

خذ لك مكيف وطاره هواء وارتاح .. جديد

المكيف اكيد بموديل 13 اما الطاره مدري

[عبدالرحمن.1]

رح لورشة الطائر اللي بالصناعية القديمة يركبون لك طرمبة باور ركبتها عندهم على ددسن 98بحدود 2000قبل سنتين وزي الحﻻوة الى الحين