مشروع مخيم، الحلقة الاولى: السور ؟

[مرسي الزناتي]

السلام عليكم و رحمة و بركاته


هذا اول موضوع لي و ان شاء الله راح يكون الاستفسارات على شكل حلقات

يستفيد منه الجميع وانا أولهم

أنا حددت موقع المخيم و طلعت التصريح. وأبي أبدا فيه


سؤالي حول السور و الرواق


ياليت تفيدوني وش أفضل الرواقات و نوع الخامه وكم الأسعار وين أفضل المحلات

وهل نستخدم مرابيع وإلا حديد





وشكرا لتفاعلكم مقدما

[مرسي الزناتي]

يالربع ٥٠ مشاهدة و لا تعليق او معلومة مفيدة للجميع

[999ابوصالح]

مشروع جيد واسأل الله أن يكتب لك التوفيق والنجاح -وإنشاء الله يفيدونك أهل الخبرة

[شلشكو2011]

سير على المخيمات وشاهد بعينك ولا مانع من سوال صاحب المخيم اللي تحسه ابدع

[أسد نجد]

بالنسبة للرواق أقترح عليك الشراع المستعمل للبيوت المحمية الزراعية يجي منه لون أبيض ما يتأثر بالشمس ولا رطوبة الأرض وسعره مناسب ويجي مقاسات من حيث الشفافية

[ولد ميسان]

هلا بك أخوي مرسي .

أنا أشوف إنك تسوي شبك عادي أو الشبك البلاستيك الأخضر و تحط عليه سعف النخل . شكلة كذا بيكون مررررره حلو و أنيق . تحياتي

[hamo0o0ody]

في الغرابي عند محلات الخيام شراع المشاتل الأخضر عندهم شي نسبه التعتيم 90% ممتاز جداً
والله يوفقك ويسهل أمرك