المساعد الشخصي الرقمي

مشاهدة النسخة كاملة : من منطقة الجوف اطيب ما وافقناه من السحب


مريوس قدام
15/10/2006, 06:30 PM
السلام عليكم ورحمة الله وبركانه
كانت هناك لنا رحلة انا وابو محمد يومي السبت والأحد 22-23/9/1427 من القصيم مرورا بحائل ثم الى الجوف عبر النفود الكبير الى الجوف قاطعين الخط الجديد والذي الى الأن لم يكتمل حيث لا زالت هناك حوالي 30 كم ردمية في بعض المناطق تسوء لكثرة المرور والتي بامكان السيارات الصغيرة عبورها حتى ينتهي الخط بقرية الردهه غرب دومة الجندل 13 كم
يوم السبت 22/9 عصرا بدانا نلحظ تحسن الأجواء وكان جنوب الجوف افضل من شماله .وما وافقنا الى قبل المغرب رشوش لا تذكر. بعد المغرب بدات البروق من كل جهه والرعد يسمع من كل الجهات .فسبحان الله كانت هناك قرية خوعاء هي مركزا لمرور اغلب السحب ولكنها كلها رشوش .سبحان الله السحاب يا اخوان كانه سحاب اواخر شهر مايو
يعقرب ويصرقع ولكن لم يؤمر بامر العزيز الحكيم واستمر الوضع حتى الساعه التاسعه مساء على هذا الوضع بروق ورعود وصواعق ورشوش فلله الحمد يرزق ما يشاء .
عندها قررنا العوده الى الديار حيث لاحضنا ان البروق بدات اتلاعج من الجهة الجنوبيه والجنوبيه الغربية من موقعنا بداية خط الجوف حايل شمالا (الردهه) وعند قطع مسافة 100 كم جنوبا عن الجوف كانت هناك سحابه زان برقها
وطاح منها ثعل طيب وهي في طريقنا حتى وافقناها كانت بدايتها قويه واستمرت حوالي الربع ساعه كنا متوقفين وما ان انتهت تحركنا السحابة عرضها حوالي 5كم هي سحابة اقل من متوسطه لكن عموما هي افضل ما شاهدناه عقبها تكينا انا ورفيقي بالنفود بالأرض الممطورة وشبة الضويه عقبها جاك الصحو قلنا وين القصيم. واعتذر لكم عن عدم وجود صور لان الأحداث اغلبها ليل .

عموما السحابة قطعت خط حايل الجوف المسفلت عند احداثي

n 29 15 860
e 40 00 751

اخوكم (( مريوس قدام )) وتقبلو تحياتي
العنبري1
15/10/2006, 06:37 PM
وعليكم السلام

الحمد لله على السلامة

الله يعطيك العافية على هالتقرير المميز

وان شاء الله تكون السنه هاذي سنة خيرات وامطار علينا وعلى المسلمين ...
رعدان
15/10/2006, 07:15 PM
وعليكم السلام ورحمة الله وبركاته

ما شاء الله عليكم أخوي مريوس قدام ، خبرين سارين وهما : أخبار السحاب ، وأخبار الخط وهذا مهم عندي لأني كنت أنتظر

آخر أخبار الخط وجبتها الله يعطيك العافية ، وما قصرت الله يحفظك ... الحمد لله على السلامة
ابو شريدح
15/10/2006, 07:21 PM
الحمد لله على السلامة
ومشكور على الاخبار السارة التي بسببها سأغير وجهة الاجازة
ابوامير
15/10/2006, 07:34 PM
:no2: افااااااااااااا والله هاذي بحق يا خوي مريوس قدام:no2: ... :no: مايصير هالكلام تمر على ديارنا ولا تعلمنا ولا قمنا بالواجب الله يهديك:no: ... هالمره سماح لاكن الجايات نبي وعد منك انك تمر علينا ومثل ما قال اخوي ابو اسامه الله يقومه بالصحه والعافيه (معرفة الرجال تجارة) المهم حياك الله بين اهلك وربعك ... ومشكور على هالاخبار والله يعافيك ..!!

وللمعلوميه تصحيح لأسم القريه اللي انت ذكرتها ماهي (الردهه) الأسم الصحيح (الرديفه) وغرب منها ب10كم (الأضارع) ديرتي هالحين عاد مالك عذر ليا جيت انت او اي عضو من اعضاء هالمنتدى حياكم الله بالأضارع وبين اهلكم
الأضارع : سكانه النمصان من قبيلة شمر .
الرديفه : سكانه من الرمال من قبيلة شمر .
جمران
15/10/2006, 07:42 PM
ماشاء الله عليك يامريوس قدام عز الله إنك مراسل مكشات الأول بحق متابعة دقيقة
وضرب في الأرض من أجل أخبار الأمطار والحيا هذا والله المكسب
الله يعينك ويوفقك لكل خير ويسمح دروبك ..
راعي الحزم
15/10/2006, 07:54 PM
هلا والله أجل الجوف وشاب ضو بالنفود ومطر الحق حاطه حاطه ليش تروحون ماقلتولي حتى ولا مكالمة

عموما رحلة رائعة والله يعطيك العافية اجل شفت البرق وسمعت الرعد قبلنا هذي تكفيك يالمريوس طول السنة لكن الوعد بالجايات
أبــوريـــان
15/10/2006, 08:09 PM
ما شاء الله تبارك الله تقرير رائع اخي مريوس قدام

والحمد لله على السلامة يالغالي....

وعقبال ماتصور لنا وادينا العود وادي الرمة قل امين...

تحياتي...

اخوك ابوريان
أبو ريناد
15/10/2006, 10:05 PM
رحله سعيده وموفقه الحمد لله على سلامتكم
الدهماني
15/10/2006, 10:42 PM
الله يجزاك خير على التقرير الطيب والمفصل
ليتني عندكم يوم تشبون الضو
لكن ان شاء الله تعالى يلحقنا بخير ويرزقنا واياكم الغيث اللي يغسل قلوبنا وارضنا
جدة غير
15/10/2006, 11:51 PM
السلام عليكم ورحمة الله وبركاته
جزاك الله خير
رحلة موفقة إن شاء الله تعالى
جعلها الله أمطار خير وبركة وعم بنفعها أرجاء البلاد
مريوس قدام
16/10/2006, 12:26 AM
اخواني

ابو بريهه (تحياتي لك اخي العزيز والله يسمع منك )
رعدان ( هلا وغلا استاذنا الكبير اسعدني مرورك وللعلم ان خط حايل الجوف متعب الى الأن من حيث كل ما
تشد الموتر بالمشي تجيك تحويله تغير مسارك الى المسار الأخر ثم التحويلة 30كم دمار قطعناها بحوالي
الساعه الى جانب ان الخط المسفلت خاصة من جهة حايل اسود مظلم متعب بالليل ..... )
ابو أمير (هلا وغلا اخوي الواجب قام به اخوي ابو راكان الدرعان من اهل سكاكا من غير قصور باحد وما يحتاج
معرفون هل الشمال يالغالي ويامال الغناة يا حبيبي .وشكرا على التصحيح الرديفه بدل الردهه ما أقول
الا اهل مكة ادرى بشعابها تحياتي لك )
جمران ( جمران العزيز الغالي تحياتي لك وهذا مكشات ما لنا غناة عنه اصبح كالدم يجري في عروقنا )
راعي الحزم ( والله ما ادري وش اقولك يا ابو خالد لكن كانت بدايتها سميرا الين ما درينا الا وحنا بالجوف )
ابو ريان ( يا هلا وغلا بالجار برفسور خيمة الأحوال الجويه وملحها ومحللها )
ابو شريدح (كل الشكر للمرور والله يقسم لنا ولك الخير بالمر كله)
جدة غير ( يا هلا ومسهلا وش رايك بالهسنه انا متفائل بالامطار خاصة على جدة هذه السنه يالله يا كريم)
دحمي (مراسل المدينه الرائع ذا التقرير المميزة شكرا للمرور )
الدهماني (هلا والله باهل الكويت اخوانا عسى الله يرقنا ويا كم بالخير والأمطار وتشب ضوك وتفله يالله
يا كريم )


اخوكم ((مريوس قدام ))
مطارد البروق
16/10/2006, 02:05 AM
مطارد البروق من الدوادمي

السلام عليكم ورحمة الله وبركاتة

هلاهلاهلا والف غلا وهلا والله بالعزيز الغالي اخوي مريوس قدام لاعدمناك يالغالي

مشكور ياخوي على التقرير المفصل في هذة الرحلة الموفقة والجميلة وان شاء الله الخير قادم

على جميع مملكتنا الغالية بأذن الله تعالى بس قولوا آمين ان شاء الله 0 بارك الله فيك يالغالي

وبيض الله وجهك وطيب الله فالك يالوجة الطيب لاعدمناك باهذية التقارير اللي تشرح الصدر

وما قصرت ياخوي 0

وتقبل خالص تحيتي وتقديري العميق جداجداجدا

اخوك ومغليك واللي يتمنالك كل خير محبك بالله ابونواف
القعقاع
16/10/2006, 05:20 AM
السلام عليكم ورحمة الله وبركاته
جزاك الله خير
رحلة موفقة إن شاء الله تعالى
جعلها الله أمطار خير وبركة وعم بنفعها أرجاء البلاد:good:
نقا هشال
16/10/2006, 05:34 AM
وعليكم السلام ورحمة الله وبركاته

اخي مريوس قدام هلا وغلا

يعطيك الف عافيه

زانت علومك ياغالي

ضوية ونفود ممطوره وش خليت ماشاء الله عليك

كل الشكر لك على التغطيه والعلوم الزينه

تقبل فائق تحيتي وتقديري
منقذ
16/10/2006, 05:59 AM
مشكور على الأخبار والحمدلله على فضله
صوت المطر
16/10/2006, 10:25 AM
مريوس قدام رحلة موفقة



والحمد لله على السلامة ويعطيك العافية على وصف الرحلة الجميلة ..
الزعيم 22
16/10/2006, 09:43 PM
أخوي مريوس ليش ما تروح لورشة أبو راكان تصلح القير عشان تريوس على وراء اخخخخخخخخخخخخخخخخخخ