وش رايكم بالي يذبح طيره

[هجارس]

السﻻم عليكم ورحمه الله وبركاته
وش رايكم في الي يذبح طيره

شاهد "ذبح طيره" على YouTube - https://www.youtube.com/watch?v=JtZVQChs-3c&feature=youtube_gdata_player

[خيال الغلبا]

تصرف غير طبيعي وغير سوي .... ما تبيه هده في ارض الله

يمكن يكون الطير مصاب بمرض معدي

[راع العراوي]

لاحول ولا قوة الا بالله
هذا اذا قالولك فاسق

[هدد جير]

الله لا يوفقك ياملعون الجدف

[ابوفوز]

هذا ما يكمل اسبوع ويشوف مصيبة في حياته وراح نسمع اخباره

[الجافر]

بيض الله وجهه >>>>>>>>


هههههههههههه

[خالد العطااوي]

الله لايبيض وجهه .. ولايوفقه
ان كان فيه مرض ياخوي فكه ..
ولا شف له حل .. واذا مرض قوي بالحيل اذبحه لكن
ماتصوره وتنشره ..
لاحول ولاقوة الا بالله ..

[fiasl]

لاحول ولا قوة الا بالله

[لهذام]

ياللي ذبحت الطير فعلك ندامه
مستنكرٍ عند العقول السويه

الطير للصقار حسبة حزامه
في مجلسه والا ب قاع خلويه

لاشك ماسويت ضير وملامه
مثل الخوي اللي غدر في خويه

[هجارس]

الله ﻻيوفقه عدوه قهرني كل واحد يتمنى طير على كفه

[THE SNIPER H]

لا حول ولا قوه الا بالله
إنا لله وإنا إليه راجعون
والله مشهد مؤلم جدا
حتي لو كان فيه مرض لا تقتله بهذه الطريقه والافضل ان تطلق سراحه لخالقه فهوه ارحم منك
لا إله إلا الله

[خالد العطااوي]

ياللي ذبحت الطير فعلك ندامه


مستنكرٍ عند العقول السويه


الطير للصقار حسبة حزامه
في مجلسه والا ب قاع خلويه


لاشك ماسويت ضير وملامه
مثل الخوي اللي غدر في خويه




صح لسانك
ابيات بالصميم ..
مثل الخوي اللي غدر في خويه ..
تحياتي لك

[ابوحزااااااام]

لااحد يدعي عليه قد يكون جاهل والطير فيه مرض قاتل وقد يكون رأي دكتور
ولكن فيه حاجه مستغرب منها وهي قريبه من الموضوع
وهو الحصان اذا انكسرت احد رجيله اذبحوه ليش؟؟

[عاشق السبق]

[QUOTE=الجافر;9661420]بيض الله وجهه >>>>>>>>


[FONT=Palatino Linotype][SIZE=6][COLOR=DimGray]ههههه




اللي مايعرف الصقر يشويه :(

[ولد حايل]

الظاهر من الصورة ان جناح الطير الايسر مكسوور
ولكن لايشفع له انه يقتل نفس بدون حق
ويمكنه بيعه على محل تربية الطيور وطيور الزينة

ما نقول غير الله يهداه ويصلحه ويكفيه شر فعلته

[طار جريش]

ياخي فكه بالبر ليه كذا لو ان به مررض اطلقه

[تكاشف ابروقها]

زمان اغبر الي الخبل وصاحي يشيل الطير حسبي الله عليك ونعمه الوكيل قهرني ابرقعه وعلي وكره ياجعل يده لشلل

[سوبربنلي90]

واضح من جناح الطير الايسر مكسور بس ماله حق يرميه خله عندك بالبيت وعلفه لين يموت وان كان به مرض معدي يفكه بالخلا اما انه يذبحه ماله حق ابد ابد وفعل شخص حقير وسفيه ولاصدقو هالكفار الي يقلون قتل الرحمه منتب صايرين ارحم من ربكم على خلقه والخيل بعد يذبحونه بعض الناس الجهله اذا انكسرت رجله صعبه يجبر ويشفونه معاد له فايدة ويذبحونه الله المستعان بس ناس معاد بقلوبهم رحمه

[دهااام]

لان الحصان مايجبر كسره

[تميم2222]

هذا مريض. ويحاسبه الله يوم القيامه علئ فعله.

[لويفي]

هنالك رجال ولاكن تجردو من الرجوله باافعالهم البشعه اذا الطير منكسر او مريض او اين كان ليش تصوره وتنشره انا لا احب ان اخطي على احد اين كان ولاكن مع كل احترامي انت منت رجال ولا فيك ذرة رجوله هذي بهيمه وبنسبه للي يقول بيض الله وجهك على ايش اذا كنت لاتحب الطيور لاتمدح الفعل الخاطى او كلام الحق عليه ستار الله لايبيض وجهه

[.تقوى الهجر.]

لاحووول لله (عزالله ان البهــآيــم بـلاها اللــــه) لله المستعان والله بيحاسب النـآاس اجمعين

[عاشق_البرية]

لعل الرجل له اسبابه في قتل طيره
حيث ان كل طير غالي عند راعيه
لكن الخطأ في نظري هو تصوير المشهد ونشره
وايضا لو كان الاخوان دعوه له بالهدايه بدل من الدعاء عليه بالشلل وغيره لكان افضل للداعي والمدعي عليه

[صقار قديم]

ياللي ذبحت الطير فعلك ندامه
مستنكرٍ عند العقول السويه

الطير للصقار حسبة حزامه
في مجلسه والا ب قاع خلويه

لاشك ماسويت ضير وملامه
مثل الخوي اللي غدر في خويه




صح لسانك ....

الطير للصقار حسبة حزامه
في مجلسه والا ب قاع خلويه

لاشك ماسويت ضير وملامه
مثل الخوي اللي غدر في خويه

[صقار قديم]

الاخوه الأعزاء لا مانع " و الله اعلم " من إعدام طير او أعزكم الله احد الحيوانات لكن بأسلوب رحيم بزيادة جرعة البنج مثلا اما بالطريقة المصورة في المشهد !!!

لن أستطيع ان أكون ابلغ في الوصف من الشاعر لهذام :-

مثل الخوي الي غدر في خويه