المساعد الشخصي الرقمي

مشاهدة النسخة كاملة : الفزعه يالربع(أبغي كيف اصيد بالشكه(المد)السبيطي وشو الطعم؟؟؟


تاروت القطيف
15/10/2006, 07:24 PM
تحياتي;)
رحت ونصبت المد وحطيت في خثاق
وانا احط والا الجمبري ياكلوا فيه
عجزت وش احط
*هل ينفع الزمرور (سمكة صغيره وضعيفه)
*بالنسبة للميد هل اقطعه ام اختار اللي حجمه صغير

يالله ياجماعه ابغي سبيطي بأي طريقه:(
شكلي باحط له ديناميت وبافجره لين يموت:confused: :confused: :eek: :eek: :eek: :no: :j
تحياتي
عاشق القنص
15/10/2006, 09:04 PM
اقولك ماينفع الا مصران الدجاج عزك الله
gulfhunter
15/10/2006, 09:53 PM
السلام عليكم ورحمةالله وبركاته

حياك الله أخوي تاروت القطيف في منتديات مكشات وبالأخص الخيمه البحريه وان شاء الله تلاقي اللي يسرك ويرضيك

بالنسبه إلى الطعم يختلف مو واحد.... تقدر تحط الخثاق وهو ممتاز وايضاً الميد وإذا كان كبير تقطعه .... وقوانصين الدجاج وبعض من صلاخ الأسماك ينفع زي الوحره وصلاخ الدويلميه

بارك الله فيك
صياد القطيف
16/10/2006, 12:35 AM
هلا والله
باهل القطيف وتاروت
ويش الك تتعب روحك انا تعبت والله مثلك وانا اراحق ورى لسبيطي مايبيني انا خلاص كاني مابيه وباروح الى الكنعد لان جاء ابرد لاكن والله مانه عارف ويش اسوي انا ودي اسحبهم اثنينهم لسبيطي والكنعد لاكن خلها على الله
الله يكون في العون
انا اقول الك ريح روحك وخلك على المصارين او المنجوس انا الحين ماحط في سنارتي غير هطعمين وبس هدا الى استعمله حالين ومع ربيان لاكن الى السنارات لصغار
لاكن اخوي عندي سال قبل لاتفكر انك تصيد سبطيي تعرف انه المكان يجوجد فيه سبيطي او لا وهل المحل زينه او لا وعرفت احد طلع سبطيي او لا
مو تروح لي محل مافيها سبطي وتبي سبيطي
اوكي اخوك
تحياتي صياد القطيف
صياد السبيطي
16/10/2006, 06:42 AM
اهلا بأهل القطيف في منتديات مكشات وبالخصووص خيمة الصيد البحري

اولا انت بتحدق الى سبيطي مو بالضروره تلاقيه بيوم وليله اهم شي يكون عندك صبر ..


1_الميد(ادا كانت الميده كبيره خلها قطع _وركب ميد كامل _والأهم صلاخة الميد )


2_السلس (وهو اهم طعم في هالوقت يقتل السبيطي وبالدات ادا كان حي(وجرب
روح مكان فيها سبيطيه وقط السلس وبتد عيلي انشالله مايضرب عليك كنعد ويقص خيطك)


3_ مصارين دجاج وانت والسامعين بكرامه (كبر اللقمه لأنك بتنزل المد من السيف فلازم بيكون فيه ناتش علشان يبقى من الطعم )


4_المنجوس (ماعمري حدقت اله بالسبيطي_في الدمام والقطيف)


5_العجين +خبز الخباز + الصامول _مخبز الفخر زين)***هدا الى الحداق السماري(الطفاحي) للحداق فقط


6_وادا نت بتنزل شكه في الدمام انصحك(بالزمرور في الدمام جنون المزيزي والسبيطي على الزمرور)


في نفس الوقت لازم تعرف كيف تنزل الشكه ومقاس الخيط والميداروشك السمك

وحياك الله مره ثانيه في منتداك



وان احتجت اي شي هدا ايميلي :row: jaroody7@hotmail.com (jaroody7@hotmail.com)
تاروت القطيف
16/10/2006, 11:02 AM
احرجتوني يالحبايب:j
اليوم راح اجرب الميد والزمارير
المصران ماينفع
لانه ننصب الشكه والماية رايحه وننتظر الماير لين تروح مره ثانيه ونروح نشوف وش صدنا يعني السمك الصغار راح يخلصو المصران قبل
مشكورين واذا صدت شي اليوم باحط الصور
دمتم بود;)