عزم الربع يبرد بالنفود

[غضنفر]

لسلام عليكم

عندي ربع 2009 مشكلته بالنفود عزمه ردي
بالخط تسارعه زين ولا تحس ان فيه مشكلة

لا فيه كتمة ولا شي

مشكلته بالنفود بــ 2 يطيح عزمه

عليه هدرز و فلتر

المكينة الحمد لله نظيفة وصافية

ودي تدلوني على ميكانيكي فااااهم بالربوع يفضل بالرياض

البعض يقول المشكلة بالحذاف وبعضهم يقول بالكلتش


ما ودي بالخساير , أبي شي مضمون

إذا أحد قد مرت عليه المشكلة يا ليت يعلمني وش سببها
أو إذا تدلوني على ميكانيكي فاهم بالربوع


ولكم جزيل الشكر

[sgl2002]

الكلتش اذا قام يحن ويرتفع ضغط المكينه ولايمشي

بس تاكد لايكون فيه تنسيم بالهدرز

[يالبى الهلا]

هذي مشكلة المكينه الجديده ذات الراسين والدعسه الالكترونيه حاول تعبي بنزين 95 هو الامثل للموديلات الجديده

[حاميش]

هذي مشكلة المكينه الجديده ذات الراسين والدعسه الالكترونيه حاول تعبي بنزين 95 هو الامثل للموديلات الجديده


الرجال يقول موديل 2009 وين راسين ؟ شغل النور الله يهديك

صاحب الموضوع شيك على الهيدرز

ممكن يكون لونق أو فيه تنسيم

إذا لونق فهذا طبيعي

[صديق كلم رفيق]

8
8
8

مسكينه المكينه الجديدة كل مصايب الدنيا عليها ههههههههههههه


ياغضنفر ان كان الموتر ماشي واجد ، يمكن يكون الكلتش استهلك يبي تغيير ..

[غضنفر]

يعطيكم العافية جميعا

الهدرز سليم ولا فيه تنسيم

والكلتش ما يحن لكن أحيانا بالمرقى قبل لا يموت عزمه تطلع ريحته !!!

[ابوتركي1010]

اختبر الكلتش حطه في نمرة اربعه وهو واقف اذا مشى بنمرة اربعه اعرف ان الكلتش ضعف وإذا طفت السيارة كلتش سيارتك تمام

[غضنفر]

ابو تركي سويت الي قلت وطفى الموتر

يبقى عاد كيف افحص الحذاف؟

[شاق النفد]

شف اذا كان عزمه يبرد علطول وضعفه قوي حاول انك تقيس ضغط طرمبة البنزين لانه منها

اما اذا كان عزمه يبرد بشويش وضعفه غير ملحوظ فتراها من تصفية المكينة
مثل صفاية البنزين والبواجي والفلتر وتنظيفه

[شاق النفد]

شف اذا كان عزمه يبرد علطول وضعفه قوي حاول انك تقيس ضغط طرمبة البنزين لانه منها

اما اذا كان عزمه يبرد بشويش وضعفه غير ملحوظ فتراها من تصفية المكينة
مثل صفاية البنزين والبواجي والفلتر وتنظيفه

[شاق النفد]

لاكن الهدرز والفلتر اللي انت مركبه كم انش؟؟؟

[راعي الرود]

اذا استبعدنا الكلتش و الحذاف و طرمبه البنزين و الصفايه و البواجي و الثروتل وغيرها

ترا مكينه الـ4500 من خبرره فيها كل ما مسيتها كل ما زاد نشاطها

يعني بدال ماتعشق والضغط على 2 او 3 خله على 4.5 او 5 و بتلاحظ الفرق بعد مده على شرط ان كل شيء سليم من اللي ذكرته فوق

[غضنفر]

يعطيكم العافية

الهدرز 3 انش ومظمون انه سليم لأنه كان راكب على موتر قبل ولا خالف

الطرمبة متأكد أنها تمام, لا فيه كتمة ولا تقطيع

[غضنفر]

و عزمه يبرد بشويش بس بشكل واضح مقارنة بالربوع الي مثل تعديله