النجوم تتغير وتتناقز

[عذبي1]

السلام عليكم ورحمة الله وبركاته

اخواني=

خصوصا آب والحربش وريف النشاما والفرقد والباقين من اعضاء وزوار ومشرفين=

لاتواخذوني عل العنوان

ليلة من الليالي كنت مستلقي بعد صلاة الفجر على ظهري واطالع بالسماء الى النجوم تناقز خصوصا الشمالية منهن-

مسافات طويلة كأن والله ياجماعه فيه واحد يلعب بهن من مكان لمكان-عفوا- وقبله استغفر الله العظيم -لكن هذا الصحيح

قلت لخويي الصباح قال انت موسوس وفيك النوم ===بلعتها والان اسالكم-
هل هالكلام صحيح؟

هذا رقم 1
رقم2
برنامج ستليروم---يالعجاجي يرحم والدينك واالله يوفقك --اذا ارجع بالسهم يطلعني من البرنامج وارجع اعيد تشغيله من جديد---مايعطيني سؤال هل اريد الخروج ام لا

----جهازي سامسونج تاب 2


رقم3

سهيل هل نراه بالعين المجردة الليالي هذي في الرياض---خارج المدينة----مثلا في ضلع الطوقي=
انا اقول بعد الساعه 2 من منتصف الليل وخويي عنيد ويقول بعد العشاء تشوفه--وهو يقول جهة الجنوب وانا اقول جنوب موالي للشرق
افيدونا جزاكم الله كل خير

[النعائم]

وعليكم السلام

اسهيل تبدأ تشوفه الساعة 2:30

ويقع جنوب شرق وكل مايبدأ ب الشروق يتجه جنوب

الساعة 5:00 تقريبن يصير موازي للجنوب

[النعائم]

من ناحية البرنامج

اذهب الى الاعددات ومن ثما التطبيقات ومن ثما اذهب الى

البرنامج وحط ايقاف اجباري انشاء الله يزبط

[اشراف]

وعليكم السلام

والله يمكن خويك صادق وان فيك النوم..امزح ..اظن اللي انت شايف اقمار ومركبات صناعيه وعموما مثل هذه المشاهدات غالبا تكون اول وآخر الليل
بالنسبه للجلاكسي تاب 2 اذا اني فهمت المطلوب صح
http://i.imgur.com/VBGaC6N.png

[عذبي1]

الله يوفقكم ياللي رديتوا
وان شاء الله افرد كل واحد برد

[عذبي1]

اخوي اشراف

وجودك لي اكبر شرف

اسف للرد السريع البطارية تبي رضعه
وانا بالبر
لكن حكاية التناقز اعتقد اني ابغلبك لو اني ما اقواك ههههه

وما زلنا بانتظار النتائج
يخليك ربي

[محمد-الرس]

,وعليكم الســــلام ...

يمكن من اثر ادوية تجيب هلوسة خفيفة ولا من التعب الواحد يتخيل اشياء مب موجودة ....



المهم :أنا شفت بعد المغرب بيوم من الايام مثل كانه نجم بس يتحرك بسرعه كانه واحد يأشر بقلم ليزر
طبعا مب شهاب ولا نيزك ولا قمر صناعي ولا الـiss ولا شي ...... شي غريب وبس .

[* الــــفــر قــــد *]

السلام عليكم ورحمة الله وبركاته

اخواني=

خصوصا آب والحربش وريف النشاما والفرقد والباقين من اعضاء وزوار ومشرفين=

لاتواخذوني عل العنوان

ليلة من الليالي كنت مستلقي بعد صلاة الفجر على ظهري واطالع بالسماء الى النجوم تناقز خصوصا الشمالية منهن-

مسافات طويلة كأن والله ياجماعه فيه واحد يلعب بهن من مكان لمكان-عفوا- وقبله استغفر الله العظيم -لكن هذا الصحيح

حياك الله ياالعذبي بالنسبه للنجوم وتناقزها هذا الله يسلمك الدوري النجومي المنتخب الشمالي يلعب مع المنتخب النجومي الجنوبي ... هههههه أمزح معك
لم نكذب عينيك ما رأت ويمكن الذي رأيته خداع بصر يعني من أثر أدوية تناولتها للزكام كما ذكر محمد الرس
أو يكون الذي رأيته صحيح وهو من مرور أقمار صناعية من أتجاها ت عده
كما ذكر الاخ إشراف
أو سقوط برشاوات في ذلك الوقت ,,,,, والله أعلم

قلت لخويي الصباح قال انت موسوس وفيك النوم ===بلعتها والان اسالكم-
هل هالكلام صحيح؟

هذا رقم 1
رقم2
برنامج ستليروم---يالعجاجي يرحم والدينك واالله يوفقك --اذا ارجع بالسهم يطلعني من البرنامج وارجع اعيد تشغيله من جديد---مايعطيني سؤال هل اريد الخروج ام لا

----جهازي سامسونج تاب 2
تمت الاجابه عليه من قبل الاخوة إشراف و النعايم

رقم3

سهيل هل نراه بالعين المجردة الليالي هذي في الرياض---خارج المدينة----مثلا في ضلع الطوقي=
انا اقول بعد الساعه 2 من منتصف الليل وخويي عنيد ويقول بعد العشاء تشوفه--وهو يقول جهة الجنوب وانا اقول جنوب موالي للشرق
افيدونا جزاكم الله كل خير

نعم سهيل يمكنك رؤيتة كما ذكرت من بعد الساعة 2 صباحا عند أفق الرياض الجنوبي الشرقي أو ضلع الطوقي ويكون أكثر وضوحا عند إرتفاعه الساعه 5 فجرا جهة الأفق الجنوبي

[شهادة مجروحة]

ليلة من الليالي كنت مستلقي بعد صلاة الفجر على ظهري واطالع بالسماء الى النجوم تناقز خصوصا الشمالية منهن-

مسافات طويلة كأن والله ياجماعه فيه واحد يلعب بهن من مكان لمكان-عفوا- وقبله استغفر الله العظيم -لكن هذا الصحيح

قلت لخويي الصباح قال انت موسوس وفيك النوم ===بلعتها والان اسالكم-
هل هالكلام صحيح؟




نعم اخي الكريم حدثت لي مرة قبل كم سنة كان تحركها عجيب جدا لدرجة اعتقد انه من فعل اعراض ادوية او ارهاق او تلاعب الشياطين والجن بمخيلة الانسان كانت كاللعبة تتنقل وتتطاير ويختلف مكانها وللعلم هناك نهي شرعي عن عد او النظر الى الشهب لا اذكره . وكتمت الامر ومن بعدها لا انظر الى السماء الا نادر ونسيت الامر تماما الى ان ذكرني موضوعك ذكرك الله بالشهادة .

[عذبي1]

وعليكم السلام

اسهيل تبدأ تشوفه الساعة 2:30

ويقع جنوب شرق وكل مايبدأ ب الشروق يتجه جنوب

الساعة 5:00 تقريبن يصير موازي للجنوب


من ناحية البرنامج

اذهب الى الاعددات ومن ثما التطبيقات ومن ثما اذهب الى

البرنامج وحط ايقاف اجباري انشاء الله يزبط

----------


أخوي/النعايم
العيد مبارك
ويارب توفق هالوجه=
1-بالنسبة لسهيل كفيت ووفيت وهذا الكلام الصحيح
ومنك نستفيد
2-بالنسبة للبرنامج سويت اللي اشرت له وسويت ايقاف اجباري ولا فاد
لعلمك الكريم مشكلتي ما هي بايقاف البرنامج
مشكلتي حتى لو اسوي لقطه للشاشه واضغط سهم الارجاع يطلع البرنامج واضطر لاعادة تشغيله من جديد ---ثم ردد يالليل والنجوم اللي أخبرها فوق راسي مع الاعادة مدري وين تروح هههه

[عذبي1]

وعليكم السلام

والله يمكن خويك صادق وان فيك النوم..امزح ..اظن اللي انت شايف اقمار ومركبات صناعيه وعموما مثل هذه المشاهدات غالبا تكون اول وآخر الليل
بالنسبه للجلاكسي تاب 2 اذا اني فهمت المطلوب صح
http://i.imgur.com/VBGaC6N.png


هههههههههه
مقبول كل شي منك
ويكون في علمك خفت من معرفك ((اشراف))وتستاهل ادارة بعد==
لكن ياخوي انا جبت السالفه على الطبيعه وبكل صدق وشفافيه((والله مدري وش شفافيه -مير طحنابه يابعدي-))
ولعلمك المحترم انا ماسهرت انا صليت الفجر وتسلقيت على ظهري وشفت النجوم من يمين الى اليسار وهكذا كأنهم سبحان الله بيقفلون ---يعني اخلصوا--
على العموم بدت الآراء تجي بصفي والله كريم:D

[عذبي1]

,وعليكم الســــلام ...

يمكن من اثر ادوية تجيب هلوسة خفيفة ولا من التعب الواحد يتخيل اشياء مب موجودة ....



المهم :أنا شفت بعد المغرب بيوم من الايام مثل كانه نجم بس يتحرك بسرعه كانه واحد يأشر بقلم ليزر
طبعا مب شهاب ولا نيزك ولا قمر صناعي ولا الـiss ولا شي ...... شي غريب وبس .




يامحمد-الرس
يخليك ربي قل آمين وكل الحاضرين
----
سهرنا وحول مانهلوس من خبال الصيد وحب البر ما جهلنا وش اللي يصير
----
والله الامور احسن مدري اطبع من الطبيعيه
ولاهن شهب
الحكايه تشوف النجم من اعلى اليسار نازل لاسفل اليمين
بعدين ينزل بهيئته دون خط او اثر شهاب يأتي خلفه
والله كأنهاقدام عيني الآن
شكرا لردك عسى عمرك طويل

[عذبي1]

نعم سهيل يمكنك رؤيتة كما ذكرت من بعد الساعة 2 صباحا عند أفق الرياض الجنوبي الشرقي أو ضلع الطوقي ويكون أكثر وضوحا عند إرتفاعه الساعه 5 فجرا جهة الأفق الجنوبي


أخوي الفرقد
بيض الله وجهك على الردود
لكن جزاك الله خير مثلما صححت للاخوان بان هناك ادوية زكام ترى ادوية الزكام ترقد هههههههه
----------------
وسبق ان وضحت اني نمت وصليت ولله الحمد الفجر--
ومع ذلك متأكد ان اللي رأيت صحيح----
على العموم متقبل المزح بصدر رحب
عساكم من عواد العيد المبارك

[عذبي1]

نعم اخي الكريم حدثت لي مرة قبل كم سنة كان تحركها عجيب جدا لدرجة اعتقد انه من فعل اعراض ادوية او ارهاق او تلاعب الشياطين والجن بمخيلة الانسان كانت كاللعبة تتنقل وتتطاير ويختلف مكانها وللعلم هناك نهي شرعي عن عد او النظر الى الشهب لا اذكره . وكتمت الامر ومن بعدها لا انظر الى السماء الا نادر ونسيت الامر تماما الى ان ذكرني موضوعك ذكرك الله بالشهادة .

هلا مليار
ليه شهادتك مجروحه
بالعكس مقبوووووووله
أيه تكفى ومتأكد ان فيه ناس بيتراجعون عن كلامهم عسى الله يوفقهم
تسلم يالغالي
ومازلنا تلاميذ عند اخواننا بالمنتدى
تحياتي لك
وللجميع