طيور السنه مرصعه بالذهب ام ماذا ؟

[ساري العنزي]

اول شي بسم الله الرحمن الرحيم والصلاة والسلام على اشرف الانبياء والمرسلين نبينا محمد وعلى آله وصحبه الى يوم الدين ..اخواني انا مسجل جديد بهالمنتدى اللي اتمنى له ازدهار فوق ماهو مزدهر والحقيقه هاذا شي يفرحنا بوجود مثل المنتديات اللي الحقيقه الواحد يتنومس بوجودها اقسم بالله اني اقول اللي بقلبي تجاه المنتدى اللي فعلا يرفع الراس ..وانا اقسم بالله ماسجل منتديات لاكن منتداكم هاذا غير..طولنا عليكم بالموضوع الوكاد نخش بصلب الموضوع يا أخوان امس مصيود بتبوك طير و شيهانه ..حسب ماوصلني من معلومات ان الطير وصل بالمزاد 180 الف ريال ووقف المزاد امير منطقة تبوك طبعا يبيه له اكيد عطا صاحبها مبلغ وقدره فوق ال180 عموما الله يرزقه ...ولاكن الشي العجيب والفريد من نوعه اللي هي الشيهانه وماأدري والله ماشفت لها صوره ولا عندي علم هل هي بحريه ام جبليه ولاكن انباعت بقيمة 400 الف ريال <<صراحه شي عجيب ..الله يوفق من صادها لاكن ياااااا أخوان من طلعنا على الدنيا والشيهانه ماتوصل لمبلغ مثل هاذا ... وش السر ؟ اول طير الكويت بمليونين والحين شيهانه بـ 400 الف ؟ ما أدري هل هن مرصعات بذهب ولا الماس .؟ انا كتبت الموضوع كـ خبر و ثاني شي من باب التسائل هل هي فتح باب وتمهيد لمزاين الطيور بدال مزاين الابل؟ ؟ واللهي شي عجيب وانا والله كل تسائلاتي منصبه على جهة التجـّـار ولاكن من صاد الطيور هاذي الله يرزقهم وانا والله قنـــّـاص ماني صقـّـار يعني لو اصيده ابيعه بالعكس اكون مستفيد بهالحاله وماكتب مثل هالمواضيع لاكن شي يدعو للتسائل واترك لكم التعليـــــــــق

[خيال سهيل]

بالعكس فيه طير مشهور وطاروحه معروف والكلام قديم شوي بيع بمبلغ 450 الف. طير الطاروح بداح العماج وله موضوع في المنتدى ومعروفه قصته
والعام بيعت شياهين بمبالغ خياليه على سبيل المثال الي بيعت بالكويت اذا ماخانتني الذاكره ب 200 الف اذا ماهو اكثر
وحده بيعت بمبلغ كبير ولا يحضرني طرح مجيرمه على قطري
فا الموضوع ماهو جديد وفيه طير ماهو طرح الديار ذي مجلوب من برا ودخل على امير سعودي معروف
وعلم من اعلام الصقاره وشراه بمبلغ يتجاوز 500 الف وهو ماهو عابر الا فيديرته مطروح
وشلون لونه عابر

الموضوع ومافيه زاد الاعلام وسائل الاتصال الذكيه من دعاية الطيور
والناس وجهت الانظار عليها فقط

[ساري العنزي]

خيال سهيــــــل شاكر لك على الرد ..انا من ناحية الحر مو مشكله لاكن من ناحية الشيهاااااانه ياشيخ ماتعدّى 120 الف وان طارت واذا كان مخربها المشتري 150 الف خلينا نقول 200 الف اما 400 الف هاذا شي خارق لاذهاننا وناهيــك عن الشي الاكبر ان اللي شراها هو امير قطري والطير شراه امير تبوك ..واللي بالكويت انشرى من قبل شيوخ الكويت ما أدري يعني هل زادت عندهم الرغبة الشرائيــه .؟او الدعوه فيها مداخل ومخارج وخفايا.. لاكن مع الايااااااااام راح يبيـّـن كل شي ....تحياتي لك

[خيال سهيل]

لا خفايا ولا شي السالفه وما فيها منافس على الطيور وانا اقدر ادفع واقدر اشري

فيه طير انباع على اساس تحدي بين خلنا نقول شخصين واحد يقول الطير ما يطلع من عندنا واحد يقول نجي ونشري وانت تناظر

والسالفه رزقت هالي طرحه اغناه الله والاسباب واجد

[.تقوى الهجر.]

الرآآآزق في السـمــآء والحــاسد في الارض الله يزقنا ويرزق المسلمين اجمعين .تقبل مروري بصدر رحب..

[محمد ابن سعود]

مرحبابك اخوي ساري الرزق من السماء وهذا رزقهم اما بخصوص الأسعار الخياليه اعتقد مبالغ فيها والناس طلعت كلام ان هذا بدايه غسيل اموال وهذا الكلام مهب من عندي وشكراً لك ✋✋...

[FJ USA]

ساري لاهنت من هي عنده الشيهانه ام ٤٠٠ الف واذا امكن نبي نشوف صورها ومن شراها

[المضلي]

ياخوي التضخم عم جميع السلع حتى الطيور لا تستغرب

[أخوحصه]

=المضلي;9663511]ياخوي التضخم عم جميع السلع حتى الطيور لا تستغرب






والله حلووووووو ياالمضلي
ههههههههه

[البرنس الليبي]

(قال رسول الله صلي الله علية وسلم: يأتي زمان علي أمتي يحبون خمس وينسون خمس .... يحبون الدنيا وينسون الاخرة .... يحبون المال وينسون الحساب .... يحبون المخلوق وينسون الخالق .... يحبون القصور وينسون القبور .... يحبون المعصية وينسون التوبة فإن كان الأمر كذلك أبتلاهم الله بالغلاء والوباء والموت الفجأة وجور الحكام‎.)

[hail_ksa]

إذا الدجاج وصل 20.000 ريال لاتستغرب أي شيء يا أخوي

[m16]

شـوف التيس اللي انبـاع ب 400

وشوف الديــك اللي انباع ب35 الـــف

ربنـــا لاتـــؤخذنـــا بمـــا فعل السفهــاء منـــا
وتسألــون ليش الامطــار والبركـــه قـــلت
الا بفعـــل الجهــلااء والنــاس اللي ماتدري ان وراهـا حساب

[خبايا انسان]

يفرحون ويتفاخرون بأسعار الطيور المبالغ في سعرها ،، واذا جيت تناقشة عن ارتفاع السلع الغذائيه مثلا يسب ويلعن ووين وزاره التجاره ووين حمايه المستهلك وتقوم الدنيا عشان البيبسي زاد نص ريال،،،،،

[Naif1]

الحمد لله على نعمة الاسلام
الله يرزق الجميع

[كريم العنزي]

تيس ب 400الف , هاذي مهضومة
اما الدجاج و الديككه ينباعن ب اسعار نفس كذا ؟
هذا والله غسيل اموال ...
الحمدلله على نعمة الاسلام

[ابو الريان]

يبن الحلال كل الدعوة مهايط وفشخرة وكلامك صحيح لاهي ذهب ولا الماس !!!

[تميم2222]

منافسه بين الامراء وبعض العقول. وشسمه وبس^_^ اللهم زد وبارك. وكثرهم
ومن حصل شي يستاهل

[ابوفوز]

بعير 20 مليون
تيس باكستاني 600 الف
منديل ام كلثوم 6 مليون
طير 2.8 مليون
حصان ولا فرس بـ مليون
ولانسان : بلاش لا صحة ولا علاج ولا هو من الاشياء الثمينة
لذلك تبكي الاطفال جوعاً في بعض الاماكن وهناك رجلاً يضحك مدة عشر دقايق عشان الفرس اخذ المركز الاول ويقدر با الملايين
هل فيه تقسيم للثروة بين الشعوب العربية مثل عهد عمر بن عبدالعزيز
نحن
توقفنا
توقفنا
عن الزكاة
واصبحنا طبقية

[تميم2222]

الله يرحم الحال يابوفوز. صدقت والله