المساعد الشخصي الرقمي

مشاهدة النسخة كاملة : علوم الحباري المهاجره و ذكرها عام 2013


أبو فيصل
10/10/2013, 01:48 PM
السلام عليكم

أتمنى أشوف ردود لذكر الحباري المهاجرة و عبورها لهذا العام أن أمكن خصوصا من بدأ المقناص أو من يتناقلون الأخبار الصحيحة.

أتمنى لي و لكم التوفيق و موسم ممتع وخوّة طيبة أن شاء الله.

أبو فيصل
اخو الشايب
10/10/2013, 02:00 PM
قسم بالله ان لي شهر ونا قانص في المجيرمه والشعيبه كل يوم لفلفه لين المغرب من الصبح ما حصلت الا قمريتين ومطيره ماتخليك تقربها وصدت اربع سمانات وتنشد عن الحبارى كانت من الماضي وانقرضت اتوقع سنتين ماتشوف سمان حتى طيور الحوم وين تحصل شبوط ولا ابو حقب الصياده اكثر من الصيد
نجم404
10/10/2013, 02:45 PM
الله يجيبهـا يابو فيصل


ذكروهـا جهـت ينبع وهـدو عليها لكن الطيور ماهي جاهـزه وراحت
أبو فيصل
10/10/2013, 02:57 PM
يمال العافية و الله يوفقكم

أخو الشايب: كم تتوقع عدد الصيادين و كمية صيدهم؟
نجم 404: ما شاء الله مسرع وصلت ينبع هاذي هجرتها (إكسبرس) سريعة جدا. عادة الدفعة الأولى الدجاج وما تعدى جفرتها!
خيال سهيل
11/10/2013, 02:12 AM
قبل يومين وحده حول المدينه على ذمت الي شافوها وشفطة عليهم 3 طيور ولا ردوها عن دربها
اجل وشلو المعاشير وش تبي تسويبنا
أبو فيصل
11/10/2013, 12:46 PM
قبل يومين وحده حول المدينه على ذمت الي شافوها وشفطة عليهم 3 طيور ولا ردوها عن دربها
اجل وشلو المعاشير وش تبي تسويبنا

يمال العافية ... أنا مستغرب من الذكر في الشرقية ذالسنة شكل البيع سكاتي بعد محاربته عبر الشبكة العنكبوتية والقصيد من الصقارين
Naif1
11/10/2013, 04:11 PM
السلام عليكم ورحمة الله وبركاته
بو فيصل واضح ان عبور ضعيف جدا
الله يستر
أبو فيصل
11/10/2013, 07:08 PM
السلام عليكم ورحمة الله وبركاته
بو فيصل واضح ان عبور ضعيف جدا
الله يستر

و عليكم السلام و رحمة الله و بركاته

الظاهر العبور ضعيف و شكلها بتذكر من يوم العيد بعد ما تزيد القمرا و يخف الهوى وأتوقع بتذكر بكثرة من ثاني العيد لمدة 10 أيام و هناك توقعات و الله أعلى و أعلم بخسوف القمر ليلة 15 ذي الحجة الموافق يوم 19 أكتوبر.

أشكر من شارك بمعلومات العبور
عابر الموج
11/10/2013, 09:45 PM
حياك الله تبينا مثل حلقة طاش ماطاش مادريتا خذ العلم
طرحت حبارا اليوم او امس بحزم ابا النيران عند العصفور
طرحت حبار امس بالقرب من عذفا عند رجم هزاع
طرحت ثلاث حباري حول عقم الحدود حفر الباطن
راحت حبارا على طير برفحا
قصو حباراء وجدوها ميته وعند اثرها ثعبان الله يعلم سبب قرص الداب او غيره
تحياتي لك ولزملاء يابو فيصل مادريتا
ابوبرووك
12/10/2013, 12:25 AM
بيجيب الله خير
ذعذاع نجد
12/10/2013, 08:37 AM
الله يجعلها سنه خيييير
هواااوي01
14/10/2013, 09:10 PM
ان شاء الله السنه هذي سنة خير جهزو طيوركم ذكر الحبارى بكل محل والله الله بالركاده
قرناس حائل
15/10/2013, 12:15 PM
قبل أمس طرحت حبارى شرق حايل عند الصقار حمدان الشلاقي

جعلها متبوعه ماهي مقطوعه

والله يرزق الجميع أن شاء الله
خوي الفرخ
15/10/2013, 06:14 PM
السلام عليكم ورحمة الله وبركاته
من طرف الحباري انشالله هالسنه في قبول خير
كلن بيصيد
انا توي جاي من المقناص الشرقيه خذتلي ثلاث ايام
كل محل اجيه احصل في جرة حبارى لها يومين ولي لها ثلاث ابام
وبصراحه مستغرب عبورها مبكر واتوقع والله العالم هالسنه بتجي كبة حباري
عسى الله يرزقنا وياكم بالصيد والفيد وحسن الخاتمه ×
جنون بدوي
15/10/2013, 06:30 PM
يجيب الله خير ان شاء الله
مليار
16/10/2013, 03:38 AM
من يومين هدينا وشفطت لنا خريشه اه بس لو الطيور جاهزه
خبير صقاره
16/10/2013, 08:28 AM
شي جيد بارك الله فيك يابوفيصل
الشقررردي
22/10/2013, 07:28 PM
قبل ثلاثة ايام وعليها ذابحها رجال يم الجله ببندق
الله يهديه بس ماخلاها لاهل الطيور يهدون عليها
M_AL3NZI
22/10/2013, 10:56 PM
هدد طير عادل ملوح العنزي على حباره بشعيب المراء بالحمــاد الاسبوع الماضي

http://www.youtube.com/watch?v=sHCYQi_u89s