كيف أميز الطير وهو طاير

[muwafaq keer]

السلام عليكم ورحمة الله وبركاته ،،،

ياشباب هل صحيح إن الطير الحر ما يفرد جنحانه وهو طاير ولا فيه طيور ثانية تشاركه نفس الصفة وإذا شفت الطير طاير هل ألقف له وأطير له الحمامة وماهي افضل طريقة لشبكه

[اخو الشايب]

سوالك رائع يحتاج صقار متمرس ماهو اي واحد ونرجو اعطاء الرد الوافي كيف تعرف الطير وهو طاير هل هو صقر او بومه وما الفرق

[عاشق السبق]

الطير لاشفته فوق تشوف جناحه كانها قوس و تلاقي جناحه اطول من جسمه

[ابوبرووك]

أشوف الوضع صعب وهو في السماء

[SaLeM.F-16]

سؤال في محله اخوي
ياشباب هل صحيح إن الطير الحر ما يفرد جنحانه وهو طاير ولا فيه طيور ثانية تشاركه نفس الصفة
وإذا شفت الطير طاير هل ألقف له وأطير له الحمامة وماهي افضل طريقة لشبكه

[كاهن مدين]

اتمنى احد يفيدناااااااااااااااااااااااا من الطواريح والله اني كسرت سيارتي وانا اطامر وراء كل طير يحوم واطش له من هالقمري وسمان وبالاخر يطلعن شبابيط ولاحقبي,
وبعدين ايش يسوي اي شخص لاشاف طير وتحته عقبان هل يرمي له ولا ايش الطريقه

[نواف الجابري]

اخوي كل الطيور الجارحه يتميز عنها الصقر في الطيران من مسافه بعيده الا الشبط والجليميه

[نواف الجابري]

الصقر والشبط والجليميه طيرانها تحس انه خفيف واطراف جناح الطير حاده مو مثل باقي الطيور تحسها ثقيله وجنحانها غير حاده

[نواف الجابري]

والفرق بين الصقر عن الشبط و الجليميه يبان للصقار المتمرس من بعيد اما الغير متمرس لابد يدربل عليه اذا كان موقع الطير

[نواف الجابري]

واذا كان يطير يبان من حجم الطير لان الصقر اكبر من الشبط والجليميه واطول جنحان

[ابرق الحرار]

اخوي هذيه الطريقه يبغالها شرح مفصل ودقيق

بالنسبة انك تميز بين الصقر والطير الآخر هذي لايعرفها سوى الصقار المتمرس

ولكن خذ عندك بعض الفروقات


الصقر الحر يختلف عن الصقر الشاهين بمعنى ان الحر يكون اكبر حجم من الشاهين وتكون جنحانه اعرض من الشاهين ولايوجد فيها انحاء واضح مثل الشاهين وكفخته ليست اسرع من الشاهين علما ان الصقر بشكل عام اسرع من كفخة العقاب وبعض الطيور التي تحوم معه ويكون للصقر رقبه بارزة يمكن تحديدها من ارتفاع بعيد عكس الجليمية والشبوط والبكه والبازوهذا موجز بسيط عسانا افدناك ومن يشاهد ومن يشارك

[نواف الجابري]

الرجال وده يفرق بين الصقر وغيره ماهو بين الحر والشاهين ومعلوماتك اخوي صحيحه ماعدا بالنسبه للحجم لان فيه فروخ شياهين اكبر من بعض الحرار وغالبا تمييز الشاهين عن الحر يكون بالنظر الى صدر الطير وراسه لان الحر يجي النقوط بصدره شبه دائريه ولاكن الشاهين تجي نقوطه خطوط رأسيه والرأس للحر يأتي بدون مدامع للعين ولاكن الشاهين يأتي بمدامع

[الروقي نت]

اخوي هذيه الطريقه يبغالها شرح مفصل ودقيق

بالنسبة انك تميز بين الصقر والطير الآخر هذي لايعرفها سوى الصقار المتمرس

ولكن خذ عندك بعض الفروقات



الصقر الحر يختلف عن الصقر الشاهين بمعنى ان الحر يكون اكبر حجم من الشاهين وتكون جنحانه اعرض من الشاهين ولايوجد فيها انحاء واضح مثل الشاهين وكفخته ليست اسرع من الشاهين علما ان الصقر بشكل عام اسرع من كفخة العقاب وبعض الطيور التي تحوم معه ويكون للصقر رقبه بارزة يمكن تحديدها من ارتفاع بعيد عكس الجليمية والشبوط والبكه والبازوهذا موجز بسيط عسانا افدناك ومن يشاهد ومن يشارك

:good2::good2::good2::good2::good2::good2:

[muwafaq keer]

الله يجزاك خير أخواني جميعا على المشاركة والإفادة

والله يرزفني وإياكم بالطير النادر اللي ما سبق وصيد زيه

[قناص الحفر1]

الصقر في الجو يكفخ بجناحه بسرعة عكس باقي الطيور

[fdfd_2002]

اختصرلك الموظوع
دربيل زايس 10 * 50 هذا هو الجواب