المساعد الشخصي الرقمي

مشاهدة النسخة كاملة : مســــــاعد ة لو سمحــــتوا


اكسبرس
16/10/2006, 10:00 AM
السلام عليكم ورحمة الله وبركاتة
اولا احب احيي الاعضاء الاعزاء والعشر مباركه على الجميع
اما بعد000
والله الواحد ماله غناته عنكم وعن خبرتكم الصراحه اخوكم يبي طير حق تعليم يعني حق واحد توه مبتدي بقيمة 2000- 3500 وابي اتعلم واعرف انواعها والحقيقه اني غشيم فيها فلو احد من الاعضاء يخدمني هذي الخدمه الله لا يهينكم ويدورلي طير اتعلم عليه
راعي الهـــدد
16/10/2006, 10:11 AM
أخوي اكسبرس

نصيحة اخ محب لك

اذا كنت عازم على دخول عالم الصقاره

وانت لازلت لاتعلم شيء عنها كما افدت في كلامك

فنصيحه

لاتستعجل بالمشترى

اول شي تابع ورافق اناس اهل طيور اطلع معهم للقنص

وشف وشلون يتعبون مع الطيور حقتهم

تراها تعب

صحيح تصيد لك وتستانس يوم تشوفه يصيد

بس لها ضريبتها متابعه له

ومعاينه لخاطره تراه ماهوب سلوقي تقول له اركب يركب او حول يحول

لا ونخوك

فنصيحتي مثل ماقلت لك

وأنا مثلك متعلق بالطيور وبعد مارأيت ما رايت من مشاكلها وتعبها وجلست مع كذا وحد بينوا لي وش الطير

تبي الصراحه عفته لأني عرفت نفسي ما اصلح له ولا يصلح لي

فنصيحه تابع ورافق اهل الطيور اول ثم اشتر

وطير بالفين او ثلاثه ترى مايسوي لك شي

دمت طيبا معافى

محبك

راعي الـــهــــدد
المري
16/10/2006, 10:14 AM
راعي الهدد كفى ووفى وماقصر

وذيك الساعة لمن بغيت طير 2000 ريال شفنا لك واحد

اخوك / المري
الروقي نت
16/10/2006, 10:37 AM
عز الله إن راع الهدد كفى و وفى ولا أزيد على كلامه شي فهو جرب كما ذكر والتجربه خير برهان




http://www.mekshat.com/pix/upload/images21/mk31712_mmn.jpg
طارق الحربي
16/10/2006, 06:39 PM
اخواني الكرام

انا صراحة لا اوافقكم الرأي واعذروني

انا كنت ولازلت هاوي للطيور

اوعتبر نفسي مبتدئ جدااااا

سمعت هذا الكلام قبل وسمعت غيره

وشريت لي طير وهويت الصقاره

نصيحتي اشتر طير وتعلم واذا حسيت ماتصلح لك بعه ومنت خسران شي

وايميلي بالتوقيع
صابي
17/10/2006, 06:18 AM
رافق القناصه واطلع معهم للقنص

وتعلم منهم افضل لك حتي وان شريت طير

هذة افضل طريقة وكلها موسم وان شاء الله

تكون صقار محترف
عيناوي
17/10/2006, 06:34 AM
حبيبي..
اصابع يدك مو سوى ومو كل صقار مثل الثاني
ناس يتحملون وناس من اسبوع يجيك متحمس وطاير وما صدق على الله يشتري ويطلع وعقب يمل ويبدا يكفخ عمره ندم

واذا تبي تشوف و تختبر نفسك اذا انت قادر على هالشغله مالك الا حل واحد في رأيي:
انك تتكفل برعاية طير واحد من ربعك بكل شي من الالف للياء..مو شرط يعطيك اياه ويقضب الباب..لا اذا تبي اطلع معاه بس خل كل المسؤليه عليك ولا كأنه طير خويك...عرفت شلون...بس مويوم والا اثنين..لا اطلع موسم كااااااااااااامل...وشف نفسك هل قدرت ولا استصعبت عليك او لا؟؟ وعقب لكل حادث حديث

وصدقني العجله ما وراها الا الخساير والندم وممكن بعد يسبب لك ضرر يا لك او غيرك..وبعدين لا تنسى ..هذي ارواح بين ايدينا وبنحاسب عليها اذا قصرنا

احسبها من كل جهه ياخوك

طيـــــــــــب يا سنايدي!!
:)