المساعد الشخصي الرقمي

مشاهدة النسخة كاملة : الى جميع الاخوان اللي عندهم خبره في دبل الجمس والتاهو ارجو الدخول


Htaan
14/10/2013, 12:34 PM
يا اخوان انا عندي تاهو 99
سافرت عليه وشبك علي الدبل وكسر لي التروس ووظبت القير

المهم انا بتلافى الموضوع هذا على شان مايحصل معاي
قمت بفصل كهرباء دينمو الدبل ووفصل الكهرباء عن الحساس ومصعت افياشهن


السؤال
هل بهالطريقه ماعاد يشتغل الدبل نهائيا ولا احتمال يشتغل

السؤال الثاني اخواني
انا بعد التوظيب احس الموتر ثقيل مره غياراته سليمه بس دركسونه ثقيل مره
هل هناك احتمال ان الدبل شابكه عكوسه وانا فاصل الكهرب عنه.؟

ارجو يااخوان انكم تجيبون على استفساراتي
كلاش2500
14/10/2013, 07:22 PM
لايكون مصعت افياشه والدبل مشبوك....لأنه لازم يجيه أمر بالفصل ....وطالما انك مصعت افياشه ماراح يفصل....هذا احتمال....عموما اقرب رملة وجرب الموتر فيها شوفه شغال الدبل ولا لا.....
اخيرا اذا انت ماتبغى الدبل ..شيل عمود الدبل وريح راسك....
Htaan
15/10/2013, 01:17 AM
والله انه دبل كبدي الى درجة اني افكر ابيعه حتى عمود الدبل فكيته قلت يمكن منه
بس ودي اعرف العكوس شابكه ولا لا .؟ ليش الموتر ثقيل

المشكله والله مدري من وين هي من الحساس ولا الديلمو ولا من السوتش
لاهنت على الرد
hsdt
15/10/2013, 01:40 AM
ارفع احد الكفرات الامامية ودور الكفر بيدك اذا شفت الكارونة تدور معنها شابك
موفق خير
كلاش2500
15/10/2013, 02:28 AM
اخ هتان....يمكن انت ماشرحت مشكلتك بشكل واضح......لكن انا بقولك على اللى فهمته منك...انت تقول انك وضبت القير...وان السيارة صارت ثقيلة.......وان الدركسون صار ثقيل......
وانت تقول ان القير غياراته سليمة....
الان ناخذ الموضوع خطوة خطوة.....ونت ماشى بالسيارة على سرعة 60 مثلا ودعست بشكل قوى يعنى دعست بنزين على آخر الدعسة ..هل القير يرد نمرة وتحس الموتر يسرع يعنى يتجاوب مع دعستك ولا تحس السيارة ثقيلةكأنك ماشى بالرابع او الخامس.....اذا مايرد نمرة معناه ان اللى وضبلك القير ماشبك الحساسات الخاصة بالقير او انه خربها لان تغيير النمر يرتبط بالكمبيوتر واعطائه أمر تغيير النمر .....او ان البرمجة اختلفت ولابد من اعادة برمجة...
هذا من ناحية ثقل السيارة اما العكوس مااعتقد انها شابكة لانها لو شابكة راح يبان معاك على الزفلت يعنى لو انت واقف ولفيت الموتر بيطلع صوت للكفرات الامامية ومع الشبك مايلحق كفر الكفر الثانى فيقحص بالزفلت....
وانا استبعد تماما ان العكوس تكون مشبوكة الا اذا فيها دف لوك وانا اللى اعرفه ان التاهو مافيه دف لوك امامى او خلفى....
اما ثقل الدركسون شيك على علبة الدركسون...........
اتمنى انى افدتك.....والله اعلم........
Htaan
15/10/2013, 03:31 PM
لاهنتو على الردود
كلاش يابعد راسي
انا وديته للقرعاوي وفحصه كمبيوتر وطلع معاي فلبيني قالي غياراته سليمه

بس الموتر ثقيل مررره كنك ماسك الجلنط وتمشي
مع العلم ان كفة القير خربانه
كلاش2500
15/10/2013, 05:25 PM
يسلم راسك اخوى هتان....بس ياريت تخلى الفلبينى على جنب وتجاوبنى على سؤالى انت من سواقتك للموتر القير يرجع نمرة ولا مايرجع.....على افتراض انك ماشى 60 والقير على الثالث مثلا ودعست بنزين يرجع للثانى وياخذ عزم....اذا مايرجع نمرة معناه الكمبيوتر مايقرا.....
ثقل الموتر اللى تقول عليه هو ان القير يكون بنمرة ضعيفة يعنى يكون بالثالث مثلا ونت على سرعة 30 او 40
ومايرجع نمرة للثانى علشان الموتر ياخذ عزمه......
انا شبه متأكد ان المشكلة بالقير وتغييراته.....
ملاحظة مهمة اثناء الدعس ضغط الار بى ام يعلى ولا بطىء اثناء المشى.....وايضا ونت واقف بالموتر والقير على N ادعس بنزين المكينة تجاوب معك يعنى ضغط الار بى ام سريع تحس المكينة شغالة تمام ولا ماكنك داعس....اذا المكينة تجاوب معناه ان المكينة طيبة واذا تحس انها ضعيفة معناه المشكلة بالمكينة وانا استبعد موضوع المكينة لكن سألتك للاحتياط....
(الار بى ام هو العداد حق عدد دورات المكينة بالدقيقة اللى جنب عداد السرعة)


بالتوفيق.....
Htaan
16/10/2013, 02:01 AM
الله يوفقك

انحلت المشكله يالغالي
ومقدر اهتمامك وعلى راسي انت وجميع الاعضاء اللي يشيلون هم اخوانهم

حل المشكله كالتالي
شبكت فيش الحساس اللي عند الدفرنس الامامي وفصلت اصابع البطاريه وبعدين شبكت الاصابع ومصعت فيش الحساس ورجع الموتر مثل اول وراح الثقل
اول كني امشي والجلنط مسحوب والحين ولله الحمد رجع الموتر خفيف

الاف الشكر لاتكفيك
لك دعوه في ظهر الغيب انت ومن تفاعل مع موضوعي
كلاش2500
16/10/2013, 02:55 AM
الحمدلله ....وكل عام ونت بخير........