الطير بعد القرنسه بدا يحذف

[القاردنز]

عندي مثلوث. بعد ماحذف ريشه وقرنس وتم الموس بدا يحذف من جديد الان جناحه الايمن مابه الا الموسه.
وش نوع المرض و وش علاجه

[THE SNIPER H]

لو كنت قاصر عليه جدا لدرجه انه ضعف ووزنه نزل كثير فهذا طبيعي

[القاردنز]

لا بالعكس مكرمه طوال الربطه

[خيال سهيل]

لا بالعكس مكرمه طوال الربطه

اذا رفعت الطير واجد رح يحذف مره ثانيه طبيعي ويتخربط قرناسه راحه وعلف وش يبي اكثر منكذا

[القاردنز]

يبي طلق كاكا
اذا نزلته حذف
واذا رفعته حذف
ماعرفنالكم

[خيال سهيل]

الوسطيه زينه
بعدين رفع الطير شوي شوي وهوو تزخه بالعلف غصب بيحذف

هذا اذا مارد العلف وجاه قلاع الشي ومنه

[راكااااان]

ههههههههه والله البلشه صحيح اذا اكرمه حذف واذا نزل وزنه حذف وش البلشه هاذي رجال ماستفاد منكم شي ماغير ارفع ونزل كل طيور نكرمها وبعضها ينزل وزنها ولاتحذف آساسن كيف يحذف وهو توه مقرنس وخالص ماتخش العقل ابد الطير مريض ولا فيه عثه داخليه اعرضه اقرب مستشفى طيور احسن ماترفع وتنزل بوزنه هههههههه

[الجبلي.]

سلام عليكم ورحمه الله وبركاته طيرك ان خوك فيه سويرق لا طلع الريش حذف مره ثانيه

[صققار]

الجبلي عطاك العلم هذا السويرق ماله علاج و اترك عنك اللى يقول ارفعله ولا نزله