المساعد الشخصي الرقمي

مشاهدة النسخة كاملة : سجل اسمك بالمطالبة بوضع محميات بالصمان


طشي وامطري
16/10/2006, 05:02 PM
السلام عليكم ورحمة الله وبركاته

يا جماعة البر اندمر بسبب هالكشاته اللي لو واحد من بين ألف يصير همجي ومتخلف يدمرلك الأرض بالوصايخ وبقياه ، واللي يروح للفياض خصوصاً بالصيف يشوف مقدار المشكلة، لأن وقت الربيع يغطيه العشب ما تشوف البلاوي.

ولذلك ومن خلال مكشات أطالب المسؤولين بوضع محميات دورية أي كل عشر سنوات تفتح منطقة وتغلق أخرى ، خلها مثلاً25كيلو في 25كيلو تغلق لمدة عشر سنوات وبعدها تفتح للرعي وللكشاته وتغلق منطقة أخرى وهكذا لعله تبقى الأرض محتفظة ببعض خصائصها.

انتظر التفاعل،،،،،،،،،،،،،،،،،،،،،،،


شوفوا هالصورة اللي من الصور اللي نزلها المشرف العام وشوفوا كيف التخلف عند بعض البشر.
http://www.mekshat.com/pix/upload/images21/mk1_tes10.jpg

والله قهر
سعود الراشد
16/10/2006, 05:11 PM
هلا فيك اخوي
واذا صارالصمان محميات وين نروح حنا وين نكشت بالعراق ولا بالبحرين
اخي موضوعك هذا مهم جدا ولكن انا من رأيي ان الناس يبغون لهم توعيه جاده ولكن الحمى اسال الله ان لايكون وانا محترم رايك جدا والموضوع مطروح للنقاش واشكرك على هذا الطرح الجميل ولك تحياتي
بواسامه
16/10/2006, 05:13 PM
كم بنعيش وانا اخوك 200 سنه:D
عشان تحبسهن 10 سنين
وبعدين المتخلف متخلف
مابني في سنين يهدم بيوم

وبعدين ما ييزيك تشبيك الرياض و100 كيلو حوليه
تبي تشبك الصمان بعد:confused:
لاحد يسمعك تكفى ويشبوكنهن:D
وين نروووووووووووووووووح تكفى
نفرح بهالروضه تربع شهرين ونحتريها 10 اشهر الى القابله
كحيلان 11
16/10/2006, 10:01 PM
عشان يصكون الدنيا كلها وتقعد بها معاد تلقا مكان تقنص فيه والا تكشت ......
عبادل العاصمي
16/10/2006, 10:15 PM
أنا أقترح تسييج الفياض فقط

يعني توقف سيارتك برا وتدخل على رجلينك

مع أحترامي فيه ناس مايدركون قيمة الطبيعة ولا ينتبهون أنهم في غلط ألا أذا أبادوها

لاهنت
شبح الصحراء
16/10/2006, 10:15 PM
بصراحة اخوي هذا أسوء موضوع قريته في مكشات من عرفت هالمنتدى واعذرني على الصراحة الزايدة هذي ، يعني علشان بعض المتخلفين والجهلة يغلقون الصمان ويصير فيه محميات! يا اخي بدل ما تقول يحطون بلديات وسيارات نظافة في الصمان وحملات توعوية تقول يصكونه علينا! .
طشي وامطري
16/10/2006, 10:26 PM
يا اخوان مهب كله يصك لكن أجزاء منه.

تبي تعرف ضرورة هالشيء شف الفرق بين وضع الصمان هالحين وقبل 25 سنة كيف الطير والعشب والنباتات ، تعرف حجم المشكلة.
عموماً مطروح للنقاش.
أما مشكلة الشبوك فالله المستعان مكاشيت الرياض كله محصورة بكيلو في 7 كيلو والدبابات والمطعسين أكثر من حب الرمل . لا ويقرشون عليها يبي يشبكونها يعني إذا بغيت تكشت كشته خفيفة كود تدق لك 200 كيلو.

ومع ذلك أدعوا لجعل محميات بالصمان خصوصاً والتيسية والحجرة إن حصل .
بو اسامة
كحيلان
رجل الجنوب
شبح الصحراء
شكراً لكم
شبح الصحراء
17/10/2006, 02:24 PM
لا وألف لا .
هاوي سلق
17/10/2006, 02:29 PM
مستحيييييييييييييييييييييييييييييييييييييييييييييل نوافق
رمو77
19/10/2006, 04:47 AM
هههههههههههههههههههه بصرررررررررررررااااااحة تعجبوني على الردود القوية مكفاهم شبكو على الروضات الي تبعد عن الرياض الى 200 كيلو وقل لهم يحطون تذاكرلدخول ياخوي ماصدقنا نلقى مفتوحة ونرتاح فيها بعد تجي انت واقتراحك
راعي الهـــدد
19/10/2006, 05:08 AM
التصرفات السيئه لاتبرر تصرف اسوء وهو جعل الصمان محميه

هذي مصيبه

داري وش معنى كلامك اخوي الغالي

معناه انا نكشت بطريق الملك فهد والحدايق الي بالرياض وبرسوم ودهنت خير

على العموم اسمح لي اقول لك اقتراحك ربما يكون غير مجدي ولا نافع

لماذا نحن نبتر القدم ولا نعالجها ... ؟؟؟

نريد علاج للوضع التوعوي السيء ...

نريد من الأعلام التثقيف الصحيح والمطلوب في هذا الجانب ...

نريد ان يمارس الدعاة دعوتهم ويذكرون ذلك الجانب السيء ...

نريد من الأباء ...

نريد من المربين ....

نريد من المقبولين لدى الناس ....

نريد من الجميع ان يتثف ويعي مدى الخسائر البيئيه والماليه على مجتمعنا جراء تلك التصرفات السيئه وهي عدم مراعاة البيئه واتلاف كل مايواجهه الكشّات وكذلك القنّاص في صيده الجائر

خاطره واحببت ايرادها

والسلام ختام
سكّين
19/10/2006, 06:49 AM
10 سنوات ماتلاحظ كثير
على الأقل لو موسم واحد والتشبيك يكون على جزء صغير من الصمان
برق و سحاب
19/10/2006, 10:21 AM
:no2: مدزدين فيه

تصدق عاد ان الفياض اللي مشبكه هي اللي محيوسه واللي بدون حمايه ابرك منها مية مره
ابوخطر
20/10/2006, 07:37 PM
انا اضم صوتي لصوت الاخ واطالب بتشبيك الصمان و الدهنا والصلب والنفود الكبير والمستوي والثويرات

وكل واحد يكشت في حوشه
شبح الصحراء
20/10/2006, 07:47 PM
انا اضم صوتي لصوت الاخ واطالب بتشبيك الصمان و الدهنا والصلب والنفود الكبير والمستوي والثويرات

وكل واحد يكشت في حوشه

هههههههههههههههه حلوة :D
ابوعزيزm
21/10/2006, 01:36 AM
السلام عليكم

هذي الفكرة ما تنفع لأن الناس يبغووون توعية فقط بأهمية هذه الثروة

والحمد لله . . وفي السماء رزقكم وما توعدون . . وخير الله وااااااسع ولله الحمد

وعطاء الله عطاااااء غير محدود . .

أما ناحية التشبييك فأرى أنه أجحاف وظلم للناس . . :(
اطلال نجد
27/10/2006, 02:17 AM
نعم يجب تشبيك جميع الروضات داخل المملكه
ولنا عبره في روضه خريم والتنهات ولنكن اكثر صراحه لا ينفع معنا الى تلك الطريقه 0