المساعد الشخصي الرقمي

مشاهدة النسخة كاملة : ماهي طريقة طبخ السمك في المنزل+ماذا أفعل بشحم الذبيحة ؟؟؟؟؟


نجم الخليج
17/10/2013, 10:02 AM
ما ادري ماهي انسب طريقة لطبخ السمك واعداده بالمنازل ؟؟؟؟؟

بالنسبة لشحم الذبيحة هل يمكن صهره واستخدامه كزيت بدلا من الزيوت الجاهزة كزيت الذرة وغيره ...؟؟؟ وهل لذلك ضرر صحي ....؟؟؟

شكرا لكم
ibrahim989
17/10/2013, 10:33 AM
حياك الله اخوي
بالنسبه للسمك له عدت طبخات فيه القلي و الفرن الكبسه و المرقه وكل طبخه على حسب نوع السمك
عطني وش نوع السمك اللي تبيه و ابشر بسعدك اعلمك وش تطبخه


Sent from my iPhone using Tapatalk - now Free (http://tapatalk.com/m?id=1)
أبوبخيت
17/10/2013, 04:28 PM
في البيت ما ينفع الا مشوي في الفرن

المقلي اشوف توديه محل قلي وهم يقومون بالمهمه ...
ليالي العشق
17/10/2013, 05:36 PM
ما ادري ماهي انسب طريقة لطبخ السمك واعداده بالمنازل ؟؟؟؟؟

بالنسبة لشحم الذبيحة هل يمكن صهره واستخدامه كزيت بدلا من الزيوت الجاهزة كزيت الذرة وغيره ...؟؟؟ وهل لذلك ضرر صحي ....؟؟؟

شكرا لكم


كل عام وانت بخير الله يتقبل منا ومنك صالح الاعمال
بالنسبة لاعداد السمك في البيت اهم شي تنقعه بماء وملح او ماء وعصير ليمون وان حصل شوي خل عشان ريحته تطير وتخليه مدة ساعة او حسب حجم السمك
بعده تغسله بماء عادي وتحط اي نوع تتبيلة تحبها وبإمكانك تستخدم التتبيلة الجاهزة وهي تباع في المحلات او إنك تسويها انت مثلا بصل وثوم وكزبرة وبهارات أو أي شي تفضله انت تخلطها بالخلاط وتصبها على السمك بعد ما تغسله وتخليها قبل موعد طبخها حوالي ساعتين على الاقل للتطعيم

اشوف القلي افضل طريقة للطبخ والناس اذواق ولازم يكون عندك مقلاة عميقة عشان تتجنب التقليب ويكون على نارعالية عشان لا يتشرب الزيت وضروي قبل تحط السمك بالزيت تعطيه طحين او بقسماط عشان يطلع لك بصورة رهيبة

بالنسبة لي افضل اعداد السمك في البيت بالطريقة ذي تجنبا لاي شي يصير من المطاعم مثل عدم نظافة الزيت او التتبيلة. عذرا للإطالة

شحم الذبيحة افيدك عنه ان الوالدة الله يحفظها متخصصة بصهر الشحم وتستفيد منه كسمن غنم والطلب عليه يزيد في الشتاء لان مكوناته الحرارية عالية جدا ويستخدم في كثير من الطبخات الشعبية وبلا شك افضل من الزيوت المعروفة واللي اغلبها يكون مكرر
بس ي غالي ما اعرف طريقه صهره لان لازم يقشد بعد ما ينصهر

اسف للإطالة وتقبل تحياتي
نجم الخليج
23/10/2013, 12:22 AM
شكرا لكم للافادة ......

نوعية السمك التي اشتريها في العادة شعور .....
الوفاء طبعي11
26/11/2013, 08:35 PM
شحم الذبيحه تقطعه الوالده صغار وتحطه بقدر وتوطي النار عليه وتحط عليه ملح خشن لين مايذوب الشحم وتصفيه بمشخل وتحتفظ فيه بالثلاجه بس ترا مليان كوليسترول ابعد عنه
نجم الخليج
20/01/2014, 01:54 PM
شكرا لك الوفاء طبعي .... انا قريت مقال لدكتور متخصص قبل فترة إنه من المفضل استخدام هذا الشحم بدلا من الزيوت الجاهزة وإن هذا افضل صحيا .....
نجم الخليج
12/03/2015, 02:07 PM
شكرا لكم لعل في الإعادة إفادة
سعيد الصبحي
17/03/2015, 01:51 PM
اخي الكريم... السمك تقدر تسويه أي طبخة فالبيت .. ممكن تسويه مرق وممكن مقلي وممكن مشوي وممكن كبسة وممكن قبولي (اعتقد تسموه مكبوس) وممكن عرسية ومكن .... كثير أكلات تسوى بالسمك ..

بخصوص الشحم احنا في عمان نقطعة قطع متوسطة ونخلط معاه قطع لحم ونحط عليه جزع (كركم) وملح ونبيته ليلة كاملة في قفير (سلة تصنع من خوص النخيل) وفي اليوم الثاني يحط في قدر على نار هادية حتى يذوب كامل الشحم وعندها نحط عليه فلفل مجروش ونطفي النار .. بعد ما يبرد وقبل لا يتجمد نصفيه ونحفظه ويستخدم بديل للزيت ويعطي طعم جميل للطبخات وخصوصًا مرق السمك .. أما قطع اللحم بعد ما نصفي الزيت منها نجففها ونحفظها للاستخدام لاحقًا ...
الحربي حاتم
02/07/2015, 12:06 PM
الشحم المصهور صحي وأفضل من الزيوت ويعطي نكهات ممتازه