راعي العجرا والعصير قبل خمسين سنه او اكثر

[راعي العجراء]

السلام عليكم ورحمة الله وبركاته
كل عام وانتم وهلكم وعيالكم وجيرانكم بخير وصحه وسلامه

ا
ليكم هذه السالفه من عبق الماضي قبل خمسين سنه او يزيدون
(حلوه عبق الماضي ) تصدقون ماعرف معناه بس معجب فيها ماشاءالله ياراعي العجرا غديت ففلفسوف
حتى فلفسوف ماعرف معناه سمعت الهيل ابوعبد الله يقوله ولطشته منه وقلت ابحطها باول سالفه
على العموم ماودي اطول عليكم بالفسلفه
والسالفه عن عصيرنا من اول
اذا صار عندنا والا عند الجيران عزيمه يحطون اهلنا برتقال مع الغداء ترا ماهوب دايم يحطون الذبيحه ارخص من البرتقال بس اذا صادفت ذاك اليوم وحاطين برتقال وقلطوا الغداء مايبقى برتقال ياكلونه الضيوف مايبقى الا القشور بس حنا ياصغيرين ذهان نجمع القشور ونحطها بالسطح تيبس (تجف)
لما يصير القشر يتعكف من الشمس لمده يوم اويومين ثم ناخذه وندقه بالنجر ونصب عليه ماء من الزير (الزير للمتمدنين فقط ) والا من القربه للدرجه السياحيه ونحط عليه سكر (ان وجد)
ثم نقعد على المراكي نحط رجل على رجل ونشرب عصير البرتقال بدلع ومياقه الوحد منا فيه زمره
سنه بيوم بس فيه طعم يخج القلب خج الظاهر ان العصير مايروح للمعده الطاهر ان المري يتحول تلقائي الى القلب مثل الساقي اللي يعدل من شرب لشرب او من حوض لحوض اخاف بعظكم مايعرف الشرب عاد لاتحسبوننا نشربه بكاسات نشربه بطياس غرش (غضار ) الوحده تقول فيها دق جدري من القشوع والطاسه السليمه اللي اخف قشوع تقول فيها عنقز (عكنكش)
والصراحه يازين الزمره مع طاسة قشر البرتقال المجفف يازينها من حياة اول لونشرب بجمجمة قعود
والحين مانشرب الا ماء صحه مبستر ومعقم بالاوزون مدري الامازون والامراض تحوفنا مع كل جانب
اشكركم على حضوركم وانتهت سالفتنا وقبل الختام سبحانك اللهم وبحمدك لااله الا انت استغفرك اللهم واتوب اليك
مع تحيات
اخيكم
راعي العجرا

[سحاب نجد راعي شقراء]

ياالله تحيي الغالي

وعيدك مبارك بعد الزحمه

يازينكم ويازين عصيركم يخوي الدنيا كانت لها لذه

شي حاطه رب العالمين في قلوب عباده والله اني صادق مثل بيوتنا منول شف وشلون الله سبحانه وتعالى موسعها بعيونا وهلحين الا رحت وشف بيتي الطين ما اصدق ابد ابد ان هذا هو وشلون صغر مدري

على طاري العصير اذكر اول ماجانا عصير التوت الي هو الفمتو ومنول اسمه التوت وش الي قلبه مدري
ثمن جانا عصير قمر الدين اذكره يجي شرايح عليها باغه مربعه الشكل ونخلطها بالماء ويصير عصير اول ماجانا طبيت فيه طبه الين بغا يجيني الغلث يعني استغلث

الله يحفظك يالغالي من كل شر

[محمد الظاهري]

حياك الله ياراعي العجراء
وكل عام وانت بخير
ويازين سؤالفك ياراعي العجراء
لها طعم غير واسلوب غير
اثني عليك الشكر والتقدير
تحياتي

[قوافي ( أم نهار )]

عليكم السلام ورحمة الله وبركاته
وانت واهلك وعيالك وجيرانك بخير وعافيه
طيب انتم يبستو قشور البرتزان،، برتكان،، شفت انا أعرف لُغات و (باللغه العربيه:برتقال) وسويتوه عصير،، طيب والتفاح والعنب يصلح نيبس العبس؟؟؟
لا تفسلف واجد بالشرح ترا تضيع طاستي ومن غير شي صابتن به قار عشان ماتطير،، وفيه سؤال بعد: قشور الفقع تصلح عصير ولا بس مرقوق ؟؟؟;):):p:D
تركيبه غريبه عجيبه لمفردات السالفه الجميله
وسع الله صدرك بالعافيه وبارك الله بك وحفظك
تحياتي وتقديري واحترامي
..قوافي..

[فهد الهلالي]

الله يعطيك العافيه ياراع العجرا
على السالفه
تقبل تحياتي

[ساحووق]

هلاوالله براعي آلعجراء
من العائدين بعد الزحمه

ومشكور على القصه الرائعه وماقصرت

تحياتي

[دلهميز]

الله يعطيك العافية وكل عام انت والاحبة بخير

ليت راعي العجراء وسائر المبدعين في هالخيمة يحطون روابط في توقيعهم لابرز ما طرحوه

حتى يستفيد القراء وايضا تستجلب الاعضاء الغافلين عن هالخيمة حينما يدخلونها

متابع لكم باستمرار ومستفيد جزاكم الله خيرا

[محب الجهاد]

شكرًا لك ياراعي العجراء دائماً مميز كعادتك حفظك الباريوأوجه دعوة لك للزيارة ومرحباً مليون

[النبهاني]

وعليكم السلام ورحمة الله وبركاته
يا حيا الله راعي العجراء
وكل عام وانت بخير وكل العجاري
يحق لكم يالمتفندين تشربون عصير بالغضاره

http://im39.gulfup.com/7xPvb.jpeg

حنا مانعرف البرتكان ويوم عرفناه ماعرفنا العصير
يوم عرفنا العصير ماعندنا وقت نحتري لين ينعصر مشافيح مجاريح يالغالي
ماقصرت ومشكور يافيلسوف السوالف

[هيل]

بسم الله الرحمن الرحيم
وعليكم السلام ورحمة الله وبركاته
يا حيا الله راعي العجراء
وكل عام وانت بخير وكل العجاريات
يحق لكم يالمتفندين تشربون عصير بالغضاره
ولا السحله قصه شيقه ورعه وحلاه اسلوبك
الطيف سلمت رائع واكثر من رائع صحيح العمريفرق
بيني وبينك حول 30سنه بس وكائنك عيشتن تلك الفتره
تحياتي

[راعي العجراء]

ياالله تحيي الغالي

وعيدك مبارك بعد الزحمه

يازينكم ويازين عصيركم يخوي الدنيا كانت لها لذه

شي حاطه رب العالمين في قلوب عباده والله اني صادق مثل بيوتنا منول شف وشلون الله سبحانه وتعالى موسعها بعيونا وهلحين الا رحت وشف بيتي الطين ما اصدق ابد ابد ان هذا هو وشلون صغر مدري

على طاري العصير اذكر اول ماجانا عصير التوت الي هو الفمتو ومنول اسمه التوت وش الي قلبه مدري
ثمن جانا عصير قمر الدين اذكره يجي شرايح عليها باغه مربعه الشكل ونخلطها بالماء ويصير عصير اول ماجانا طبيت فيه طبه الين بغا يجيني الغلث يعني استغلث

الله يحفظك يالغالي من كل شر


ياهلا بالعم سحاب يالله حيوه
عيدك مبارك
تو ماتزين السالفه ياعميد السوالف الذهبي بحضورك
والله اني افرح اذا شفت سالفه تحت توقيع العم ابو نوره
واعتقد من اول يسمون العصير شربيت وانت ابخص مني الله يطيل بعمرك اعوام مديده وتدخل عريس مادار اسبوع
وقمر الدين مازال ياتي بالقرطاس الاصفر بس انت يمكن مبطي عنه
على العموم سرني مرورك حفظك الله
واسلم وسلم ومع السلامه

[صقر العثمور]

شكرا يواحلوها من ايام وكل عام وانت بخير

[راعي العجراء]

حياك الله ياراعي العجراء
وكل عام وانت بخير
ويازين سؤالفك ياراعي العجراء
لها طعم غير واسلوب غير
اثني عليك الشكر والتقدير
تحياتي
هلاوغلا بمشرفنا الفاضل محمد الظاهري

كل عام وانت بخير
واللي احسن وافضل واطخم من سواليفي
حضورك الذي شرفني في هذه السالفه
وما نضعه في هذه الخيمه من سوالف هذا من ثمرة توجيهاتكم
لاعدمتك
حفظك الله ودمت بخير

[راعي العجراء]

عليكم السلام ورحمة الله وبركاته
وانت واهلك وعيالك وجيرانك بخير وعافيه
طيب انتم يبستو قشور البرتزان،، برتكان،، شفت انا أعرف لُغات و (باللغه العربيه:برتقال) وسويتوه عصير،، طيب والتفاح والعنب يصلح نيبس العبس؟؟؟
لا تفسلف واجد بالشرح ترا تضيع طاستي ومن غير شي صابتن به قار عشان ماتطير،، وفيه سؤال بعد: قشور الفقع تصلح عصير ولا بس مرقوق ؟؟؟;):):p:D
تركيبه غريبه عجيبه لمفردات السالفه الجميله
وسع الله صدرك بالعافيه وبارك الله بك وحفظك
تحياتي وتقديري واحترامي
..قوافي..


هلابك يامشرفتنا الفاضله قوافي
يالله حيها
سرني مرورك على هذه السالفه
اما عن قشور الفقع تصلح شربيت كوتيل خاصة مع الشيح والربله مع الرمث والخبيز
تخلط بعد التجفيف في النجر ويصب عليها مرقة ضب يتيم مابعد دخل المدرسه ثم تشرب على الريق حتى يصير الواحد اذا بغى يدخل بيتهم يدخل بيوت الجيران واذا بغى يقطع الشارع جاب معه سكين يقطع بها الشارع
اشكرك على تفضلك بردك الجميل
مع السلامه

[الجرح الحزين]

وعليكم السلام ورحمة الله وبركاته
وانت بخير ونعمه وكل من يعز عليك

يااااااااااااازينكم ويااااااازين زمنكم والسواليفه
فيه من الاحداث الجميله الفريده من نوعه
الله يتمم عليكم الصحه والعافيه
ومااااازلنا متعطشين لمثل هذا السوالف الي تثلج الصدر

سالفتك خلتني اتحمس وسؤال ام قعيد كان عندهم عصير برتقان مثلكم ولا
كل الي اقدار اقوله الله يجزاك كل خير وجعله في ميزان حسناتك على سواليفك الطيبه الي ترسم الابتسامه على وجه جدتي أم قعيد اطال الله عمرها وأعماركم على الطاعه ..

[راعي العجراء]

الله يعطيك العافيه ياراع العجرا
على السالفه
تقبل تحياتي


اشكرك على تواجدك في هذه السالفه ياشيخنا
مع السلامه

[ناصر العلي]

وعليكم السلام ورحمة الله وبركاته
حياك ربي يالغالي
وكل عام وأنت بألف خير
وفعلاً سالفة من عبق الماضي
ياالله
عصير قشور البرتقال
يضرب بالخلاط:D
قصدي يطحن بالنجر بعد ماييبس
بس فيه طعم يخج القلب خج


ويشرب بطياس غرش متقشعة
الله يستر


ذكرتني يالغالي يوم حنا صغار من الجوع الواحد يحاول يبتكر أي شي
كنا نعبط التمر ونسوي منه مصاصة على شكل كورة بعد مانغز بوسطه عود
وكل واحد معه مصاصته وهاك ياجلد ورضع
والله ياباسكن روبنز مايصف معنا
:D:);):p
أسعد الله يالغالي مثل ماأسعدتنا بهالسالفة
تقبل تحياتي وتقديري

[محمدالزبيدي]

والله يالأطفال يطبون على بعض السوالف

اللي ما تجي بالعقل

أيام حلوة وعفوية ما فيها تعقيدات الحاضر

تحياتي لك

[راعي العجراء]

هلاوالله براعي آلعجراء
من العائدين بعد الزحمه

ومشكور على القصه الرائعه وماقصرت

تحياتي


ياهلابك اخي ساحوق وكل عام وانت بخير وصحه وسلامه
دمت بخير

[راعي العجراء]

الله يعطيك العافية وكل عام انت والاحبة بخير

ليت راعي العجراء وسائر المبدعين في هالخيمة يحطون روابط في توقيعهم لابرز ما طرحوه

حتى يستفيد القراء وايضا تستجلب الاعضاء الغافلين عن هالخيمة حينما يدخلونها

متابع لكم باستمرار ومستفيد جزاكم الله خيرا


هلا يااخي الغالي دلهميز
الله يعافيك ويبقيك
فعلا انت تقول المبدعين وياليت انا واحد من المبدعين كان احط ابداعي في كل جدران بيوت خلق الله
ماخلي اجدار ماكتبت عليه بس العين ماتعلا على الحاجب
ياعم دلهميز معرفك عجزت اقراه انقله نقل قص ولزق وتبيني بعد احط ابداعي على التوقيع ويني وين الابداع
صدقت ام كلثوم يوم تغنت فيني
تقول في اغنيتها ( انت مابينك وبين الضب دنيا = ضب ماتطوله ولا حتى بكريك افغاني)
على العموم البركه في الاخوان المبدعين وانا اضم صوتي لصوتك
واسلم وسلم ومع السلامه نشوفك على خير لاتقاطع

[راعي العجراء]

شكرًا لك ياراعي العجراء دائماً مميز كعادتك حفظك الباريوأوجه دعوة لك للزيارة ومرحباً مليون


ياهلا وغلا في اخي الفاضل محب الجهاد
ابشر من يلبي دعوتك يالغالي بس وينك فيه ؟؟؟؟؟
انا موجود في ولايه مقاديشو بالفلبين هه عساك قريب من هالديره
على العموم اشكرك على هالدعوه والايام جايه بالخير ان شاءالله
واسلم وسلم ومع السلامه
بحفظ الله انشوفك على خير

[راعي العجراء]

وعليكم السلام ورحمة الله وبركاته
يا حيا الله راعي العجراء
وكل عام وانت بخير وكل العجاري
يحق لكم يالمتفندين تشربون عصير بالغضاره

http://im39.gulfup.com/7xPvb.jpeg

حنا مانعرف البرتكان ويوم عرفناه ماعرفنا العصير
يوم عرفنا العصير ماعندنا وقت نحتري لين ينعصر مشافيح مجاريح يالغالي
ماقصرت ومشكور يافيلسوف السوالف


هلا وغلا يابو سالم
نعم نشرب الشربيت بالغضار وطياس البرمان
ولو شفت ترانا متمدنين
بعطيك نبذه عن بطاقتي الشخصيه حتى تصدق اننا متمدنين
الاسم راعي العجرا ابوجلنبو
من مواليد ولاية كوداندس دس فرجينيا
في المانيا الجنوبيه مددريد
اسم امي فريال عكنكش حسنين قصب السكر
متزوج من اربع حريم وحده عندي وثلاث شفتهن بالحلم ومادخلت عليهن يقولن نبي عرسنا في برج المملكه ونبي تجيب فرقة بتهوفن قلت لهن بتهوفن مايخالف نجيبه والمملكه صعبه وانا على بالي بتهوفن مثل بيتزاهت شي يوكل مادريت انه فرقة طرب وسامري
واجلت العرس ماعندي قروش ولا بالحلم احقق طلبهن
حياتي التعليمه
خريج كلية طب العيون تخصص كسور اعتياديه
برسفور في هشاشه الرموش من الاتحاد الموزمبيقي بلجيكا
زماله الاطبا البيطريين في ولاية مشقن السويديه في تصليح السياكل وقطع الجنزير والبناشر السيكليه تحت الاشعه البلنفسجيه اللي تطلع الضب من جحره بالمربعانيه من دون شكمان
هه صدقت اني متمدن متواضع اشرب عصير قشور البرتقال بالطاسه والمثعوبه
واسلم وسلم ومع السلامه

[Al3rands]

ههههههههههه ماقلت مالك حل

[بندرالشريف]

وعليكم السلام ورحمة الله وبركاته
دائما تتحفنا بقصصك الواقعيه المميزة الجميله
بارك الله فيك ياراعي العجراء

[ابو اسامه 2]

السلام عليكم ورحمة الله وبركاته

كل عام وانتم وهلكم وعيالكم وجيرانكم بخير وصحه وسلامه


ا
ليكم هذه السالفه من عبق الماضي قبل خمسين سنه او يزيدون

(حلوه عبق الماضي ) تصدقون ماعرف معناه بس معجب فيها ماشاءالله ياراعي العجرا غديت ففلفسوف
حتى فلفسوف ماعرف معناه سمعت الهيل ابوعبد الله يقوله ولطشته منه وقلت ابحطها باول سالفه
على العموم ماودي اطول عليكم بالفسلفه
والسالفه عن عصيرنا من اول
اذا صار عندنا والا عند الجيران عزيمه يحطون اهلنا برتقال مع الغداء ترا ماهوب دايم يحطون الذبيحه ارخص من البرتقال بس اذا صادفت ذاك اليوم وحاطين برتقال وقلطوا الغداء مايبقى برتقال ياكلونه الضيوف مايبقى الا القشور بس حنا ياصغيرين ذهان نجمع القشور ونحطها بالسطح تيبس (تجف)
لما يصير القشر يتعكف من الشمس لمده يوم اويومين ثم ناخذه وندقه بالنجر ونصب عليه ماء من الزير (الزير للمتمدنين فقط ) والا من القربه للدرجه السياحيه ونحط عليه سكر (ان وجد)
ثم نقعد على المراكي نحط رجل على رجل ونشرب عصير البرتقال بدلع ومياقه الوحد منا فيه زمره
سنه بيوم بس فيه طعم يخج القلب خج الظاهر ان العصير مايروح للمعده الطاهر ان المري يتحول تلقائي الى القلب مثل الساقي اللي يعدل من شرب لشرب او من حوض لحوض اخاف بعظكم مايعرف الشرب عاد لاتحسبوننا نشربه بكاسات نشربه بطياس غرش (غضار ) الوحده تقول فيها دق جدري من القشوع والطاسه السليمه اللي اخف قشوع تقول فيها عنقز (عكنكش)
والصراحه يازين الزمره مع طاسة قشر البرتقال المجفف يازينها من حياة اول لونشرب بجمجمة قعود
والحين مانشرب الا ماء صحه مبستر ومعقم بالاوزون مدري الامازون والامراض تحوفنا مع كل جانب
اشكركم على حضوركم وانتهت سالفتنا وقبل الختام سبحانك اللهم وبحمدك لااله الا انت استغفرك اللهم واتوب اليك
مع تحيات
اخيكم
راعي العجرا












هلا وغلا يابو سالم


نعم نشرب الشربيت بالغضار وطياس البرمان
ولو شفت ترانا متمدنين
بعطيك نبذه عن بطاقتي الشخصيه حتى تصدق اننا متمدنين
الاسم راعي العجرا ابوجلنبو
من مواليد ولاية كوداندس دس فرجينيا
في المانيا الجنوبيه مددريد
اسم امي فريال عكنكش حسنين قصب السكر
متزوج من اربع حريم وحده عندي وثلاث شفتهن بالحلم ومادخلت عليهن يقولن نبي عرسنا في برج المملكه ونبي تجيب فرقة بتهوفن قلت لهن بتهوفن مايخالف نجيبه والمملكه صعبه وانا على بالي بتهوفن مثل بيتزاهت شي يوكل مادريت انه فرقة طرب وسامري
واجلت العرس ماعندي قروش ولا بالحلم احقق طلبهن
حياتي التعليمه
خريج كلية طب العيون تخصص كسور اعتياديه
برسفور في هشاشه الرموش من الاتحاد الموزمبيقي بلجيكا
زماله الاطبا البيطريين في ولاية مشقن السويديه في تصليح السياكل وقطع الجنزير والبناشر السيكليه تحت الاشعه البلنفسجيه اللي تطلع الضب من جحره بالمربعانيه من دون شكمان
هه صدقت اني متمدن متواضع اشرب عصير قشور البرتقال بالطاسه والمثعوبه

واسلم وسلم ومع السلامه



وعليكم السلام ورحمة الله وبركاته

ايه دا كله يا ولد فريال عكنكش حسنين قصب السكر


ههههههههههههههههههههههههه


والله يا عليك قصص تجيب العافيه
وتغير مزاج الشخص وتسلي النفس والروح

الله يطول بعمرك يا ولد بنت عكنكش :D:D


قصه روعه بروعتك :good2:

[وهم العتيبي]

والله اكلنا وشبعنا من قرش البرتقال وشبعنا منه

[شرقا]

هههه يقولو عن زمنكم هداك انه زمن الطيبين

الغريب انكم كلكم يالاولين اشقيا وشريرين مدري عليش مسمينه زمن الطيبين هههههه

تاكلون الاخضر وتعصرون اليابس ههه

ههههه. الله يسعدك وياراعي العجرا

[ابوماريا]

تصدق ياراعي العجراء
اني أجيب بردوق الصندقان (صندوق البرتقال )
لعيالي وانه يتلوى وييبس بصندوقة مايقربونه
نحمد الله على النعمه والعافيه

سلمت يالغالي على السالفة المفيدة والظريفة اللي توسع الصدر

اصبر بس لما أصير مسعول بأحد هالقنوات والله لسويلك قناه خاصة فيك

دمت بخير وعافية