فزززعتكم طقيت صدري واظن جبت العيد

[الكهربجي]

يا شباب كل عام وانتم بخيرررررررر

ابي فزعتكم لعمل لحم بالقصدير على الفحم
من حيث المقادير وطريقة التتبيل والوقت الخ
انا طقيت صدري عند الربع واظن اني جبت العيد فياليت فزعتكم ابي ابيض الوجة واضبطها لهم بكره

[fj13]

مرحبا اخوي
أولا لازم يكون اللحم مقطع قطع متوسطة الحجم ( يعني مو كبار بالحيل )
خذ بطاطس و جزر و كوسا و قطعهن تقطيع متوسط
قطع البصل شرايح و الطماطم شرايح ايضا
افرد القصدير و لا تصغره عشان يكون تقفيلته باحكام
حط اللحم اول شي
افرد عليه الخضار ( البطاطس و الجزر و الكوسا )
بعد كذا حط شرايح البصل فوق الخضار غط الكميه كلها
بعدها الطماطم ايضا غط الكميه كلها
رش الملح حسب الطلب
و البزار المشكل ايضا
اقفل القصدير تمام و لا يكون هناك منسم
اكيد راح يكون الجمر جاهز
افرد الجمر و حط القصدير
غط القصدير بالجمر
يعني لازم يكون القصدير مغطى بالجمر من جميع الجهات
خلها ساعه و ربع

طبعا الجمر يكون كميته حسب عدد القصادير اللي مسويها

و بالعافيه

[سهل الجناب]

افادك أخونا أف جي ماقصر

[الستانس]

وانت بخير وسلامة
اذا معك خضار صفها شرايح يفضل تكون بطاطس او حلقات بصل
ثم جب اللحم ويفضل تتبله ببهارات بكمية معقوله لا تكثر
اذا انت حاط بطاطس زد الملح شويتين
ثم صف باقي الخضرة فوق اللحم ولا تكثر طماط وتبلش بالمرق
وصفطها في قصدير وحطها على الجمر وحط فوقها شوي جمر

وانصحك بالعلب اللي تجي زي حقات البرستد ويجي مقاسات كبيرة تلقاها عند حقين البلاستك بس ماينحط فوقها جمر

بالنسبه للخضار اللي انصحك فيها
فلفل رومي أخضر ,بطاطس,بصل,ثوم مبشور,بذنجان,كوسة,طماطم,فلفل حار,شوي زنجبيل مبشور,عصرة ليمون

بالنسبة للوقت الدجاج لا يقل عن 1 ساعة ويختلف بإختلاف الجمر

واللحم ماجربتة قصدير ويفيدونك الشباب في الوقت واتوقع 1:30 كافيه اذا جمرك تمام

وحاول ان القصدير ما ينسم


وبالهناء والشفاء

[ابوفهد f]

افضل شي للقصديره طبقها وانشاءالله تدعيلي



1 - تقطع اللحم صغير اصغر من اوصال الشوي
2-تقطع بصل وتكثر الكميه



3- فلفل اخضر بدون تقطيع على حسب الكميه 5 قرون 6 الي تبي




البهارات

1 - كمون
2- كركم نفس كميت الكمون
3- ملح
ولاااااااااتزيد البهارات

اما الوقت تحطها على الجمر لمدة ساعة ولاكن فيه ملاحظة على بعض طبخات القصدير تلقاه يحط القصديره على الجمر وعلى طول يلقط جمر ويحط فوق القصديره وهاذا غلط
خلها نصف ساعة وبعدين حط جمر فوق
واحذر الطماط لاتحطه الى اذا تبي مرق حط طماط وانا افضلها بدون طماط
:good2:وتقبل تحياتي اخوك / ابوفهد العلي

[رسيس نجد]

الله يسلمهم ما قصرو عطوك المفيد 0وهذا من عاده المكشاتيين جزاهم الله خير الجزاء 0

[ع العمرو]

افادوك الرجال.

[الكهربجي]

بيض الله وجيهكم وجزاكم الله خير

تم تاجيل الطلعة الي بكرة وراح اطبق ما قلتوا بالحررررف وان شاءالله واثق انها راح تضبط

[الموووت]

الشباب ماقصروا افادوك وبكذا طريقه بعد

وماينفع كذا

لازم تحط الصور للطبخه هههههههههههه

[خيال الغلبا]

اخوي انتبه ضروري تضع ورق ملفوف بين القصدير والطعام حتى يخفف من المادة الضاره الموجودة بالقصدير

[لورن]

أخوي قطع اللحم والبصل وملح فقط وقطعتين من الشحم وغلف قصديرك وحطه وتوكل على الله وتبي تدعي لي:):)

[فطرس]

بشر يالكهربجي ..... وش سويت